Prayer Fuel

प्रार्थना गर्नु भएकोमा धन्यवाद।

तपाईंको प्रार्थना समयको अधिकतम उपयोग गर्न, हामी तलको प्रार्थना चक्रको प्रयोग गर्न सल्लाह दिन्छौं। यो मोडेल (नमूना) केवल टि टि आइको प्रार्थनाको समर्थनमा मात्र नभइ तपाईंको दैनिक प्रार्थनाको जीवनको लागि महत्वपुर्ण उपकरणको रुपमा तयार गरिएको हो। हामी आशा गर्छौं कि तपाईंलाई यो टेम्पलेट उपयोगी र अनुकूलनीय लाग्नेछ।

यस प्रार्थना चक्रको तल तपाईंले सम्बन्धित धर्मशास्त्र र प्रार्थनाका विषयहरू पाउनुहुनेछ।

प्रशंसा र धन्यवाद

सधैँ आनन्दित रहो, निरन्तर प्रार्थना गरिरहो, हरेक परिस्थितिमा धन्यवाद देओ; किनकि ख्रीष्‍ट येशूमा तिमीहरूको लागि परमेश्‍वरको इच्छा यही हो।”- 1 थेसलोनिकी 5:16-18

केही समय लिनुहोस् र परमेश्‍वरलाई उहाँ को हुनुहुन्छ, उहाँले के गर्नुभयो र संसारमा उहाँले के गर्दै हुनुहुन्छ भनेर धन्यवाद दिनुहोस्।

हालैका विश्वव्यापी बैठकहरूको लागि परमेश्वरको प्रशंसा गर्नुहोस् जसले नयाँ दृष्टिकोण र जोश भएका प्रमुख सेवकाईका अगुवाहरूलाई चेलापनमा ध्यान केन्द्रित गर्न प्रोत्साहित गरेको छ। यी बैठकहरूको प्रभाव टाढा–टाढासम्म फैलियोस् र यसको फल दीर्घकालीन रहोस् भनी प्रार्थना गरौँ।
कम्बोडियामा नियुक्त भएका दुई नयाँ फिल्ड प्रतिनिधिहरूका लागि येशू ख्रीष्टलाई धन्यवाद दिनुहोस्। यी अगुवाहरूले देशभरका मण्डली र प्रशिक्षण केन्द्रहरूबाट आउने जानकारी प्रमाणित गर्न मद्दत गर्नेछन्। विश्वव्यापी सेवकाईमा उनीहरूको भूमिका अत्यन्तै महत्वपूर्ण छ, र हामीले रिपोर्ट गरेको तथ्य तथ्यांकहरू यथार्थ र सही छ भनी सुनिश्चित गर्न उनीहरूले ठूलो परिश्रम गर्छन् ।
थाइल्याण्डमा क्रिसमसको मौसममा अविश्वसनीय फसलको लागि प्रभुको प्रशंसा गर्नुहोस्। धेरै सुसमाचार कार्यक्रमहरू डिसेम्बर भरि आयोजित गरियो, र सुसमाचारका बीउहरूले दिगो फल फलाउनेछन् भनी हामीले परमेश्वरमा भरोसा राखेका छौं।
मेक्सिकोका रिकार्डो मार्टिनेजका लागि प्रभुलाई धन्यवाद। रिकार्डो एक “पावल” हुन्, जो हाल २९ जना “तिमोथी”हरूलाई चेलापन तालिम दिइरहेका छन्। उनीहरू मिलेर ७ वटा मण्डलीहरु स्थापना गरेका छन् र ३० जनाले प्रभुलाई ग्रहण गरेका छन्। मेक्सिकोमा चर्चको वृद्धि भइरहेकोमा परमेश्वरलाई भएको स्तुति होस्।
पश्चिम अफ्रिकाको क्यामरुनमा तक्वान बर्ट्रान्डका लागि परमेश्वरलाई स्तुति गरौँ। तक्वान एक “पावल” हुन्, जो हाल २५ जना “तिमोथी”हरूलाई चेलापन तालिम दिइरहेका छन्। उनीहरू मिलेर १४ वटा मण्डली स्थापना गरेका छन् र १२५ जनाले ख्रीष्टमा विश्वास गरेका छन्। यस तालिम केन्द्रमार्फत मण्डली वृद्धि भइरहेकोमा प्रभुलाई धन्यवाद।

पाप स्वीकारोक्‍ति र पश्‍चताप

“सबै कुराभन्‍दा बढी, आफ्‍नो हृदयलाई सुरक्षित राख्, किनभने त्‍यो सारा जीवनको मूल हो।“ – हितोपदेश ४:२३

केही समय निकालेर आफ्ना विचार, कार्य, इच्छाहरू, व्यवहार, र जीवनशैलीको सुचीगत मूल्यांकन गर्नुहोस्। के तपाईंको जीवनमा कुनै नस्वीकारिएको वा अप्रायश्चित पाप छन्? परमेश्वरलाई तपाईंको हृदय जाँच्न दिनुहोस् र अगाडि बढ्नु अघि प्रतिक्रिया दिनुहोस्।

व्यक्तिगत नेवेदन

”कुनै कुरामा चिन्‍तित नहोओ, तर हरेक कुरामा प्रार्थना र निवेदनद्वारा धन्‍यवादसहित तिमीहरूका बिन्‍ती परमेश्‍वरमा जाहेर होऊन्, र समझले नै भियाउन नसकिने परमेश्‍वरको शान्‍तिले तिमीहरूका हृदय र तिमीहरूका मनलाई येशूमा रक्षा गर्नेछ।“ – फिलिप्पी ४:६-७

आफ्ना व्यक्तिगत अर्जीहरू प्रभुको अगाडि ल्याउनको लागि केही समय खर्चिनुहोस्, यसो गर्दैगर्दा तपाईंले परमेश्‍वरलाई आफ्नो हृदयउहाँको हृदको नजिक हुन र उहाँले गहिरोसँग वास्ता गर्ने कुराहरूको बोझ तपाईंको हृदयमा राखिदिनुहुन विन्ति गर्नुहोस्।

मधयस्थताको लागि

”सर्वप्रथम म आग्रह गर्दछु, कि सबै मानिसहरूका निम्‍ति नम्र-निवेदन, प्रार्थना र मध्‍यस्‍थ-बिन्‍ती र धन्‍यवाद चढ़ाइऊन्” – तिमोथी २:१
टि टि आइसँग विश्‍वभरि सेवाकाई गरिरहनुभएका हाम्रा दाजुभाइ तथा दिदीबहिनीहरूका तर्फबाट मधय्स्थता गर्नुहोस्:

मलेसियाको टोलीले “शान्तिप्रिय मानिसहरू” भेट्न सकोस् भनेर प्रार्थना गर्नुहोस् जसले सुसमाचारको लागि ढोका खोल्नेछन् र आफ्नो छिमेक वा प्रभावका ठाउँहरूमा राज्य अभियान देख्नसकुन् । सुसमाचार मानिसहरूको हृदय र मनमा गहिरो गरी जरा गाडोस् भनी प्रार्थना गरौँ।
प्रजातान्त्रिक गणतन्त्र कंगोमा नयाँ स्थापना भएका चर्चहरू र नयाँ विश्वासिहरूका लागि प्रार्थना गरौँ। उनीहरू बलियो बन्न सकुन् र सुसमाचार प्रचार गर्न साहसले भरिन सकुन्। उत्तरपूर्वी DRC मा रहेको बुनिया प्रशिक्षण समूह र यस क्षेत्रभरि प्रशिक्षण केन्द्रहरू आयोजना गर्ने ३४ जना पावलहरूको लागि विशेष रूपमा प्रार्थना गर्नुहोस्।
प्रभुलाई प्रार्थना गरौँ, उहाँको हृदय दुख्ने कुराले हाम्रो हृदय पनि दुखोस्। अहिले संसारमा ३.५ अर्ब मानिसहरू छन्, जसलाई सुसमाचारमा थोरै वा कुनै पहुँच छैन। धेरैजना जसले कहिल्यै कुनै ईसाईलाई भेटेका छैनन्, कहिल्यै बाइबल पढेका छैनन्, वा येशूको नाम कहिल्यै सुनेका छैनन्। उनीहरूका लागि प्रार्थना गर्नुहोस् र प्रभु उनीहरूको नजिक आउनु भएको होस्।
दिल्ली प्रशिक्षण केन्द्र समूह र २ वर्षको चेलापनका लागि दर्ता भएका ३६० जना “तिमोथी”हरूका लागि प्रार्थना गरौँ। यी पुरुष र महिलाहरूले वरपरको धेरै सुसमाचार नपुगेको ठाउँहरुमा पुग्न र उनीहरूको विश्वासयोग्यता मार्फत सुसमाचार अभियानको सुरुवात होस् भनेर प्रार्थना गर्नुहोस्।
दक्षिण एशियामा गत महिना सुसमाचार प्रचारगर्न जाँदा अटो रिक्सा दुर्घटनामा परेका ६ जना चेला बनाउनेहरूको समूहका लागि प्रार्थना गरौँ। विशेष गरी गम्भीर अवस्थामा रहेका दुई जनाका लागि प्रार्थना गरौँ, र सबै घाइतेहरू पूर्ण रूपमा निको भएर स्वस्थ होऊन्। यस कठिन समयमा उनीहरूलाई तपाईंका प्रार्थनाहरू अत्यन्तै आवश्यक छन्।
नाइजेरियाको चर्चको लागि प्रार्थना गर्न जारी राख्नुहोस् किनकि उनीहरूले मुस्लिम अतिवादीहरूबाट सतावट र धम्कीको सामना गरिरहेका छन्। चर्च शान्तिले भरियोस् र प्रभुको वचन उनीहरूमा र उनीहरूको वरिपरि फैलिनको लागि प्रार्थना गर्नुहोस्। प्रेरितहरूको पुस्तकमा जस्तै सतावटको बीचमै जागृति ल्याइदिन प्रभुसँग प्रार्थना गरौँ।
म्यानमारको राष्ट्रिय नेतृत्व टोलीका लागि प्रार्थना गरौँ, हरेक गाउँमा, हरेक ठाउँमा, एउटा मण्डली स्थापना गर्ने दर्शनमा उनीहरू एकताबद्ध रहून्। सरकारले दिने सतावटको सामना गर्दै र गत वर्षको भूकम्पबाट पुनःस्थापित हुँदै गर्दा उनीहरूमा धैर्य रहोस्। यी कठिन समयमा उनीहरू प्रभुसँग अझ नजिकिँदै जाऊन् भनी प्रार्थना गरौँ।
पश्चिम अफ्रिकाका टोगो र बेनिनमा फैलिँदै गरेको सुसमाचारको कामका लागि प्रार्थना गरौँ। प्रभुले नयाँ पुस्ताबाट अगुवाहरू उठाइदिनू भएको होस् र सुसमाचारले यी युवा अगुवाहरूलाई आकार दिन सकोस्। विशेष गरी इस्लामी प्रभाव बढी भएका यी राष्ट्रहरूको उत्तरी भागहरूमा सुसमाचारको ज्योति चम्कियोस् भनी प्रार्थना गरौँ।

मनन् र चिन्तन

“अन्‍त्‍यमा भाइ हो, जे कुरो सत्‍य छ, जे कुरो आदरणीय छ, जे कुरो न्‍यायसङ्गत छ, जे कुरो शुद्ध छ, जे कुरो प्रेम-योग्‍य छ, जे कुरो कृपामय छ, यदि केही श्रेष्‍ठता, प्रशंसाको योग्‍य केही छ भने यी नै कुराका विचार गर।“ – फिलिप्पी ४:८

तपाईंले पाठ गर्नुभएको धर्मशास्त्रका वचन र प्रार्थनामा केही बेर चिन्तन् गर्नुहोस्। परमेश्‍वरको आवजमा आफ्नो हृदय र मनलाई खोल्नुहोस्। यसो गर्दैगर्दा, आफैलाई सोध्नुहोस्: तपाईंको प्रार्थना र वचनद्वारा परमेश्‍वरले तपाईंलाई के भन्दै हुनुहुन्छ? यस अवस्थामा उहाँले तपाईलाई कसरी अगुवाइ अथवा प्रोत्साहन दिंदै हुनुहुन्छ?

तपाईंको प्रार्थनाको समय सकिनै लाग्‍दा, पुनः विश्‍वभरि परमेश्‍वरले गर्नुभएका कामको लागि उहाँलाई धन्यवाद दिनुहोस्।

Prayer Timer

(Prayer time: 15 min)

"Prayer is the mighty engine that is to move the missionary work." – A.B. Simpson

तपाइँको प्रार्थनालाई ईन्धनको मद्दत गर्न यी स्रोतहरू प्रयोग गर्नुहोस्।

प्रार्थना गर्नुभएकोमा धन्यवाद

२०२६ अप्रिल १३

हामी तपाईंलाई क्षेत्रीय केन्द्रित नयाँ प्रार्थना यात्रामा आमन्त्रण गर्न पाउँदा उत्साहित छौं। प्रत्येक पटक दुई हप्ता सम्म, हामी काम गरिरहेको एउटा क्षेत्रमा ध्यान केन्द्रित गर्नेछौं ताकि तपाईंलाई त्यहाँ परमेश्वर के गरिरहनुभएको छ भन्ने कुरामा जोडिन सकियोस्। हामी प्रार्थनामा सँगै मिल्दा, हामी परमेश्वरले हामीले सोचेभन्दा वा मागेको भन्दा बढी गर्ने अपेक्षा राख्छौं। हरेक गाउँमा, जहाँसुकै चर्चको […]

Read