Prayer Fuel

Asante kwa kuomba.

Ili kufaidika zaidi na wakati wako wa maombi, tunapendekeza utumie gurudumu la maombi lililo hapa chini. Muundo huu umeundwa sio tu kukusaidia katika maombi yako kwa ajili ya TTI lakini pia kuwa chombo muhimu kwa maisha yako ya maombi kila siku. Tunatumai utapata mchoro huu kuwa wa msaada na ambao unaweza kubadilishwa kwa matumizi yako.

Chini ya gurudumu la maombi, utapata maandiko yanayolingana na maombi.

Sifa na Shukrani – Dakika 3

“Furahini siku zote; ombeni bila kukoma; shukuruni kwa kila jambo; maana hayo ni mapenzi ya Mungu kwenu katika Kristo Yesu.” – 1 Wathesalonike 5:16-18

Chukua muda wa kumshukuru Mungu kwa jinsi alivyo, amefanya nini na anachofanya duniani kote.

Msifu Mungu kwa batizo 433 ambazo zimefanyika mwaka huu katika eneo moja katika nchi ya Asia Kusini.
Msifu Mungu kwa kulinda kiongozi wa kanisa huko Nigeria ambaye alinusurika kuvamiwa barabarani alipokuwa akienda kutembelea kanisa.
Msifu Mungu kwa kuwalinda wapandaji makanisa na wafanya wanafunzi baada ya tetemeko la ardhi kuleta uhabirifu mkubwa kule Myanmmar na Thailand.

Kukiri na Kutubu – Dakika 3

“Linda moyo wako kuliko yote uyalindayo; Maana ndiko zitokako chemchemi za uzima” – Mithali 4:23

Tumia dakika chache kuangazia mawazo yako, matendo, matamanio, tabia na mtindo wako wa maisha. Je, kuna maeneo yoyote katika maisha yako ambapo kuna dhambi ambayo haijaungamwa au haujatubu. Mwambie Mungu auchunguze moyo wako na ujibu ipasavyo kabla ya kuendelea.

Maombi ya kibinafsi – Dakika 3

“Msijisumbue kwa neno lolote; bali katika kila neno kwa kusali na kuomba, pamoja na kushukuru, haja zenu na zijulikane na Mungu. Na amani ya Mungu, ipitayo akili zote, itawahifadhi mioyo yenu na nia zenu katika Kristo Yesu” – Wafilipi 4:6-7

Tumia dakika chache kuleta maombi yako ya kibinafsi mbele za Bwana, unapofanya hivi, zingatia kumwomba Bwana aulinganishe moyo wako kwa karibu zaidi na wake, na kuweka mzigo moyoni mwako kwa mambo ambayo anayajali sana.

Maombezi – Dakika 3

“Basi, kabla ya mambo yote, nataka dua, na sala, na maombezi, na shukrani, zifanyike kwa ajili ya watu wote” – 1 Timotheo 2:1

Omba kwa niaba ya kaka na dada zetu wanaohudumu ulimwenguni kote na TTI:

Omba kwa ajili ya makanisa ambayo yamepandwa katika vijiji vyekundu na manjano kule Asia Kusini ili yatiwe moyo na kuwa imara katika Bwana.
Omba kwamba Bwana ataendelea kuwafariji viongozi wa kanisa ambao wameathiriwa na mtetemeko wa ardhi kule Asia ya Kusini Mashariki. Omba kwamba watatiwa nguvu ili kutumikia na kuishirikisha Injili kwa wengi wanaoomboleza bila tumaini la Kristo.
Omba kwa ajili ya makanisa katika nchi ya Asia Kusini ambayo hivi karibuni yamefanya ahadi ya kufikia jamii ambazo hazijahusishwa wala kufikiwa na Injili katika nchi yao.
Omba kwa ajili ya makanisa nchini Ghana kwamba yaendelee kuwa na mizizi imara na kuwa thabiti katika imani licha ya kukumbana na hali za kuvunjika moyo na mateso.
Msifu Mungu kwa uzinduzi wa mkakati wa ACHIEVE nchini Kenya. Omba kwamba Mungu atawajaza wapandaji makanisa na shauku mpya ya kufanya wanafunzi katika vijiji vyekundu na manjano.

Kutafakari

“Hatimaye, ndugu zangu, mambo yo yote yaliyo ya kweli, yo yote yaliyo ya staha, yo yote yaliyo ya haki, yo yote yaliyo safi, yo yote yenye kupendeza, yo yote yenye sifa njema; ukiwapo wema wo wote, ikiwapo sifa nzuri yo yote, yatafakarini hayo” – Wafilipi 4:8

Chukua dakika chache kutafakari kuhusu maombi yako na maandiko ambayo umesoma. Fungua moyo wako na ufahamu ili kusikia sauti ya Mungu. Unapotafakari, jiulize: Mungu anawasiliana nini nawe kupitia maombi yako na Neno? Je, anakuongoza vipi au kukutia moyo vipi katika wakati huu?

Wakati unapomalizia maombi yako, mshukuru Mungu tena kwa yote anayofanya duniani kote.

Prayer Timer

Mahitaji ya Haraka ya Maombi Maombi

Read

ASANTE KWA KUOMBA.

18 Mei 2026