Prayer Fuel

प्रार्थना गर्नु भएकोमा धन्यवाद।

तपाईंको प्रार्थना समयको अधिकतम उपयोग गर्न, हामी तलको प्रार्थना चक्रको प्रयोग गर्न सल्लाह दिन्छौं। यो मोडेल (नमूना) केवल टि टि आइको प्रार्थनाको समर्थनमा मात्र नभइ तपाईंको दैनिक प्रार्थनाको जीवनको लागि महत्वपुर्ण उपकरणको रुपमा तयार गरिएको हो। हामी आशा गर्छौं कि तपाईंलाई यो टेम्पलेट उपयोगी र अनुकूलनीय लाग्नेछ।

यस प्रार्थना चक्रको तल तपाईंले सम्बन्धित धर्मशास्त्र र प्रार्थनाका विषयहरू पाउनुहुनेछ।

प्रशंसा र धन्यवाद

सधैँ आनन्दित रहो, निरन्तर प्रार्थना गरिरहो, हरेक परिस्थितिमा धन्यवाद देओ; किनकि ख्रीष्‍ट येशूमा तिमीहरूको लागि परमेश्‍वरको इच्छा यही हो।”- 1 थेसलोनिकी 5:16-18

केही समय लिनुहोस् र परमेश्‍वरलाई उहाँ को हुनुहुन्छ, उहाँले के गर्नुभयो र संसारमा उहाँले के गर्दै हुनुहुन्छ भनेर धन्यवाद दिनुहोस्।

लाओसमा गरिरहनुभएको कार्यको लागि प्रभुलाई धन्यवाद। प्रत्येक प्रान्तमा TTI को मण्डली स्थापनाकर्ताहरूलाई सद्भावपूर्ण स्वागत गर्ने र भिजन कास्टिङ कार्यक्रममा मानिसहरू भेला गर्न सहयोग गर्ने सेवक अगुवाहरूको लागि धन्यवाद।
सूडानमा स्थापना भएका मण्डलीहरुको लागि प्रभुलाई स्तुति होस्, र ती मण्डलीहरु स्वास्थ्य र परिपक्वतामा निरन्तर वृद्धि होउन् भनेर प्रार्थना गरौ। यी मण्डलीहरु मण्डली स्थापना गर्ने केन्द्र बन्नून्, जहाँबाट धेरै मण्डलीहरु स्थापना होस् र स्वस्थ अगुवाहरू विकास होऊन्।
बंगलादेशमा उहाँको चङ्गाइको लागि परमेश्वरको स्तुति! दुई जना मण्डली स्थापनाकर्ताहरू गम्भीर रूपमा बिरामी थिए तर येशू ख्रीष्टको शक्तिद्वारा पूरै निको भएका छन्। चंगाई दिनु हुने परमेश्वरलाई धन्यवाद।
नैरोबीमा काम गरिरहनुभएको अद्भुत अपरेशन्स टिमको लागि परमेश्वरको स्तुति। उत्कृष्टताप्रतिको उनीहरूको प्रतिबद्धता र फिल्डलाई प्राथमिक्ता दिने मानसिकता TTI को क्षेत्रीय तथा विश्वव्यापी कार्यका लागि ठूलो आशीर्वाद हो।
भारतभरि निरन्तर भइरहेको सुसमाचार सेवाको लागि येशूलाई धन्यवाद। देशको एक जिल्लामा धेरै गाउँहरूमा कुनै विस्वासी वा कुनै चर्च थिएनन्। तर प्रभुलाई धन्यवाद अब यी प्रत्येक गाउँमा चर्चहरू स्थापना भएका छन्, र नयाँ विश्वासीहरू परमेश्वरको वचनमा बढ्दै स्वस्थ रूपमा फलदायी भइरहेका छन्।

पाप स्वीकारोक्‍ति र पश्‍चताप

“सबै कुराभन्‍दा बढी, आफ्‍नो हृदयलाई सुरक्षित राख्, किनभने त्‍यो सारा जीवनको मूल हो।“ – हितोपदेश ४:२३

केही समय निकालेर आफ्ना विचार, कार्य, इच्छाहरू, व्यवहार, र जीवनशैलीको सुचीगत मूल्यांकन गर्नुहोस्। के तपाईंको जीवनमा कुनै नस्वीकारिएको वा अप्रायश्चित पाप छन्? परमेश्वरलाई तपाईंको हृदय जाँच्न दिनुहोस् र अगाडि बढ्नु अघि प्रतिक्रिया दिनुहोस्।

व्यक्तिगत नेवेदन

”कुनै कुरामा चिन्‍तित नहोओ, तर हरेक कुरामा प्रार्थना र निवेदनद्वारा धन्‍यवादसहित तिमीहरूका बिन्‍ती परमेश्‍वरमा जाहेर होऊन्, र समझले नै भियाउन नसकिने परमेश्‍वरको शान्‍तिले तिमीहरूका हृदय र तिमीहरूका मनलाई येशूमा रक्षा गर्नेछ।“ – फिलिप्पी ४:६-७

आफ्ना व्यक्तिगत अर्जीहरू प्रभुको अगाडि ल्याउनको लागि केही समय खर्चिनुहोस्, यसो गर्दैगर्दा तपाईंले परमेश्‍वरलाई आफ्नो हृदयउहाँको हृदको नजिक हुन र उहाँले गहिरोसँग वास्ता गर्ने कुराहरूको बोझ तपाईंको हृदयमा राखिदिनुहुन विन्ति गर्नुहोस्।

मधयस्थताको लागि

”सर्वप्रथम म आग्रह गर्दछु, कि सबै मानिसहरूका निम्‍ति नम्र-निवेदन, प्रार्थना र मध्‍यस्‍थ-बिन्‍ती र धन्‍यवाद चढ़ाइऊन्” – तिमोथी २:१
टि टि आइसँग विश्‍वभरि सेवाकाई गरिरहनुभएका हाम्रा दाजुभाइ तथा दिदीबहिनीहरूका तर्फबाट मधय्स्थता गर्नुहोस्:

मलेसिया, थाइल्यान्ड र इण्डोनेसियाका लागि प्रार्थना गरौँ, जहाँ हालै आएको चक्रवातले दक्षिण–पूर्वी एसियामा ठूलो विनाश ल्याएको छ। धेरै मानिसहरूले आफ्नो जीवन र जीविका गुमाएका छन्। यो संकटको समयमा चर्चले हात बढाउन सकून्, र पीडामा परेकाहरूलाई प्रभुले सान्त्वना दिनु भएको होस्।
क्यामरूनका लागि प्रार्थना गरौँ, किनकि त्यहाँ हालैको राष्ट्रपति चुनावपछि तनाव देखिएको छ। सरकारमा शान्ति फर्कोस् र यस कठिन समयमा मण्डलीले ख्रीष्टको प्रकाश उज्वल पार्न सकून्।
भारतमा नयाँ मण्डली स्थापनाकर्ताहरूका लागि प्रार्थना गरौँ, जो ओडिशाका सुसमाचार नपुगेका गाउँहरूमा चर्च स्थापना गर्न उत्साही छन्। सुसमाचारका लागि ढोका खुलून् र परमेश्वरको शान्ति मानिसहरूसम्म पुग्न सकोस्।
माडागास्करका ११ वोटा सुसमाचार नपुगेका जातिहरूका लागि प्रार्थना गरौँ। ६ लाखभन्दा बढी मानिसहरूलाई सुसमाचारको पहुँच निकै कम वा छैन। मण्डली स्थापकहरूले येशूको सुसमाचार यी उद्धारको प्रतीक्षा गरिरहेका मानिसहरूसम्म पुर्याउन सकून्।
मिश्रका चर्च स्थापकहरूल चुनौतीपूर्ण इस्लामिक वातावरणबीच पनि साहसका साथ अगाडि बढ्न सकून् भनेर प्रार्थना गरौँ। देशभर सुसमाचार बाँड्दै र मण्डली स्थापना गर्दै जाँदा प्रभुले उनीहरूलाई बल, बुद्धि र स्थिरता दिनुभएको होस्।
नाइजेरियाको मण्डलीका लागि निरन्तर प्रार्थना गरौँ, किनकि उनीहरू मुस्लिम अतिवादीहरूद्वारा लक्षित र उत्पीडित भइरहेका छन्। परमेश्वरले आफ्ना जनहरूको रक्षा गरून् र सुसमाचारको सत्यले उत्पीडन गर्नेहरूको हृदयलाई छुन सकून्।
म्यान्मारका मण्डली स्थापना गर्नेहरूले प्रत्येक गाउँमा मण्डली स्थापना होस् भन्ने लक्ष्यमा दृढतापूर्वक समर्पित रहून् भनेर प्रार्थना गरौँ। पहिलो त्रैमासिक तालिम सफलतापूर्वक सम्पन्न भएकोमा परमेश्वरलाई धन्यवाद, र नयाँ भिजनले कार्यमा प्रेरणा बढाउन निरन्तर सहयोग गरून्।
बेनिनमा प्रकट हुँदै गएको ACHIEVE भिजनको लागि प्रभुलाई धन्यवाद। देशभरका अगुवाहरूले चर्च स्थापना गर्ने कार्यमा स्थिर रहून् र परमेश्वरले दिनु भएको सेवाकाइमा निरन्तरता दिन सकून् भनेर प्रार्थना गरौँ।

मनन् र चिन्तन

“अन्‍त्‍यमा भाइ हो, जे कुरो सत्‍य छ, जे कुरो आदरणीय छ, जे कुरो न्‍यायसङ्गत छ, जे कुरो शुद्ध छ, जे कुरो प्रेम-योग्‍य छ, जे कुरो कृपामय छ, यदि केही श्रेष्‍ठता, प्रशंसाको योग्‍य केही छ भने यी नै कुराका विचार गर।“ – फिलिप्पी ४:८

तपाईंले पाठ गर्नुभएको धर्मशास्त्रका वचन र प्रार्थनामा केही बेर चिन्तन् गर्नुहोस्। परमेश्‍वरको आवजमा आफ्नो हृदय र मनलाई खोल्नुहोस्। यसो गर्दैगर्दा, आफैलाई सोध्नुहोस्: तपाईंको प्रार्थना र वचनद्वारा परमेश्‍वरले तपाईंलाई के भन्दै हुनुहुन्छ? यस अवस्थामा उहाँले तपाईलाई कसरी अगुवाइ अथवा प्रोत्साहन दिंदै हुनुहुन्छ?

तपाईंको प्रार्थनाको समय सकिनै लाग्‍दा, पुनः विश्‍वभरि परमेश्‍वरले गर्नुभएका कामको लागि उहाँलाई धन्यवाद दिनुहोस्।

Prayer Timer

(Prayer time: 15 min)

"Prayer is the mighty engine that is to move the missionary work." – A.B. Simpson

तपाइँको प्रार्थनालाई ईन्धनको मद्दत गर्न यी स्रोतहरू प्रयोग गर्नुहोस्।

प्रार्थना गर्नुभएकोमा धन्यवाद

२०२६ अप्रिल १३

हामी तपाईंलाई क्षेत्रीय केन्द्रित नयाँ प्रार्थना यात्रामा आमन्त्रण गर्न पाउँदा उत्साहित छौं। प्रत्येक पटक दुई हप्ता सम्म, हामी काम गरिरहेको एउटा क्षेत्रमा ध्यान केन्द्रित गर्नेछौं ताकि तपाईंलाई त्यहाँ परमेश्वर के गरिरहनुभएको छ भन्ने कुरामा जोडिन सकियोस्। हामी प्रार्थनामा सँगै मिल्दा, हामी परमेश्वरले हामीले सोचेभन्दा वा मागेको भन्दा बढी गर्ने अपेक्षा राख्छौं। हरेक गाउँमा, जहाँसुकै चर्चको […]

Read