Prayer Fuel

Asante kwa kuomba.

Ili kufaidika zaidi na wakati wako wa maombi, tunapendekeza utumie gurudumu la maombi lililo hapa chini. Muundo huu umeundwa sio tu kukusaidia katika maombi yako kwa ajili ya TTI lakini pia kuwa chombo muhimu kwa maisha yako ya maombi kila siku. Tunatumai utapata mchoro huu kuwa wa msaada na ambao unaweza kubadilishwa kwa matumizi yako.

Chini ya gurudumu la maombi, utapata maandiko yanayolingana na maombi.

Sifa na Shukrani – Dakika 3

“Furahini siku zote; ombeni bila kukoma; shukuruni kwa kila jambo; maana hayo ni mapenzi ya Mungu kwenu katika Kristo Yesu.” – 1 Wathesalonike 5:16-18

Chukua muda wa kumshukuru Mungu kwa jinsi alivyo, amefanya nini na anachofanya duniani kote.

Msifu Mungu kwa kuachiliwa salama kwa mfanyakazi wa TTI Katika Asia ya Kusini mashariki ambaye alitekwa nyara kwa fidia.
Huko Mexico, vijana wawili Matimotheo wameanza Masomo ya Kugundua Bibilia katika shule zao. Msifu Mungu kwa uaminifu wa kizazi kijacho na umwombe utembeleo wenye nguvu kupitia kwao.
Mshukuru Mungu, kule Congo Brazzaville, ingawa waumini wanapata shida nyingi za kiuchumi, wametia bidii kutunza wajane na yatima.

Kukiri na Kutubu – Dakika 3

“Linda moyo wako kuliko yote uyalindayo; Maana ndiko zitokako chemchemi za uzima” – Mithali 4:23
Tumia dakika chache kuangazia mawazo yako, matendo, matamanio, tabia na mtindo wako wa maisha. Je, kuna maeneo yoyote katika maisha yako ambapo kuna dhambi ambayo haijaungamwa au haujatubu. Mwambie Mungu auchunguze moyo wako na ujibu ipasavyo kabla ya kuendelea..

Maombi ya kibinafsi – Dakika 3

“Msijisumbue kwa neno lolote; bali katika kila neno kwa kusali na kuomba, pamoja na kushukuru, haja zenu na zijulikane na Mungu. Na amani ya Mungu, ipitayo akili zote, itawahifadhi mioyo yenu na nia zenu katika Kristo Yesu” – Wafilipi 4:6-7

Tumia dakika chache kuleta maombi yako ya kibinafsi mbele za Bwana, unapofanya hivi, zingatia kumwomba Bwana aulinganishe moyo wako kwa karibu zaidi na wake, na kuweka mzigo moyoni mwako kwa mambo ambayo anayajali sana.

Maombezi – Dakika 3

“Basi, kabla ya mambo yote, nataka dua, na sala, na maombezi, na shukrani, zifanyike kwa ajili ya watu wote” – 1 Timotheo 2:1

Omba kwa niaba ya kaka na dada zetu wanaohudumu ulimwenguni kote na TTI:

Tetemeko la ardhi lenye ukubwa wa 7.7 limeathiri vibaya Watu wengi katika nchi za Myanmar na Thailand. Mapaulo wengi, Matimotheo na viongozi wengine wa huduma katika kanda hizo wamepoteza kila kitu, tafadhali tuombe kuwa Bwana atawarejesha, na kuomba ufumbuzi wa haraka wa kutafuta/kujenga nyumba mpya/bora.
Mzozo unaoendelea katika Jamhuri ya Kidemokrasia ya Congo (DRC) umewahamisha mamilioni ya raia na kusababisha mgogoro mkubwa wa kibinadamu. Miongoni mwa walioathirika ni wapandaji makanisa na waumini wapya. Tafadhali oma kwa ajili ya usalama wa waumini hawa katikati ya vurugu na pia kukamatishwa kwa vita hivi.
Tafadhali omba kwa ajili ya makundi ambayo hayajafikiwa na injili 19 katika nchi ya Cambodia. TTI inafanya kazi katika makundi 8 miongoni mwao. Tafadhali omba kuwa Bwana atatuma wafanyikazi zaidi kwenye mavuno haya.
Ombea waumini katika kanda ya Altos Tsotsil-Tseltal nchini Mexico, ambako wanaweza kuchomwa moto hadi kufa kwa kuhubiri Injili.
Mapaulo na Matimotheo wanafanya kazi bila kuchoka kuchora Ramani ya Tanzania kwa ajili ya ACHIEVE. Tafadhali omba kwamba Bwana atawaimarisha kwa kazi hiyo.

Kutafakari

“Hatimaye, ndugu zangu, mambo yo yote yaliyo ya kweli, yo yote yaliyo ya staha, yo yote yaliyo ya haki, yo yote yaliyo safi, yo yote yenye kupendeza, yo yote yenye sifa njema; ukiwapo wema wo wote, ikiwapo sifa nzuri yo yote, yatafakarini hayo” – Wafilipi 4:8

Chukua dakika chache kutafakari kuhusu maombi yako na maandiko ambayo umesoma. Fungua moyo wako na ufahamu ili kusikia sauti ya Mungu. Unapotafakari, jiulize: Mungu anawasiliana nini nawe kupitia maombi yako na Neno? Je, anakuongoza vipi au kukutia moyo vipi katika wakati huu?

Wakati unapomalizia maombi yako, mshukuru Mungu tena kwa yote anayofanya duniani kote.

Prayer Timer

Mahitaji ya Haraka ya Maombi Maombi

Read

ASANTE KWA KUOMBA.

18 Mei 2026