Prayer Fuel

Asante kwa kuomba

Ili kufaidika zaidi na wakati wako wa maombi, tunapendekeza utumie gurudumu la maombi lililo hapa chini. Muundo huu umeundwa sio tu kukusaidia katika maombi yako kwa ajili ya TTI lakini pia kuwa chombo muhimu kwa maisha yako ya maombi kila siku. Tunatumai utapata mchoro huu kuwa wa msaada na ambao unaweza kubadilishwa kwa matumizi yako.

Chini ya gurudumu la maombi, utapata maandiko yanayolingana na maombi.

Sifa na Shukrani

“Furahini siku zote; ombeni bila kukoma; shukuruni kwa kila jambo; maana hayo ni mapenzi ya Mungu kwenu katika Kristo Yesu.” – 1 Wathesalonike 5:16-18

Chukua muda wa kumshukuru Mungu kwa jinsi alivyo, amefanya nini na anachofanya duniani kote.

Msifu Mungu kwa makanisa mengi ambayo yamepanda katika vijiji vyekundu na vya manjano kote Asia ya kusini.
Asante Yesu, kwa uaminifu na kujitoa kwa wapandaji makanisa katika Asia ya Kusini Mashariki wanaposhiriki Injili na kutoa manono ya kufanya wanafunzi wanaofanya wanafunzi kwa wachungaji wengine.
Msifu Mungu kwa ulinzi wake juu ya wafanya wanafunzi kote duniani ambao wanafanya huduma katika maeneo ambayo wakristo wanateswa.
Msifu Mungu kwa kuwa analikuza kanisa Lake kule Afrika Magharibi. Asante Bwana kwa kuwaongoza maPaulo, maTimotheo na maTito kwa hekima na ujasiri.
Asante Yesu kwa kuendelea kulilinda kanisa katika Afrika Mashariki dhidi ya mafundisho hatari yanayopotsha ukweli wa Injili.

Kukiri na Kutubu

“Linda moyo wako kuliko yote uyalindayo; Maana ndiko zitokako chemchemi za uzima” – Mithali 4:23

Tumia dakika chache kuangazia mawazo yako, matendo, matamanio, tabia na mtindo wako wa maisha. Je, kuna maeneo yoyote katika maisha yako ambapo kuna dhambi ambayo haijaungamwa au haujatubu. Mwambie Mungu auchunguze moyo wako na ujibu ipasavyo kabla ya kuendelea.

Maombi ya kibinafsi

“Msijisumbue kwa neno lolote; bali katika kila neno kwa kusali na kuomba, pamoja na kushukuru, haja zenu na zijulikane na Mungu. Na amani ya Mungu, ipitayo akili zote, itawahifadhi mioyo yenu na nia zenu katika Kristo Yesu” – Wafilipi 4:6-7

Tumia dakika chache kuleta maombi yako ya kibinafsi mbele za Bwana, unapofanya hivi, zingatia kumwomba Bwana aulinganishe moyo wako kwa karibu zaidi na wake, na kuweka mzigo moyoni mwako kwa mambo ambayo anayajali sana.

Maombezi

“Basi, kabla ya mambo yote, nataka dua, na sala, na maombezi, na shukrani, zifanyike kwa ajili ya watu wote” – 1 Timotheo 2:1

Omba kwa niaba ya kaka na dada zetu wanaohudumu ulimwenguni kote na TTI:

Ombea mikutano kadhaa ya Mafunzo ya Wakufunzi (Training of Trainers) inayofanyika kote Mexico mwezi huu. Omba wapandaji makanisa watiwe moyo, watiwe changamoto, na wawe na ari ya kuwakuza wapandaji makanisa zaidi kwa usaidizi wa Roho Mtakatifu.
Ombea kanisa moja katika Asia ya Kusini ambalo limeongeza familia tano mpya hivi karibuni. Omba waendelee kukaa ndani ya Kristo na kuzaa matunda mema.
Ombea jamii 276 ambazo hazijafikiwa na Injili nchini Bangladesh. Watu hawa milioni 172 wana fursa chache sana za kusikia ujumbe wa Injili. Omba Bwana aliongoze kanisa Lake kuzifikia jamii hizi.
Ombea jamii 64 ambazo hazijafikiwa na Injili nchini Sri Lanka. Watu hawa milioni 3.5 wana fursa chache sana za kusikia Injili. Omba kwamba wafanya wanafunzi kote nchini waongozwe kushiriki Injili katika jamii hizi.
Ombea wapandaji makanisa wanaofanya kazi kwa bidii katika Afrika ya Kati wanapokabiliana na upinzani kutoka kwa waislamu wenye misimamo mikali. Omba Roho Mtakatifu awatie nguvu na awakumbushe kwamba malango ya kuzimu hayatashinda kanisa!
Ombea amani na ulinzi katika maeneo ya Afrika Magharibi ambako ugaidi umeenea. Wapandaji makanisa wanahudumu katika maeneo haya na wanahitaji maombi yako.
Ombea wapandaji makanisa katika Afrika Mashariki ambao wameazimia kuona kanisa katika kila kijiji, kila mahali. Omba kwa ajili yao wanapofanya utafiti katika vijiji na kukuza wafanya wanafunzi ili kuipeleka Injili katika vijiji vya manjano na vyekundu.
Bwana anasonga kwa nguvu katika Afrika Magharibi. Ombea eneo hili wakati nchi zaidi zinauchukua mkakati wa ACHIEVE. Omba wapandaji makanisa na wafanya wanafunzi wajazwe na maono ya kupanda kanisa katika kila kijiji, kila mahali.

Kutafakari

“Hatimaye, ndugu zangu, mambo yo yote yaliyo ya kweli, yo yote yaliyo ya staha, yo yote yaliyo ya haki, yo yote yaliyo safi, yo yote yenye kupendeza, yo yote yenye sifa njema; ukiwapo wema wo wote, ikiwapo sifa nzuri yo yote, yatafakarini hayo” – Wafilipi 4:8

Chukua dakika chache kutafakari kuhusu maombi yako na maandiko ambayo umesoma. Fungua moyo wako na ufahamu ili kusikia sauti ya Mungu. Unapotafakari, jiulize: Mungu anawasiliana nini nawe kupitia maombi yako na Neno? Je, anakuongoza vipi au kukutia moyo vipi katika wakati huu?

Wakati unapomalizia maombi yako, mshukuru Mungu tena kwa yote anayofanya duniani kote.

Prayer Timer

Mahitaji ya Haraka ya Maombi Maombi

Read

ASANTE KWA KUOMBA.

18 Mei 2026

Prayer Fuel

Asante kwa kuomba

Asante kwa kuomba

Sifa na Shukrani

Kukiri na Kutubu

Maombi ya kibinafsi

Maombezi

Kutafakari

Praying as a group?

Prayer Timer

"Prayer is the mighty engine that is to move the missionary work." – A.B. Simpson