Prayer Fuel

प्रार्थना गर्नु भएकोमा धन्यवाद।

तपाईंको प्रार्थना समयको अधिकतम उपयोग गर्न, हामी तलको प्रार्थना चक्रको प्रयोग गर्न सल्लाह दिन्छौं। यो मोडेल (नमूना) केवल टि टि आइको प्रार्थनाको समर्थनमा मात्र नभइ तपाईंको दैनिक प्रार्थनाको जीवनको लागि महत्वपुर्ण उपकरणको रुपमा तयार गरिएको हो। हामी आशा गर्छौं कि तपाईंलाई यो टेम्पलेट उपयोगी र अनुकूलनीय लाग्नेछ।

यस प्रार्थना चक्रको तल तपाईंले सम्बन्धित धर्मशास्त्र र प्रार्थनाका विषयहरू पाउनुहुनेछ।

प्रशंसा र धन्यवाद

सधैँ आनन्दित रहो, निरन्तर प्रार्थना गरिरहो, हरेक परिस्थितिमा धन्यवाद देओ; किनकि ख्रीष्‍ट येशूमा तिमीहरूको लागि परमेश्‍वरको इच्छा यही हो।”- 1 थेसलोनिकी 5:16-18

केही समय लिनुहोस् र परमेश्‍वरलाई उहाँ को हुनुहुन्छ, उहाँले के गर्नुभयो र संसारमा उहाँले के गर्दै हुनुहुन्छ भनेर धन्यवाद दिनुहोस्।

केन्याको नैरोबीमा हुन लागेको आगामी ग्लोबल RLT बैठकका लागि परमेश्वरलाई स्तुति गरौँ। सँगै भेला भएर एक–अर्कालाई तिखार्न र येशूको नाम उच्च पार्ने अवसरका लागि प्रभुलाई धन्यवाद। यी बैठकहरूमा पवित्र आत्माले अगुवाइ गर्नु भएको होस् भनी प्रार्थना गरौँ।
श्रीलङ्कामा रहेका १२२ जना “पावल”हरूका लागि परमेश्वरलाई स्तुति गरौँ, जसका माध्यमबाट सन् २०२४ देखि हालसम्म ४०० वटा चर्चहरू स्थापना भएका छन्। दक्षिण एशियामा मण्डली निर्माण गरिरहनुभएकोमा येशूलाई धन्यवाद।
हैटीका मण्डली स्थापनाकर्ता पिएर डेविडका लागि येशूलाई धन्यवाद। पिएर हाल १७ जना “तिमोथी”हरूलाई चेलापन तालिम दिइरहेका छन्, जसको दर्शन मण्डली स्थापना गर्ने मण्डलीहरू तयार गर्नु हो। यस प्रशिक्षण समूहलाई प्रभुले आशिष् दिनु भएको होस् र उनीहरूको सेवकाईलाई परमेश्वरले गुणन गरी बढाई दिनुभएको होस् भनी प्रार्थना गरौँ।
द तिमोथी इनिसिएटिभमा यहाँको नेतृत्वका लागि परमेश्वरलाई स्तुति गरौँ। येशू ख्रीष्टलाई आदर गर्न र उहाँका आज्ञाहरू पालन गर्न प्रतिबद्ध पुरुष र महिलाहरूका लागि प्रभुलाई धन्यवाद। उहाँहरू र उहाँहरूको परिवारहरू शान्ति, सान्त्वना र आनन्दले भरिन सकुन् भनी प्रार्थना गरौँ।
सिएरा लियोनमा तपाईंको सेवा गर्ने अवसरका लागि परमेश्वरलाई धन्यवाद भएको होस्। त्यहाँका अगुवाहरू र चेला बनाउनेहरूका लागि प्रार्थना गरौँ, र प्रभुले आफ्नो मिशनलाई अगाडि बढाउन आवश्यक सबै कुराको निरन्तर प्रबन्ध रहनु भएको होस् भनी प्रार्थना गरौँ।

पाप स्वीकारोक्‍ति र पश्‍चताप

“सबै कुराभन्‍दा बढी, आफ्‍नो हृदयलाई सुरक्षित राख्, किनभने त्‍यो सारा जीवनको मूल हो।“ – हितोपदेश ४:२३

केही समय निकालेर आफ्ना विचार, कार्य, इच्छाहरू, व्यवहार, र जीवनशैलीको सुचीगत मूल्यांकन गर्नुहोस्। के तपाईंको जीवनमा कुनै नस्वीकारिएको वा अप्रायश्चित पाप छन्? परमेश्वरलाई तपाईंको हृदय जाँच्न दिनुहोस् र अगाडि बढ्नु अघि प्रतिक्रिया दिनुहोस्।

व्यक्तिगत नेवेदन

”कुनै कुरामा चिन्‍तित नहोओ, तर हरेक कुरामा प्रार्थना र निवेदनद्वारा धन्‍यवादसहित तिमीहरूका बिन्‍ती परमेश्‍वरमा जाहेर होऊन्, र समझले नै भियाउन नसकिने परमेश्‍वरको शान्‍तिले तिमीहरूका हृदय र तिमीहरूका मनलाई येशूमा रक्षा गर्नेछ।“ – फिलिप्पी ४:६-७

आफ्ना व्यक्तिगत अर्जीहरू प्रभुको अगाडि ल्याउनको लागि केही समय खर्चिनुहोस्, यसो गर्दैगर्दा तपाईंले परमेश्‍वरलाई आफ्नो हृदयउहाँको हृदको नजिक हुन र उहाँले गहिरोसँग वास्ता गर्ने कुराहरूको बोझ तपाईंको हृदयमा राखिदिनुहुन विन्ति गर्नुहोस्।

मधयस्थताको लागि

”सर्वप्रथम म आग्रह गर्दछु, कि सबै मानिसहरूका निम्‍ति नम्र-निवेदन, प्रार्थना र मध्‍यस्‍थ-बिन्‍ती र धन्‍यवाद चढ़ाइऊन्” – तिमोथी २:१
टि टि आइसँग विश्‍वभरि सेवाकाई गरिरहनुभएका हाम्रा दाजुभाइ तथा दिदीबहिनीहरूका तर्फबाट मधय्स्थता गर्नुहोस्:

गत वर्ष आएको हुरिकेन मेलिसाको विनाशबाट पुनःस्थापित हुँदै गरेका क्युबा र हैटीका लागि निरन्तर प्रार्थना गरौँ। प्रभुले उनीहरूको सबै आवश्यकताहरू पूरा गर्नु भएको होस् र यी राष्ट्रहरू पहिलेभन्दा अझ बलिया भएर पुनर्निर्माण हुन सकून्। धेरै कुरा गुमाएकाहरूलाई प्रभुले सान्त्वना दिनु भएको होस् भनी प्रार्थना गरौँ।
सिएरा लियोनका हाम्रो एक “तिमोथी” एथेलका लागि प्रार्थना गरौँ, जसले मण्डली स्थापनामा गम्भीर चुनौतीहरू सामना गरि रहनु भएको छ। मण्डलीका केही सदस्यहरूले विद्रोह गरेका छन् र अब संगतिको लागि आउन छोडेका छन्। प्रभुले यस संगतिमा शान्ति ल्याइदिनू भएको होस् र यो मण्डली पूर्ण रूपमा प्रभुमाथि निर्भर रहोस् भनी प्रार्थना गरौँ। यस समुदायमा पश्चात्ताप, पुनःस्थापना र चङ्गाइ होस् भनी प्रार्थना गरौँ।
उत्तरी भियतनाममा सुसमाचारको ज्योति प्रवेश गरोस् भनी हामीसँगै प्रार्थना गरौँ। देशको यस भागमा मण्डली स्थापनाको दर्शनसहित अझ धेरै कामदारहरू सुसज्जित होऊन्। मण्डली स्थापनाकर्ताहरू साहसले भरिन र मूल्य चुकाउन तयार रहून् भनी प्रार्थना गरौँ।
नेपालका मण्डली स्थापनाकर्ता गोविन्दका लागि प्रार्थना गरौँ, जसले १५ जना “तिमोथी”हरूलाई तालिम दिइरहनु भएको छ र जसको सेवकाईबाट ४६ जनाले उद्धार पाएका छन्। यस अद्भुत गतिका लागि परमेश्वरलाई स्तुति गरौँ र यी नयाँ विश्वासिहरूलाई प्रभुले बलियो बनाइदिनू भएको होस् भनी प्रार्थना गरौँ। नेपालमा परमेश्वरको वचन निरन्तर फैलिँदै जाओस् भनी प्रार्थना गरौँ।
केन्यामा रहेका हाम्रो एक प्रमुख अगुवाको पत्नीका लागि प्रार्थना गरौँ। उहाँ गत महिनामा सवारी दुर्घटनामा पर्नु भई गम्भीर घाइते हुनुभएको छ र हाल अस्पतालमा उपचाररत हुनुहुन्छ। छिटो स्वास्थ्यलाभ होस् र प्रभुले पूर्ण चङ्गाइ दिनु भएको होस् भनी प्रार्थना गरौँ।
नाइजेरियामा रहेका चेला बनाउनेहरू र मण्डली स्थापनाकर्ताको सुरक्षाका लागि प्रार्थना गरौँ। सुसमाचार बाँड्दै गर्दा चोरीको आक्रमण, अपहरण र छापामार आक्रमणबाट प्रभुले उनीहरूलाई सुरक्षित राख्नु भएको होस्। देशभर ख्रीष्टियनहरूमाथि भइरहेका आक्रमणहरू अन्त्य होऊन् भनी प्रार्थना गरौँ।
ACHIEVE India 25–27 को सुरुआतका लागि र समुदाय, गाउँ र सहरहरूमा सुसमाचार बाँड्न उत्साहित ४०,००० भन्दा बढी चेला बनाउनेहरूका लागि प्रार्थना गरौँ। आगामी दुई वर्षभित्र १५,००० चर्च स्थापना गर्ने हाम्रो विश्वासको लक्ष्य पूरा होस् र प्रभुले यी चेलाहरूलाई गुणा गरी बढाइदिनू भएको होस् भनी प्रार्थना गरौँ।
सँगै साझेदारी गरेर “Coalition of the Willing” गठन गरेका २७ वटा विश्वव्यापी मिसन संस्थाहरूका लागि प्रार्थना गरौँ। महान आज्ञा पूरा भएको देख्न एकता र तीव्रता होस् भनी प्रार्थना गरौँ। यस वर्ष ४० वटा बहु–सेवकाई लक्ष्य क्षेत्रहरू सुरु गर्न प्रार्थना र योजना बनाइरहेका यी संस्थाहरूका लागि प्रार्थना गरौँ। सुसमाचार र मण्डली स्थापनामार्फत क्षेत्रहरूलाई अझ रणनीतिक रूपमा प्रभाव पार्ने विश्वासको लक्ष्य पूरा होस्। परमेश्वरले अगुवाइ गर्नु भएको होस् र विश्वभरका हृदयहरू तयारी पर्नु भएको होस् भनी प्रार्थना गरौँ।

मनन् र चिन्तन

“अन्‍त्‍यमा भाइ हो, जे कुरो सत्‍य छ, जे कुरो आदरणीय छ, जे कुरो न्‍यायसङ्गत छ, जे कुरो शुद्ध छ, जे कुरो प्रेम-योग्‍य छ, जे कुरो कृपामय छ, यदि केही श्रेष्‍ठता, प्रशंसाको योग्‍य केही छ भने यी नै कुराका विचार गर।“ – फिलिप्पी ४:८

तपाईंले पाठ गर्नुभएको धर्मशास्त्रका वचन र प्रार्थनामा केही बेर चिन्तन् गर्नुहोस्। परमेश्‍वरको आवजमा आफ्नो हृदय र मनलाई खोल्नुहोस्। यसो गर्दैगर्दा, आफैलाई सोध्नुहोस्: तपाईंको प्रार्थना र वचनद्वारा परमेश्‍वरले तपाईंलाई के भन्दै हुनुहुन्छ? यस अवस्थामा उहाँले तपाईलाई कसरी अगुवाइ अथवा प्रोत्साहन दिंदै हुनुहुन्छ?

तपाईंको प्रार्थनाको समय सकिनै लाग्‍दा, पुनः विश्‍वभरि परमेश्‍वरले गर्नुभएका कामको लागि उहाँलाई धन्यवाद दिनुहोस्।

Prayer Timer

(Prayer time: 15 min)

"Prayer is the mighty engine that is to move the missionary work." – A.B. Simpson

तपाइँको प्रार्थनालाई ईन्धनको मद्दत गर्न यी स्रोतहरू प्रयोग गर्नुहोस्।

प्रार्थना गर्नुभएकोमा धन्यवाद

२०२६ अप्रिल १३

हामी तपाईंलाई क्षेत्रीय केन्द्रित नयाँ प्रार्थना यात्रामा आमन्त्रण गर्न पाउँदा उत्साहित छौं। प्रत्येक पटक दुई हप्ता सम्म, हामी काम गरिरहेको एउटा क्षेत्रमा ध्यान केन्द्रित गर्नेछौं ताकि तपाईंलाई त्यहाँ परमेश्वर के गरिरहनुभएको छ भन्ने कुरामा जोडिन सकियोस्। हामी प्रार्थनामा सँगै मिल्दा, हामी परमेश्वरले हामीले सोचेभन्दा वा मागेको भन्दा बढी गर्ने अपेक्षा राख्छौं। हरेक गाउँमा, जहाँसुकै चर्चको […]

Read