Prayer Fuel

Asante kwa kuomba

Ili kufaidika zaidi na wakati wako wa maombi, tunapendekeza utumie gurudumu la maombi lililo hapa chini. Muundo huu umeundwa sio tu kukusaidia katika maombi yako kwa ajili ya TTI lakini pia kuwa chombo muhimu kwa maisha yako ya maombi kila siku. Tunatumai utapata mchoro huu kuwa wa msaada na ambao unaweza kubadilishwa kwa matumizi yako.

Chini ya gurudumu la maombi, utapata maandiko yanayolingana na maombi.

Sifa na Shukrani – Dakika 3

“Furahini siku zote; ombeni bila kukoma; shukuruni kwa kila jambo; maana hayo ni mapenzi ya Mungu kwenu katika Kristo Yesu.” – 1 Wathesalonike 5:16-18

Chukua muda wa kumshukuru Mungu kwa jinsi alivyo, amefanya nini na anachofanya duniani kote.

Msifu Mungu kwa wachungaji 45 katika nchi moja kule Asia Kusini ambao waliskia maono ya TTI na wana shauku ya kujiunga zaidi na kazi inayofanyika huko!
Msifu Mungu kwa ajili ya vijiji ambavyo vimefanyiwa utafiti nchini Tanzania. Asante Bwana kwa kuwasaidia viongozi hawa kutambua maeneo ambayo Injili bado haijafika.
Msifu Mungu kwa kuimarisha umoja miongoni mwa makanisa katika nchi moja ya Asia ya Kusini Mashariki, jambo ambalo linafungua fursa za kushirikiana katika kazi ya huduma.

Kukiri na Kutubu – Dakika 3

“Linda moyo wako kuliko yote uyalindayo; Maana ndiko zitokako chemchemi za uzima” – Mithali 4:23

Tumia dakika chache kuangazia mawazo yako, matendo, matamanio, tabia na mtindo wako wa maisha. Je, kuna maeneo yoyote katika maisha yako ambapo kuna dhambi ambayo haijaungamwa au haujatubu. Mwambie Mungu auchunguze moyo wako na ujibu ipasavyo kabla ya kuendelea.

Maombi ya kibinafsi – Dakika 3

“Msijisumbue kwa neno lolote; bali katika kila neno kwa kusali na kuomba, pamoja na kushukuru, haja zenu na zijulikane na Mungu. Na amani ya Mungu, ipitayo akili zote, itawahifadhi mioyo yenu na nia zenu katika Kristo Yesu” – Wafilipi 4:6-7

Tumia dakika chache kuleta maombi yako ya kibinafsi mbele za Bwana, unapofanya hivi, zingatia kumwomba Bwana aulinganishe moyo wako kwa karibu zaidi na wake, na kuweka mzigo moyoni mwako kwa mambo ambayo anayajali sana.

Maombezi – Dakika 3

“Basi, kabla ya mambo yote, nataka dua, na sala, na maombezi, na shukrani, zifanyike kwa ajili ya watu wote” – 1 Timotheo 2:1

Omba kwa niaba ya kaka na dada zetu wanaohudumu ulimwenguni kote na TTI:

Waombee viongozi wa huduma nchini Kenya wanapokabiliana na vizuizi vya Injili kama uchawi, mafundisho ya uongo, na mila za kitamaduni wanapofanya kazi kuhakikisha kuna kanisa katika kila kijiji, kila mahali.
Waombee wapandaji makanisa kule Ghana ambao wamepokea Bibilia za sauti. Omba kwamba watazitumia kwa ufanisi na kwamba vikundi vingi vya wasikilizaji vitaanzishwa kote nchini.
Omba kwa ajili ya jamii ambazo hazijafikiwa na Injili katika nchi moja ya Asia Kusini. Omba kwamba Mungu atawapa wapandaji makanisa hekima na uvumilivu kushirikisha Injili katika maeneo ambayo ni magumu kufikia.
Omba kwa ajili ya kanisa nchini Burkina Faso kwani ugaidi na mateso dhidi ya Wakristo yamezuka katika vijiji fulani.
Omba kwamba Mungu azitie nguvu na kuzistahimilisha kanisa zilizopandwa katika vijiji vyekundu na vya manjano katika nchi ya Asia Kusini.

Kutafakari

“Hatimaye, ndugu zangu, mambo yo yote yaliyo ya kweli, yo yote yaliyo ya staha, yo yote yaliyo ya haki, yo yote yaliyo safi, yo yote yenye kupendeza, yo yote yenye sifa njema; ukiwapo wema wo wote, ikiwapo sifa nzuri yo yote, yatafakarini hayo” – Wafilipi 4:8

Chukua dakika chache kutafakari kuhusu maombi yako na maandiko ambayo umesoma. Fungua moyo wako na ufahamu ili kusikia sauti ya Mungu. Unapotafakari, jiulize: Mungu anawasiliana nini nawe kupitia maombi yako na Neno? Je, anakuongoza vipi au kukutia moyo vipi katika wakati huu?

Wakati unapomalizia maombi yako, mshukuru Mungu tena kwa yote anayofanya duniani kote.

Prayer Timer

Mahitaji ya Haraka ya Maombi Maombi

Read

ASANTE KWA KUOMBA.

18 Mei 2026