Prayer Fuel

प्रार्थना गर्नु भएकोमा धन्यवाद।

तपाईंको प्रार्थना समयको अधिकतम उपयोग गर्न, हामी तलको प्रार्थना चक्रको प्रयोग गर्न सल्लाह दिन्छौं। यो मोडेल (नमूना) केवल टि टि आइको प्रार्थनाको समर्थनमा मात्र नभइ तपाईंको दैनिक प्रार्थनाको जीवनको लागि महत्वपुर्ण उपकरणको रुपमा तयार गरिएको हो। हामी आशा गर्छौं कि तपाईंलाई यो टेम्पलेट उपयोगी र अनुकूलनीय लाग्नेछ।

यस प्रार्थना चक्रको तल तपाईंले सम्बन्धित धर्मशास्त्र र प्रार्थनाका विषयहरू पाउनुहुनेछ।

प्रशंसा र धन्यवाद

सधैँ आनन्दित रहो, निरन्तर प्रार्थना गरिरहो, हरेक परिस्थितिमा धन्यवाद देओ; किनकि ख्रीष्‍ट येशूमा तिमीहरूको लागि परमेश्‍वरको इच्छा यही हो।”- 1 थेसलोनिकी 5:16-18

केही समय लिनुहोस् र परमेश्‍वरलाई उहाँ को हुनुहुन्छ, उहाँले के गर्नुभयो र संसारमा उहाँले के गर्दै हुनुहुन्छ भनेर धन्यवाद दिनुहोस्।

फिलिपिन्समा प्रतिबद्ध नेतृत्वकर्ताहरूको लागि प्रभुको स्तुति गर्नुहोस् जसले देशभरि प्रशिक्षण केन्द्रहरू भ्रमण गर्न सुरु गरेका छन् ताकि चर्च प्लानरहरूलाई प्रोत्साहित र सुसज्जित गर्न सकियोस्। यी यात्राहरूले धेरै फल ल्याओस् र सुसमाचार आन्दोलन फिलिपिन्समा निरन्तर विस्तार होस् भनेर प्रार्थना गर्नुहोस्।
धन्यबाद, ईशू, मेक्सिकोमा डानियलको प्रशिक्षण केन्द्रको लागि। उहाँको निष्ठावान नेतृत्व र शिक्षणको माध्येमबाट ८० जना उद्धार प्राप्त भएका छन्। नयाँ दाजुभाइ र दिदीबहिनीहरूलाई धन्यवाद, जो मेक्सिकोमा महान आज्ञा गम्भीरतापूर्वक लिँदैछन्।
भारतका शिष्य निर्माताहरूको लागि परमेश्वरको प्रशंसा गर्नुहोस्, जसले अब निर्भिकताका साथ “मेरो कथा” र “परमेश्वरको कथा” प्रयोग गरी सुसमाचार सुनाइरहेका छन्। यी पुनरुत्पादन योग्य उपकरणहरू हुन् जसले कसैलाई पनि सुसमाचार साझा गर्ने क्षमता दिन्छन् र पहिलो पटक मानिसहरूलाई येशूको सन्देशसँग जोड्नको लागि शक्तिशाली माध्यम हुन्।
ईथियोपियामा नयाँ कामको लागि योजना भइरहेको छ भनेर परमेश्वरप्रति धन्यवाद। परमेश्वरले पहिले नै देशमा धेरै काम गर्नुभएको छ, र हामी आन्दोलन निरन्तर फस्टाउने देख्न उत्साहित छौँ।
घानाका ती नेताहरूप्रति परमेश्वरलाई प्रशंसा गर्नुहोस् जो आफ्नो स्थानीय जिम्मेवारीहरूलाई दृढता र निष्ठासाथ पूरा गर्छन्। प्रभुबाट प्रार्थना गर्नुहोस् कि उहाँले उनीहरूको दृष्टिलाई व्यापक र एकीकृत बनाउनुहोस् जसले सम्पूर्ण राष्ट्रलाई सुसमाचारको कल्याणमा ढाकोस्।

पाप स्वीकारोक्‍ति र पश्‍चताप

“सबै कुराभन्‍दा बढी, आफ्‍नो हृदयलाई सुरक्षित राख्, किनभने त्‍यो सारा जीवनको मूल हो।“ – हितोपदेश ४:२३

केही समय निकालेर आफ्ना विचार, कार्य, इच्छाहरू, व्यवहार, र जीवनशैलीको सुचीगत मूल्यांकन गर्नुहोस्। के तपाईंको जीवनमा कुनै नस्वीकारिएको वा अप्रायश्चित पाप छन्? परमेश्वरलाई तपाईंको हृदय जाँच्न दिनुहोस् र अगाडि बढ्नु अघि प्रतिक्रिया दिनुहोस्।

व्यक्तिगत नेवेदन

”कुनै कुरामा चिन्‍तित नहोओ, तर हरेक कुरामा प्रार्थना र निवेदनद्वारा धन्‍यवादसहित तिमीहरूका बिन्‍ती परमेश्‍वरमा जाहेर होऊन्, र समझले नै भियाउन नसकिने परमेश्‍वरको शान्‍तिले तिमीहरूका हृदय र तिमीहरूका मनलाई येशूमा रक्षा गर्नेछ।“ – फिलिप्पी ४:६-७

आफ्ना व्यक्तिगत अर्जीहरू प्रभुको अगाडि ल्याउनको लागि केही समय खर्चिनुहोस्, यसो गर्दैगर्दा तपाईंले परमेश्‍वरलाई आफ्नो हृदयउहाँको हृदको नजिक हुन र उहाँले गहिरोसँग वास्ता गर्ने कुराहरूको बोझ तपाईंको हृदयमा राखिदिनुहुन विन्ति गर्नुहोस्।

मधयस्थताको लागि

”सर्वप्रथम म आग्रह गर्दछु, कि सबै मानिसहरूका निम्‍ति नम्र-निवेदन, प्रार्थना र मध्‍यस्‍थ-बिन्‍ती र धन्‍यवाद चढ़ाइऊन्” – तिमोथी २:१
टि टि आइसँग विश्‍वभरि सेवाकाई गरिरहनुभएका हाम्रा दाजुभाइ तथा दिदीबहिनीहरूका तर्फबाट मधय्स्थता गर्नुहोस्:

कृपया डेमोक्रेटिक रिपब्लिक अफ कंगोको पूर्वी क्षेत्रमा शान्तिका लागि प्रार्थना गर्न जारी राख्नुहोस्। त्यहाँ राजनीतिक युद्धहरूले धेरैको जीवन र जीविकाप्रति धावा जारी राखिरहेका छन्। कृपया प्रार्थना गर्नुहोस् कि सुसमाचार यस क्षेत्रमा फैलियोस् र उद्धार ल्याओस्!
केनियामा भर्खरै एक चर्च प्लान्टरको मृत्यु भएको छ। कृपया उहाँले सिकाइरहेका सबै मानिसहरू, उहाँको परिवार, र शोकमा डुबेका समुदायका अन्य व्यक्तिहरूको लागि प्रार्थना गर्नुहोस्। प्रार्थना गर्नुहोस् कि परमेश्वरले उनीहरूलाई झेल दुखाइको बीचमा सांत्वना दिनुहोस् र सुसमाचारको आशाले उनीहरूको हृदय भर्नेछ।
मलेसियाका नेताहरूका लागि प्रार्थना गर्नुहोस् जो परमेश्वरको प्रेममा बढ्न उत्साहित छन्। दिन प्रतिदिन, परमेश्वरले उनीहरूलाई मानिसहरूलाई आफ्नै निर्णयबाट होइन, परमेश्वरले देख्ने दृष्टिले हेर्न मद्दत गर्न प्रार्थना गर्नुहोस्। प्रार्थना गर्नुहोस् कि परमेश्वरले थप पौलहरू उठाउनुभयो ताकि उहाँका उद्देश्यहरू राष्ट्रमा पुरा हुन सकून्।
दक्षिण सूडानमा चर्चहरूलाई प्रभुले बलियो बनाउन प्रार्थना गर्नुहोस्। धेरै चुनौती र परीक्षाहरूको बीचमा, नयाँ स्थापना भएका चर्चहरूलाई स्वस्थ राख्न र तिनीहरूलाई नेतृत्व गर्दै आएका शिष्यहरूले ख्रीष्टमा विश्वासपूर्वक टिकिरहन प्रार्थना गर्नुहोस्।
पाकिस्तानमा भर्खरै निधन भएका एक चर्च प्लानरको परिवार र प्रियजनहरूलाई परमेश्वरको सान्त्वना, शक्ति, र शान्तिले घेर्नुहोस् भनेर प्रार्थना गर्नुहोस्। प्रार्थना गर्नुहोस् र परमेश्वरसँग सोध्नुहोस् कि यस क्षेत्रमा नयाँ विश्वासयोग्य चर्च प्लानरहरू उठून् जसले उनले सुरु गरेका अनुयायी बनाउने कार्यलाई सम्मान गर्न सकून्।
पाकिस्तानभरी मुस्लिम समुदायमा सुसमाचारको साहसी र प्रचुर रूपमा बिउ रोपाइँका लागि मध्यस्थता गर्नुहोस्। नयाँ विश्वासीहरू र उदिरहेको चर्चहरूलाई उत्पीडन, हिंसा, र विरोधबाट दिव्य संरक्षणको लागि प्रार्थना गर्नुहोस्। उनीहरूले येशूको पछाडि लाग्दा असाधारण शान्ति, साहस, र सुरक्षा प्राप्त गरोस् भनेर प्रार्थना गर्नुहोस्।
म्यानमारमा ACHIEVE दृष्टि पूरा होस् र अनुयायी बनाउनेहरूले धेरै चुनौतीहरूको माझमा केन्द्रित रहन सकून् भनेर प्रार्थना गर्नुहोस्। त्यहाँको टोलीले विश्वासमा बाँचून् र परमेश्वरले आवश्यक सबै कुरा प्रदान गर्नुहुनेछ भन्नेमा भरोसा राखोस् भनेर प्रार्थना गर्नुहोस्।
भारतमा चर्च-स्थापना आन्दोलनहरूको धनी इतिहासको लागि परमेश्वरको प्रशंसा गर्नुहोस्। दक्षिण भारतमा प्रत्येक गाउँमा चर्च स्थापना भएको देख्ने नयाँ विश्वस्तताको लागि प्रार्थना गर्नुहोस्। प्रशिक्षकहरूले स्पष्ट रूपमा सन्देश सम्प्रेषण गर्न र शिष्यनिर्माताहरूले दैनिक आज्ञपालन मार्फत दृष्टिलाई अगाडि बढाउन प्रार्थना गर्नुहोस्।

मनन् र चिन्तन

“अन्‍त्‍यमा भाइ हो, जे कुरो सत्‍य छ, जे कुरो आदरणीय छ, जे कुरो न्‍यायसङ्गत छ, जे कुरो शुद्ध छ, जे कुरो प्रेम-योग्‍य छ, जे कुरो कृपामय छ, यदि केही श्रेष्‍ठता, प्रशंसाको योग्‍य केही छ भने यी नै कुराका विचार गर।“ – फिलिप्पी ४:८

तपाईंले पाठ गर्नुभएको धर्मशास्त्रका वचन र प्रार्थनामा केही बेर चिन्तन् गर्नुहोस्। परमेश्‍वरको आवजमा आफ्नो हृदय र मनलाई खोल्नुहोस्। यसो गर्दैगर्दा, आफैलाई सोध्नुहोस्: तपाईंको प्रार्थना र वचनद्वारा परमेश्‍वरले तपाईंलाई के भन्दै हुनुहुन्छ? यस अवस्थामा उहाँले तपाईलाई कसरी अगुवाइ अथवा प्रोत्साहन दिंदै हुनुहुन्छ?

तपाईंको प्रार्थनाको समय सकिनै लाग्‍दा, पुनः विश्‍वभरि परमेश्‍वरले गर्नुभएका कामको लागि उहाँलाई धन्यवाद दिनुहोस्।

Prayer Timer

(Prayer time: 15 min)

"Prayer is the mighty engine that is to move the missionary work." – A.B. Simpson

तपाइँको प्रार्थनालाई ईन्धनको मद्दत गर्न यी स्रोतहरू प्रयोग गर्नुहोस्।

प्रार्थना गर्नुभएकोमा धन्यवाद

२०२६ अप्रिल १३

हामी तपाईंलाई क्षेत्रीय केन्द्रित नयाँ प्रार्थना यात्रामा आमन्त्रण गर्न पाउँदा उत्साहित छौं। प्रत्येक पटक दुई हप्ता सम्म, हामी काम गरिरहेको एउटा क्षेत्रमा ध्यान केन्द्रित गर्नेछौं ताकि तपाईंलाई त्यहाँ परमेश्वर के गरिरहनुभएको छ भन्ने कुरामा जोडिन सकियोस्। हामी प्रार्थनामा सँगै मिल्दा, हामी परमेश्वरले हामीले सोचेभन्दा वा मागेको भन्दा बढी गर्ने अपेक्षा राख्छौं। हरेक गाउँमा, जहाँसुकै चर्चको […]

Read