Prayer Fuel

प्रार्थना गर्नु भएकोमा धन्यवाद।

तपाईंको प्रार्थना समयको अधिकतम उपयोग गर्न, हामी तलको प्रार्थना चक्रको प्रयोग गर्न सल्लाह दिन्छौं। यो मोडेल (नमूना) केवल टि टि आइको प्रार्थनाको समर्थनमा मात्र नभइ तपाईंको दैनिक प्रार्थनाको जीवनको लागि महत्वपुर्ण उपकरणको रुपमा तयार गरिएको हो। हामी आशा गर्छौं कि तपाईंलाई यो टेम्पलेट उपयोगी र अनुकूलनीय लाग्नेछ।

यस प्रार्थना चक्रको तल तपाईंले सम्बन्धित धर्मशास्त्र र प्रार्थनाका विषयहरू पाउनुहुनेछ।

प्रशंसा र धन्यवाद

सधैँ आनन्दित रहो, निरन्तर प्रार्थना गरिरहो, हरेक परिस्थितिमा धन्यवाद देओ; किनकि ख्रीष्‍ट येशूमा तिमीहरूको लागि परमेश्‍वरको इच्छा यही हो।”- 1 थेसलोनिकी 5:16-18

केही समय लिनुहोस् र परमेश्‍वरलाई उहाँ को हुनुहुन्छ, उहाँले के गर्नुभयो र संसारमा उहाँले के गर्दै हुनुहुन्छ भनेर धन्यवाद दिनुहोस्।

पाकिस्तानमा रहेका संगतिहरू स्वस्थ र बलिया मण्डलीहरूमा रूपान्तरण हुँदै गइरहेका छन् भन्ने कुराका लागि परमेश्वरको स्तुति गरौँ। आफ्ना जनहरूलाई गोठालोझैँ हेरचाह गर्नुभएकोमा र ख्रीष्टको देहको वरदानका लागि प्रभुलाई धन्यवाद। पाकिस्तानका यी मण्डलीहरू अझै सुदृढ बनून् भनी प्रार्थना गरौँ।
इन्डोनेसियामा अभियान वृद्धि हुँदै गरेकोमा परमेश्वरलाई स्तुति भएको होस्। त्यहाँका अद्भुत अगुवाहरूका लागि र एक साथ बढ्ने अवसरका लागि प्रभुलाई धन्यवाद। डिसेम्बरमा मूल्याङ्कन टोलीले (मूल्याङ्कन) गर्ने अवसर प्राप्त गर्यो, जसले सबैलाई आफ्ना बलिया पक्ष र कमजोरीहरू बुझ्न सहयोग पुर्यायो। यसले सबैलाई अझ धारिलो बनाओस् र अझ धेरै सुसमाचारको अभियानका लागि मार्ग तयार गरोस् भनी प्रार्थना गरौँ।
कम्बोडियाको सेवकाईका लागि दुई जना नयाँ राष्ट्रिय नेतृत्व टोली सदस्यहरू उपलब्ध गराइदिनुभएकोमा परमेश्वरलाई स्तुति गरौँ। उहाँको वचन र पवित्र आत्माको अधीनमा रहने उत्कृष्ट अगुवाहरू जुटाउनु भएकोमा परमेश्वरलाई धन्यवाद भएको होस्।
सुडानका नुबा पहाडहरूमा सञ्चार पहुँच खुलेकोमा प्रभुलाई स्तुति गरौँ। यसले समूहबीच अझ राम्रो सहकार्य सम्भव बनाएको छ र क्षेत्रका मण्डली स्थापनाकर्ताहरूलाई अझ सशक्त बनाएको छ। यो निरन्तर रूपमा त्यहाँको चर्चका लागि आशिष् बनिरहोस् भनी प्रार्थना गरौँ।
पश्चिम अफ्रिकामा दर्जनौँ मुस्लिम पुरुष र महिलाहरूले प्रभु येशूलाई चिन्न थालेका छन्, परमेश्वरको स्तुति भएको होस्। बहुसंख्यक मुस्लिम क्षेत्रहरूमा सुसमाचारको स्वतन्त्रतासहित अघि बढ्न चेला निर्माण गर्नेहरू निरन्तर तयार रहून् भनी प्रार्थना गरौँ।

पाप स्वीकारोक्‍ति र पश्‍चताप

“सबै कुराभन्‍दा बढी, आफ्‍नो हृदयलाई सुरक्षित राख्, किनभने त्‍यो सारा जीवनको मूल हो।“ – हितोपदेश ४:२३

केही समय निकालेर आफ्ना विचार, कार्य, इच्छाहरू, व्यवहार, र जीवनशैलीको सुचीगत मूल्यांकन गर्नुहोस्। के तपाईंको जीवनमा कुनै नस्वीकारिएको वा अप्रायश्चित पाप छन्? परमेश्वरलाई तपाईंको हृदय जाँच्न दिनुहोस् र अगाडि बढ्नु अघि प्रतिक्रिया दिनुहोस्।

व्यक्तिगत नेवेदन

”कुनै कुरामा चिन्‍तित नहोओ, तर हरेक कुरामा प्रार्थना र निवेदनद्वारा धन्‍यवादसहित तिमीहरूका बिन्‍ती परमेश्‍वरमा जाहेर होऊन्, र समझले नै भियाउन नसकिने परमेश्‍वरको शान्‍तिले तिमीहरूका हृदय र तिमीहरूका मनलाई येशूमा रक्षा गर्नेछ।“ – फिलिप्पी ४:६-७

आफ्ना व्यक्तिगत अर्जीहरू प्रभुको अगाडि ल्याउनको लागि केही समय खर्चिनुहोस्, यसो गर्दैगर्दा तपाईंले परमेश्‍वरलाई आफ्नो हृदयउहाँको हृदको नजिक हुन र उहाँले गहिरोसँग वास्ता गर्ने कुराहरूको बोझ तपाईंको हृदयमा राखिदिनुहुन विन्ति गर्नुहोस्।

मधयस्थताको लागि

”सर्वप्रथम म आग्रह गर्दछु, कि सबै मानिसहरूका निम्‍ति नम्र-निवेदन, प्रार्थना र मध्‍यस्‍थ-बिन्‍ती र धन्‍यवाद चढ़ाइऊन्” – तिमोथी २:१
टि टि आइसँग विश्‍वभरि सेवाकाई गरिरहनुभएका हाम्रा दाजुभाइ तथा दिदीबहिनीहरूका तर्फबाट मधय्स्थता गर्नुहोस्:

नाइजेरियाका मण्डली स्थापनाकर्ताहरूका लागि प्रार्थना गरौँ, जहाँ कुनै ख्रीष्टियन छैनन् र कुनै मण्डली छैन, त्यस्ता गाउँहरूमा येशूको सन्देश लिएर जाँदा उनीहरू साहसी, बुद्धिमान र प्रभावकारी बनून्। उनीहरूको सेवकाई फलदायी होस् र प्रभुले उनीहरूको आज्ञाकारितालाई गुणा गरी बढाइदिनू भएको होस् भनी प्रार्थना गरौँ।
गाम्बियामा पुनजागृतिका लागि प्रार्थना गरौँ, सुसमाचारको प्रचारद्वारा धेरै ढुंगाजस्ता कठोर हृदयहरू नरम बनून्। विशेष रूपमा ओलिभरका लागि प्रार्थना गरौँ, जो १० जना चेला निर्माण गर्नेहरूलाई तालिम दिइरहेका छन्। कुनै पनि मूल्य चुकाउनुपरे पनि येशूलाई पछ्याउने ओलिभरको अटल आज्ञाकारिता र विश्वासयोग्यताका लागि प्रभुलाई धन्यवाद।
भारतको ओडिसामा रहेका “तिमोथी”हरूले साहसका साथ सुसमाचार बाँड्न् सकुन् भनी प्रार्थना गरौँ। यस राज्यका धेरै सुसमाचार नपुगेका जाति/जनसमूहहरू विश्वासीहरूद्वारा संलग्न हुन र सुसमाचारको पहुँच पुग्न सकोस्। उनीहरूको विश्वासयोग्य साक्षीबाट धेरैले पश्चात्ताप गरी सुसमाचारमा विश्वास गरून् भनी प्रार्थना गरौँ।
इन्डोनेसियाका मण्डली स्थापनाकर्ता इर्वानका लागि प्रार्थना गरौँ, जो ११ जना “तिमोथी”हरूलाई तालिम दिइरहेका छन्। उनीहरूको सेवकाईमार्फत येशूलाई चिनेका ६ जना नयाँ विश्वासिहरूका लागि पनि प्रार्थना गरौँ। उनीहरू येशू राजाप्रति प्रेम र समर्पणमा बढून् र इन्डोनेसियामा अझ धेरै मानिसहरूले उद्धार पाउन सकुन् भनी प्रार्थना गरौँ।
दक्षिण सुडानका एक अगुवाका लागि प्रार्थना गरौँ, जसको शरीरको एक भाग पक्षाघात भएको छ। औषधोपचारबाट केही सुधार भएकोमा प्रभुलाई धन्यवाद, तर परमेश्वरले पूर्ण चङ्गाइ दिनूभएको होस् भनी विशेष रूपमा प्रार्थना गरौँ।
गत वर्ष प्रभुमा सुत्नु भएका केन्याका पास्टर मुतोंगोरीको परिवारका लागि प्रार्थना गरौँ। यस कठिन समयमा उहाँलाई चिन्ने सबैलाई पवित्र आत्माले सान्त्वना दिनू भएको होस् र सुसमाचारको सत्यता प्रत्येक आत्मामा अझ गहिरो गरी बसोस् भनी प्रार्थना गरौँ।
तान्जानियामा परमेश्वरको काम पूरा गर्न विभिन्न सेवकाईहरूको अगुवाहरूबीच एकता होस् भनी प्रार्थना गरौँ। तान्जानियामा महान आज्ञा पूरा भएको देख्ने प्रतिबद्धताका लागि प्रभुलाई धन्यवाद। उनीहरूलाई एकतामा बाँध्नु भएको होस् र प्रभुको आज्ञाकारितामा हिँड्ने विश्वास प्रदान गर्नु भएको होस् भनी प्रार्थना गरौँ।
भारतको दक्षिण–पश्चिम बंगालमा भइरहेको कामका लागि प्रार्थना गरौँ। हरेक गाउँमा, हरेक ठाउँमा, एउटा मण्डली स्थापना गर्ने लक्ष्यतर्फ मेहनत गरिरहेका विश्वासीहरू र सेवकाईहरूबीच एकता होस् भनी प्रार्थना गरौँ।

मनन् र चिन्तन

“अन्‍त्‍यमा भाइ हो, जे कुरो सत्‍य छ, जे कुरो आदरणीय छ, जे कुरो न्‍यायसङ्गत छ, जे कुरो शुद्ध छ, जे कुरो प्रेम-योग्‍य छ, जे कुरो कृपामय छ, यदि केही श्रेष्‍ठता, प्रशंसाको योग्‍य केही छ भने यी नै कुराका विचार गर।“ – फिलिप्पी ४:८

तपाईंले पाठ गर्नुभएको धर्मशास्त्रका वचन र प्रार्थनामा केही बेर चिन्तन् गर्नुहोस्। परमेश्‍वरको आवजमा आफ्नो हृदय र मनलाई खोल्नुहोस्। यसो गर्दैगर्दा, आफैलाई सोध्नुहोस्: तपाईंको प्रार्थना र वचनद्वारा परमेश्‍वरले तपाईंलाई के भन्दै हुनुहुन्छ? यस अवस्थामा उहाँले तपाईलाई कसरी अगुवाइ अथवा प्रोत्साहन दिंदै हुनुहुन्छ?

तपाईंको प्रार्थनाको समय सकिनै लाग्‍दा, पुनः विश्‍वभरि परमेश्‍वरले गर्नुभएका कामको लागि उहाँलाई धन्यवाद दिनुहोस्।

Prayer Timer

(Prayer time: 15 min)

"Prayer is the mighty engine that is to move the missionary work." – A.B. Simpson

तपाइँको प्रार्थनालाई ईन्धनको मद्दत गर्न यी स्रोतहरू प्रयोग गर्नुहोस्।

प्रार्थना गर्नुभएकोमा धन्यवाद

२०२६ अप्रिल १३

हामी तपाईंलाई क्षेत्रीय केन्द्रित नयाँ प्रार्थना यात्रामा आमन्त्रण गर्न पाउँदा उत्साहित छौं। प्रत्येक पटक दुई हप्ता सम्म, हामी काम गरिरहेको एउटा क्षेत्रमा ध्यान केन्द्रित गर्नेछौं ताकि तपाईंलाई त्यहाँ परमेश्वर के गरिरहनुभएको छ भन्ने कुरामा जोडिन सकियोस्। हामी प्रार्थनामा सँगै मिल्दा, हामी परमेश्वरले हामीले सोचेभन्दा वा मागेको भन्दा बढी गर्ने अपेक्षा राख्छौं। हरेक गाउँमा, जहाँसुकै चर्चको […]

Read