Prayer Fuel

प्रार्थना गर्नु भएकोमा धन्यवाद।

तपाईंको प्रार्थना समयको अधिकतम उपयोग गर्न, हामी तलको प्रार्थना चक्रको प्रयोग गर्न सल्लाह दिन्छौं। यो मोडेल (नमूना) केवल टि टि आइको प्रार्थनाको समर्थनमा मात्र नभइ तपाईंको दैनिक प्रार्थनाको जीवनको लागि महत्वपुर्ण उपकरणको रुपमा तयार गरिएको हो। हामी आशा गर्छौं कि तपाईंलाई यो टेम्पलेट उपयोगी र अनुकूलनीय लाग्नेछ।

यस प्रार्थना चक्रको तल तपाईंले सम्बन्धित धर्मशास्त्र र प्रार्थनाका विषयहरू पाउनुहुनेछ।

प्रशंसा र धन्यवाद

सधैँ आनन्दित रहो, निरन्तर प्रार्थना गरिरहो, हरेक परिस्थितिमा धन्यवाद देओ; किनकि ख्रीष्‍ट येशूमा तिमीहरूको लागि परमेश्‍वरको इच्छा यही हो।”- 1 थेसलोनिकी 5:16-18

केही समय लिनुहोस् र परमेश्‍वरलाई उहाँ को हुनुहुन्छ, उहाँले के गर्नुभयो र संसारमा उहाँले के गर्दै हुनुहुन्छ भनेर धन्यवाद दिनुहोस्।

आगामी दुई वर्षभित्र म्यानमारमा १,५०० वटा चर्च स्थापना गर्ने लक्ष्यका लागि परमेश्वरलाई स्तुति गरौँ। विशेष रूपमा मिरियम र उनका २० जना चेलाहरूलाई सुम्पिएका जिम्मेवारीहरूमा विश्वासयोग्य रहिरहून् र अन्त्यसम्म आफ्नो सेवकाईमा दृढतापूर्वक लागिरहन सकुन् भनी प्रार्थना गरौँ।
बेनिनमा निष्ठापूर्वक सेवा गरिरहेका उत्कृष्ट अगुवाहरूका लागि प्रभुलाई धन्यवाद। विशेष गरि २५ जना “तिमोथी”हरूलाई सक्रिय रूपमा तालिम दिँदै चेला बनाउने चेलाहरू तयार गरिरहेका एक “पावल” अदाहो भिन्सेन्टका लागि प्रभुलाई धन्यवाद, उहाँको विश्वासयोग्यतालाई परमेश्वरले अझै बढाइदिनू भएको होस् भनी प्रार्थना गरौँ।
सर्वोच्च प्रबन्धकर्ता, बुद्धिले भरिपूर्ण र समय सपेक्ष रहनुभएकोमा परमेश्वरको प्रशंसा गर्नुहोस्। लाओसमा एक जोनल लिडर र नयाँ फिल्ड प्रतिनिधि चयन गर्न प्रभुले प्रबन्ध गर्नु भएको होस् भनी हामीसँगै प्रार्थनामा सहभागी हुन अनुरोध गर्दाछौ।
सन् २०२५ भरि बङ्गलादेशमा भएको काम र सेवकाईलाई मार्गदर्शन गर्नुभएकोमा प्रभुलाई धन्यवाद। यो वर्ष अत्यन्त फलदायी र आश्चर्यजनक रह्यो। देशभरि स्थापना भएका प्रत्येक मण्डलीका लागि परमेश्वरलाई स्तुति होस्।
यस वर्ष विश्वभर ४१,००० भन्दा बढी मण्डलीहरू स्थापना भएकोमा परमेश्वरलाई स्तुति गरौँ! झण्डै ५० वटा देशहरूमा हामीले कल्पना गर्न सक्नेभन्दा धेरै परमेश्वरको काम देख्न पाएका छौँ। असल गोठालो भएर यी नयाँ मण्डलीहरूलाई निरन्तर बढाउँदै र अगुवाइ गर्दै लैजानुभएकोमा येशु ख्रीष्टलाई धन्यवाद।

पाप स्वीकारोक्‍ति र पश्‍चताप

“सबै कुराभन्‍दा बढी, आफ्‍नो हृदयलाई सुरक्षित राख्, किनभने त्‍यो सारा जीवनको मूल हो।“ – हितोपदेश ४:२३

केही समय निकालेर आफ्ना विचार, कार्य, इच्छाहरू, व्यवहार, र जीवनशैलीको सुचीगत मूल्यांकन गर्नुहोस्। के तपाईंको जीवनमा कुनै नस्वीकारिएको वा अप्रायश्चित पाप छन्? परमेश्वरलाई तपाईंको हृदय जाँच्न दिनुहोस् र अगाडि बढ्नु अघि प्रतिक्रिया दिनुहोस्।

व्यक्तिगत नेवेदन

”कुनै कुरामा चिन्‍तित नहोओ, तर हरेक कुरामा प्रार्थना र निवेदनद्वारा धन्‍यवादसहित तिमीहरूका बिन्‍ती परमेश्‍वरमा जाहेर होऊन्, र समझले नै भियाउन नसकिने परमेश्‍वरको शान्‍तिले तिमीहरूका हृदय र तिमीहरूका मनलाई येशूमा रक्षा गर्नेछ।“ – फिलिप्पी ४:६-७

आफ्ना व्यक्तिगत अर्जीहरू प्रभुको अगाडि ल्याउनको लागि केही समय खर्चिनुहोस्, यसो गर्दैगर्दा तपाईंले परमेश्‍वरलाई आफ्नो हृदयउहाँको हृदको नजिक हुन र उहाँले गहिरोसँग वास्ता गर्ने कुराहरूको बोझ तपाईंको हृदयमा राखिदिनुहुन विन्ति गर्नुहोस्।

मधयस्थताको लागि

”सर्वप्रथम म आग्रह गर्दछु, कि सबै मानिसहरूका निम्‍ति नम्र-निवेदन, प्रार्थना र मध्‍यस्‍थ-बिन्‍ती र धन्‍यवाद चढ़ाइऊन्” – तिमोथी २:१
टि टि आइसँग विश्‍वभरि सेवाकाई गरिरहनुभएका हाम्रा दाजुभाइ तथा दिदीबहिनीहरूका तर्फबाट मधय्स्थता गर्नुहोस्:

सुडानमा पास्टर ओमारकी भतिजीका लागि प्रार्थना गरौँ। उहाँ अज्ञात रोगबाट पीडित हुनुहुन्छ, जसको कारण चिकित्सकहरूलाई पनि थाहा हुन सकेको छैन। प्रभुले उहाँलाई निको पर्नु भएको होस् र हाम्रो दाजु तथा उहाँको परिवारलाई नयाँ शक्ति र हौसला मिलोस् भनी प्रार्थना गरौँ।
विश्वभर पहिलो पटक क्रिसमस मनाइरहेका हजारौँ मण्डलीहरूका लागि प्रार्थना गरौँ। येशूको जन्मलाई सम्झँदै गर्दा उनीहरू हाम्रो उद्धारकर्ताको उदाहरण पछ्याउन एकतामा बाँधिऊन् भनी प्रार्थना गरौँ।
मेक्सिकोका मण्डली स्थापनाकर्ताहरूका लागि प्रार्थना गरौँ, विशेष गरी “सायलन्ट जोन” भनिने क्षेत्रमा, जहाँ सुसमाचारको साक्षी अत्यन्तै कम छ। उनीहरूले भोगिरहेका दमन र कठिनाइहरूले त्यहाँ अझ धेरै चेला निर्माण को कार्य र चर्चहरू स्थापना हुन सहयोग गरोस् भनी प्रार्थना गरौँ।
भारतका लागि प्रार्थना गरौँ, जहाँ आगामी दुई वर्षमा १५,००० चर्च स्थापना गर्ने विश्वासको लक्ष्य राखिएको छ। विरोधको सामना गर्दा पनि चर्च दृढ भएर उभिन सकोस् र हरेक गाउँमा एक मण्डली स्थापना गर्ने दर्शनमा अगुवाहरू एकताबद्ध होऊन् भनी प्रार्थना गरौँ।
कोट दिभ्वारका हाम्रो फिल्ड प्रतिनिधि टोक्पा बोनिफेसका लागि प्रार्थना गरौँ, जसले हालै आफ्नी आमालाई गुमाउनु भएको छ। यस कठिन समयमा प्रभुले उहाँ र उहाँको परिवारलाई शान्ति प्रदान गर्नुभएको होस् भनी प्रार्थना गरौँ।
पाकिस्तानका फिल्ड प्रतिनिधि आसिफ मसिहका लागि प्रार्थना गरौँ, जो संक्रमणका कारण पीडित छन्। उहाँ छिट्टै निको भएर सेवकाईको महत्त्वपूर्ण काममा फर्कन सक्नुभएको होस् भनी प्रार्थना गरौँ। साथै हिंसाको धम्की र निरन्तर सतावटको बाबजुद पनि पाकिस्तानका मुसलमान समुदायहरूबीच सुसमाचार प्रशस्त रूपमा रोपिन जाओस् भनी प्रार्थना गरौँ।
सन् २०२५ मा सुरु गरिएका १० वटा बहु-सेवकाई लक्ष्य क्षेत्रहरू (MMTA) का लागि परमेश्वरलाई स्तुति गरौँ। सन् २०२६ को अन्त्यसम्म अझ ४० वटा MMTA सुरु भएको देख्न हामीसँगै प्रार्थना गरौँ। परमेश्वर एकतालाई आशिष् दिनुहुन्छ भन्ने विश्वासमा हामी विश्वका सबैभन्दा सुसमाचार नपुगेका क्षेत्रहरूमा अन्य सेवकाईहरूसँग सहकार्य गर्न पाएकोमा कृतज्ञ छौँ।
तान्जानियाको कोस्टल हबमा रहेका ९७ जना “पावल”हरूका लागि प्रार्थना गरौँ, जो हरेक गाउँमा एक मण्डली स्थापना गर्ने दर्शनमा अरूलाई चेला बनाइरहेका छन्। विशेष रूपमा बाराकाका लागि प्रार्थना गरौँ, जसले २० जना “तिमोथी”हरूलाई चेलापन तालिम दिइरहेका छन् र उनीहरूले पहिले नै २० वटा मण्डली स्थापना गरिसकेका छन्। प्रभुले उहाँको सेवकाईलाई निरन्तर आशिष् दिइरहनूभएको होस् भनी प्रार्थना गरौँ।

मनन् र चिन्तन

“अन्‍त्‍यमा भाइ हो, जे कुरो सत्‍य छ, जे कुरो आदरणीय छ, जे कुरो न्‍यायसङ्गत छ, जे कुरो शुद्ध छ, जे कुरो प्रेम-योग्‍य छ, जे कुरो कृपामय छ, यदि केही श्रेष्‍ठता, प्रशंसाको योग्‍य केही छ भने यी नै कुराका विचार गर।“ – फिलिप्पी ४:८

तपाईंले पाठ गर्नुभएको धर्मशास्त्रका वचन र प्रार्थनामा केही बेर चिन्तन् गर्नुहोस्। परमेश्‍वरको आवजमा आफ्नो हृदय र मनलाई खोल्नुहोस्। यसो गर्दैगर्दा, आफैलाई सोध्नुहोस्: तपाईंको प्रार्थना र वचनद्वारा परमेश्‍वरले तपाईंलाई के भन्दै हुनुहुन्छ? यस अवस्थामा उहाँले तपाईलाई कसरी अगुवाइ अथवा प्रोत्साहन दिंदै हुनुहुन्छ?

तपाईंको प्रार्थनाको समय सकिनै लाग्‍दा, पुनः विश्‍वभरि परमेश्‍वरले गर्नुभएका कामको लागि उहाँलाई धन्यवाद दिनुहोस्।

Prayer Timer

(Prayer time: 15 min)

"Prayer is the mighty engine that is to move the missionary work." – A.B. Simpson

तपाइँको प्रार्थनालाई ईन्धनको मद्दत गर्न यी स्रोतहरू प्रयोग गर्नुहोस्।

प्रार्थना गर्नुभएकोमा धन्यवाद

२०२६ अप्रिल १३

हामी तपाईंलाई क्षेत्रीय केन्द्रित नयाँ प्रार्थना यात्रामा आमन्त्रण गर्न पाउँदा उत्साहित छौं। प्रत्येक पटक दुई हप्ता सम्म, हामी काम गरिरहेको एउटा क्षेत्रमा ध्यान केन्द्रित गर्नेछौं ताकि तपाईंलाई त्यहाँ परमेश्वर के गरिरहनुभएको छ भन्ने कुरामा जोडिन सकियोस्। हामी प्रार्थनामा सँगै मिल्दा, हामी परमेश्वरले हामीले सोचेभन्दा वा मागेको भन्दा बढी गर्ने अपेक्षा राख्छौं। हरेक गाउँमा, जहाँसुकै चर्चको […]

Read