Prayer Fuel

प्रार्थना गर्नु भएकोमा धन्यवाद।

तपाईंको प्रार्थना समयको अधिकतम उपयोग गर्न, हामी तलको प्रार्थना चक्रको प्रयोग गर्न सल्लाह दिन्छौं। यो मोडेल (नमूना) केवल टि टि आइको प्रार्थनाको समर्थनमा मात्र नभइ तपाईंको दैनिक प्रार्थनाको जीवनको लागि महत्वपुर्ण उपकरणको रुपमा तयार गरिएको हो। हामी आशा गर्छौं कि तपाईंलाई यो टेम्पलेट उपयोगी र अनुकूलनीय लाग्नेछ।

यस प्रार्थना चक्रको तल तपाईंले सम्बन्धित धर्मशास्त्र र प्रार्थनाका विषयहरू पाउनुहुनेछ।

प्रशंसा र धन्यवाद

सधैँ आनन्दित रहो, निरन्तर प्रार्थना गरिरहो, हरेक परिस्थितिमा धन्यवाद देओ; किनकि ख्रीष्‍ट येशूमा तिमीहरूको लागि परमेश्‍वरको इच्छा यही हो।”- 1 थेसलोनिकी 5:16-18

केही समय लिनुहोस् र परमेश्‍वरलाई उहाँ को हुनुहुन्छ, उहाँले के गर्नुभयो र संसारमा उहाँले के गर्दै हुनुहुन्छ भनेर धन्यवाद दिनुहोस्।

सन् २०२६ को लागि र यस नयाँ वर्षमा परमेश्वरले तयारी गर्नुभएको सबै कुराका लागि उहाँको स्तुति गरौँ। पवित्र आत्माले हामीलाई सबै कुरामा उहाँको आज्ञा पालन गर्न सहायता गर्नुभएको होस्।
पूर्वी भारतमा उचित अगुवाहरू उपलब्ध गराइदिनुभएकोमा येशू ख्रीष्टलाई धन्यवाद दिनुहोस्। चेला बनाउने चेलाहरू तयार गर्न समर्पित यी विश्वासयोग्य पुरुष र महिलाहरूका लागि परमेश्वरलाई स्तुति भएको होस्।
इन्डोनेसियामा परमेश्वरको अनुग्रहका लागि उहाँलाई स्तुति गरौँ, त्यहाँको टोलीले १३ स्थानमा TOT ३ सम्पन्न गरेका छन्। महान आज्ञाप्रति अडिग जोशले यी अगुवाहरूलाई भरिदिनुभएकोमा परमेश्वरलाई धन्यवाद।
मिस्रमा इमादको प्रशिक्षण केन्द्र समूहका लागि येशू ख्रीष्टलाई धन्यवाद, जहाँ २४ जना “तिमोथी”हरू छन्। यी चेलाहरू प्रभुको भय र पवित्र आत्माको सान्त्वनामा बढ्दै जान सकुन्। उनीहरू आफ्नो राष्ट्रभर प्रभावकारी साक्षी बन्न सकुन् भनी प्रार्थना गरौँ।
सन् २०२४ देखि मेक्सिकोमा २७१ वटा चर्चहरू स्थापना भएकोमा परमेश्वरको स्तुति भएको होस्। यी चर्चहरू निरन्तर फस्टाउँदै जान सकुन् र स्थापना भएका समुदायहरूलाई रूपान्तरण गरून् भनी प्रार्थना गरौँ।

पाप स्वीकारोक्‍ति र पश्‍चताप

“सबै कुराभन्‍दा बढी, आफ्‍नो हृदयलाई सुरक्षित राख्, किनभने त्‍यो सारा जीवनको मूल हो।“ – हितोपदेश ४:२३

केही समय निकालेर आफ्ना विचार, कार्य, इच्छाहरू, व्यवहार, र जीवनशैलीको सुचीगत मूल्यांकन गर्नुहोस्। के तपाईंको जीवनमा कुनै नस्वीकारिएको वा अप्रायश्चित पाप छन्? परमेश्वरलाई तपाईंको हृदय जाँच्न दिनुहोस् र अगाडि बढ्नु अघि प्रतिक्रिया दिनुहोस्।

व्यक्तिगत नेवेदन

”कुनै कुरामा चिन्‍तित नहोओ, तर हरेक कुरामा प्रार्थना र निवेदनद्वारा धन्‍यवादसहित तिमीहरूका बिन्‍ती परमेश्‍वरमा जाहेर होऊन्, र समझले नै भियाउन नसकिने परमेश्‍वरको शान्‍तिले तिमीहरूका हृदय र तिमीहरूका मनलाई येशूमा रक्षा गर्नेछ।“ – फिलिप्पी ४:६-७

आफ्ना व्यक्तिगत अर्जीहरू प्रभुको अगाडि ल्याउनको लागि केही समय खर्चिनुहोस्, यसो गर्दैगर्दा तपाईंले परमेश्‍वरलाई आफ्नो हृदयउहाँको हृदको नजिक हुन र उहाँले गहिरोसँग वास्ता गर्ने कुराहरूको बोझ तपाईंको हृदयमा राखिदिनुहुन विन्ति गर्नुहोस्।

मधयस्थताको लागि

”सर्वप्रथम म आग्रह गर्दछु, कि सबै मानिसहरूका निम्‍ति नम्र-निवेदन, प्रार्थना र मध्‍यस्‍थ-बिन्‍ती र धन्‍यवाद चढ़ाइऊन्” – तिमोथी २:१
टि टि आइसँग विश्‍वभरि सेवाकाई गरिरहनुभएका हाम्रा दाजुभाइ तथा दिदीबहिनीहरूका तर्फबाट मधय्स्थता गर्नुहोस्:

स्कटल्याण्डमा चाँडै प्रशिक्षण केन्द्रहरू सुरु गर्न लागिरहेका “पावल”हरूका लागि प्रार्थना गरौँ। उनीहरूका चेलाहरूले शिक्षालाई गहिरो रूपमा बुझून् र तुरुन्तै सुसमाचार प्रचार गर्न तथा चेला बनाउन सुरु गरून् भनी प्रार्थना गरौँ।
भियतनामका जोनल लिडरहरूका लागि प्रार्थना गरौँ। उहाँहरुले अगुवाइ गरिरहनु भएका सबैलाई सेवकको हृदयले सेवा गर्न सक्नुभएको होस् र सतावट तथा धम्कीको सामना गर्दा पनि साहसले भरिरहून् भनी प्रार्थना गरौँ।
उत्तरी घानामा इसाक मोसेसको प्रशिक्षण केन्द्रका लागि प्रार्थना गरौँ। इसाक २० जना “तिमोथी”हरूलाई चेलापन तालिम दिइरहेका एक “पावल” हुन्। प्रभुले उनीहरूलाई वचनमा बलियो हुन र घानामा उनीहरूको सेवकाईलाई गुणा गरी बृद्धि हुन सहायता गर्नु भएको होस् भनी प्रार्थना गरौँ।
नेपालमा नयाँ विश्वासमा आएका विश्वासीहरू र नयाँ स्थापना भएका चर्चहरूका लागि प्रार्थना गरौँ। उनीहरू परमेश्वरको वचनमा बढ्दै जाऊन् र ख्रीष्टमा साँचो विश्राम पाऊन्। उनीहरूको जमघट बढ्दै जाओस् र अझ धेरै मानिसहरू परमेश्वरको राज्यमा प्रवेश हुन सकुन् भनी प्रार्थना गरौँ।
गिनी–बिसाउको दक्षिणी क्षेत्रमा सतावटको सामना गरिरहेको एक मण्डलीका लागि प्रार्थना गरौँ। यस दुःखको बीचमा प्रभुले आफ्ना मण्डलीलाई अझ बढ्न सहायता गर्नु भएको होस् र धेरैले ख्रीष्टलाई उद्धारकर्ताका रूपमा चिन्न पाऊन् भनी प्रार्थना गरौँ।
भारतमा पास्टर प्रताप र उहाँको परिवारका लागि प्रार्थना गरौँ। यस कठिन समयमा परमेश्वरको शान्ति उहाँहरुमा वास गरोस् र परमेश्वरको प्रेमको नयाँ अनुभूति प्राप्त होस् भनी प्रार्थना गरौँ।
म्यानमारका “पावल” जोयका लागि प्रार्थना गरौँ, जो ११ जना “तिमोथी”हरूलाई चेलापन तालिम दिइरहेका छन्। परमेश्वरको वचन उनीहरूको हृदयमा गहिरो गरी बसोस् र उनीहरूले धैर्यसाथ दौड पूरा गरून्। जोयलाई प्रभुले हौसला दिनु भएको होस् र बाइबल सिकाउन साहसले भरिदिनु भएको होस् भनी प्रार्थना गरौँ।
सुडानमा आगामी प्रशिक्षण चक्रमा चेलाहरू र मण्डलीहरू गुणात्मक रूपमा बढून् भनी प्रार्थना गरौँ। त्यहाँको नेतृत्वले ACHIEVE दर्शनलाई आत्मसात् गरोस् र सुसमाचार नपुगेका गाउँहरूमा सुसमाचार बाँड्न प्रतिबद्ध रहोस् भनी प्रार्थना गरौँ।

मनन् र चिन्तन

“अन्‍त्‍यमा भाइ हो, जे कुरो सत्‍य छ, जे कुरो आदरणीय छ, जे कुरो न्‍यायसङ्गत छ, जे कुरो शुद्ध छ, जे कुरो प्रेम-योग्‍य छ, जे कुरो कृपामय छ, यदि केही श्रेष्‍ठता, प्रशंसाको योग्‍य केही छ भने यी नै कुराका विचार गर।“ – फिलिप्पी ४:८

तपाईंले पाठ गर्नुभएको धर्मशास्त्रका वचन र प्रार्थनामा केही बेर चिन्तन् गर्नुहोस्। परमेश्‍वरको आवजमा आफ्नो हृदय र मनलाई खोल्नुहोस्। यसो गर्दैगर्दा, आफैलाई सोध्नुहोस्: तपाईंको प्रार्थना र वचनद्वारा परमेश्‍वरले तपाईंलाई के भन्दै हुनुहुन्छ? यस अवस्थामा उहाँले तपाईलाई कसरी अगुवाइ अथवा प्रोत्साहन दिंदै हुनुहुन्छ?

तपाईंको प्रार्थनाको समय सकिनै लाग्‍दा, पुनः विश्‍वभरि परमेश्‍वरले गर्नुभएका कामको लागि उहाँलाई धन्यवाद दिनुहोस्।

Prayer Timer

(Prayer time: 15 min)

"Prayer is the mighty engine that is to move the missionary work." – A.B. Simpson

तपाइँको प्रार्थनालाई ईन्धनको मद्दत गर्न यी स्रोतहरू प्रयोग गर्नुहोस्।

प्रार्थना गर्नुभएकोमा धन्यवाद

२०२६ अप्रिल १३

हामी तपाईंलाई क्षेत्रीय केन्द्रित नयाँ प्रार्थना यात्रामा आमन्त्रण गर्न पाउँदा उत्साहित छौं। प्रत्येक पटक दुई हप्ता सम्म, हामी काम गरिरहेको एउटा क्षेत्रमा ध्यान केन्द्रित गर्नेछौं ताकि तपाईंलाई त्यहाँ परमेश्वर के गरिरहनुभएको छ भन्ने कुरामा जोडिन सकियोस्। हामी प्रार्थनामा सँगै मिल्दा, हामी परमेश्वरले हामीले सोचेभन्दा वा मागेको भन्दा बढी गर्ने अपेक्षा राख्छौं। हरेक गाउँमा, जहाँसुकै चर्चको […]

Read