Prayer Fuel

प्रार्थना गर्नु भएकोमा धन्यवाद।

तपाईंको प्रार्थना समयको अधिकतम उपयोग गर्न, हामी तलको प्रार्थना चक्रको प्रयोग गर्न सल्लाह दिन्छौं। यो मोडेल (नमूना) केवल टि टि आइको प्रार्थनाको समर्थनमा मात्र नभइ तपाईंको दैनिक प्रार्थनाको जीवनको लागि महत्वपुर्ण उपकरणको रुपमा तयार गरिएको हो। हामी आशा गर्छौं कि तपाईंलाई यो टेम्पलेट उपयोगी र अनुकूलनीय लाग्नेछ।

यस प्रार्थना चक्रको तल तपाईंले सम्बन्धित धर्मशास्त्र र प्रार्थनाका विषयहरू पाउनुहुनेछ।

प्रशंसा र धन्यवाद

सधैँ आनन्दित रहो, निरन्तर प्रार्थना गरिरहो, हरेक परिस्थितिमा धन्यवाद देओ; किनकि ख्रीष्‍ट येशूमा तिमीहरूको लागि परमेश्‍वरको इच्छा यही हो।”- 1 थेसलोनिकी 5:16-18

केही समय लिनुहोस् र परमेश्‍वरलाई उहाँ को हुनुहुन्छ, उहाँले के गर्नुभयो र संसारमा उहाँले के गर्दै हुनुहुन्छ भनेर धन्यवाद दिनुहोस्।

इजेरियामा नयाँ क्षेत्रमा मण्डली स्थापना बढ्दै गएको, नयाँ विश्वासी थपिँदै गएको र उहाँको कामको वृद्धि, प्रभाव र स्थापना भइरहेकोमा परमेश्वरलाई धन्यवाद।
कङ्गो गणतन्त्रमा सुरु भएको नयाँ तालिम सत्रका लागि परमेश्वरलाई महिमा भएको होस्। उत्तर क्षेत्रमा तीन वटा मण्डली स्थापना भएका छन् र परमेश्वरले अद्भुत फल दिनु हुँदैछ। उहाँको महिमाका लागि स्वस्थ मण्डलीहरू वृद्धि हुँदै जाऊन् भनी प्रार्थना गरौं।
दक्षिण एसियाका रातो र पहेंलो गाउँहरूमा नयाँ मण्डलीहरू स्थापना भएकोमा प्रभु येशूलाई धन्यवाद भएको होस्। परमेश्वरको अनुग्रहले मानिसहरूले पहिलो पटक येशू ख्रीष्टलाई आफ्नो जीवनमा पाएका छन् र कहिल्यै सुसमाचार नसुनेका गाउँहरूले सुसमाचार पाउँदैछन्।
पाकिस्तानमा सफल र फलदायी राष्ट्रिय नेतृत्व बैठक सम्पन्न भएकोमा प्रभुलाई धन्यवाद। यसले उक्त टोलीलाई उत्साहित बनाएको छ र सुसमाचारलाई अघि बढाउन अझ प्रेरित गरेको छ। येशूलाई पछ्याउने र अप्ठ्यारो अवस्थामा पनि मूल्य चुकाएर विश्वासी रहने पाकिस्तानका दाजुभाइ दिदीबहिनीहरूका लागि प्रभुलाई धन्यवाद।
दक्षिण सुडानको टोलीसँगै हामी पनि परमेश्वर प्रति कृतज्ञतामा सहभागी बनौं, जो महान् आज्ञाको काम गर्न पाउँदा अत्यन्तै आनन्दित छन्। उनीहरू देशभर सेवा गर्न पाउँदा प्रार्थना र सहयोगका लागि धेरै आभारी छन्। प्रभु येशू ख्रीष्टको भलाइ र प्रेमका लागि उहाँलाई धन्यवाद चढ़ाऔ।

पाप स्वीकारोक्‍ति र पश्‍चताप

“सबै कुराभन्‍दा बढी, आफ्‍नो हृदयलाई सुरक्षित राख्, किनभने त्‍यो सारा जीवनको मूल हो।“ – हितोपदेश ४:२३

केही समय निकालेर आफ्ना विचार, कार्य, इच्छाहरू, व्यवहार, र जीवनशैलीको सुचीगत मूल्यांकन गर्नुहोस्। के तपाईंको जीवनमा कुनै नस्वीकारिएको वा अप्रायश्चित पाप छन्? परमेश्वरलाई तपाईंको हृदय जाँच्न दिनुहोस् र अगाडि बढ्नु अघि प्रतिक्रिया दिनुहोस्।

व्यक्तिगत नेवेदन

”कुनै कुरामा चिन्‍तित नहोओ, तर हरेक कुरामा प्रार्थना र निवेदनद्वारा धन्‍यवादसहित तिमीहरूका बिन्‍ती परमेश्‍वरमा जाहेर होऊन्, र समझले नै भियाउन नसकिने परमेश्‍वरको शान्‍तिले तिमीहरूका हृदय र तिमीहरूका मनलाई येशूमा रक्षा गर्नेछ।“ – फिलिप्पी ४:६-७

आफ्ना व्यक्तिगत अर्जीहरू प्रभुको अगाडि ल्याउनको लागि केही समय खर्चिनुहोस्, यसो गर्दैगर्दा तपाईंले परमेश्‍वरलाई आफ्नो हृदयउहाँको हृदको नजिक हुन र उहाँले गहिरोसँग वास्ता गर्ने कुराहरूको बोझ तपाईंको हृदयमा राखिदिनुहुन विन्ति गर्नुहोस्।

मधयस्थताको लागि

”सर्वप्रथम म आग्रह गर्दछु, कि सबै मानिसहरूका निम्‍ति नम्र-निवेदन, प्रार्थना र मध्‍यस्‍थ-बिन्‍ती र धन्‍यवाद चढ़ाइऊन्” – तिमोथी २:१
टि टि आइसँग विश्‍वभरि सेवाकाई गरिरहनुभएका हाम्रा दाजुभाइ तथा दिदीबहिनीहरूका तर्फबाट मधय्स्थता गर्नुहोस्:

म्रो Strategy & Expansion (रणनीति र विस्तार) का VP फ्रेजी सरको लागि प्रार्थना गरौं, उहाँको ग्रीन कार्ड प्रक्रिया छिटो र सहज रूपमा पूरा हुन सकोस्, ताकि उहाँ महत्वपूर्ण नेतृत्व बैठकहरूका लागि स्वतन्त्र रूपमा यात्रा गर्न सक्नु हुनेछ। प्रत्येक चरणमा प्रभुको सुरक्षा, शान्ति र सिद्ध समय रहोस् साथै सेवामा कुनै बाधा नआओस्।
तान्जानियामा सञ्चालनमा रहेका तालिम केन्द्रहरूले निरन्तर प्रभुकों राज्यको फल फलाउन सकोस्। त्यहाँको सुसमाचार अभियानको समृद्ध इतिहासका लागि धन्यवाद र प्रभुले त्यहाँको काम अझ वृद्धि गर्नुभएको होस् भनी प्रार्थना गरौं।
परमेश्वरलाई धन्यवाद भएको होस्, लाओसमा ६३ जना “पावल”हरूले “तिमोथीहरू”लाई तालिम दिइरहेका छन्। यी अगुवाहरूले सही व्यक्तिहरूलाई छनोट गर्न सक्नुभएको होस् र प्रभुले उनीहरूको सेवाकाई वृद्धि गर्नुभएको होस् । लाओसका चेला बनाउनेहरूले सुसमाचार नपुगेको स्थान र मानिसहरूसम्म सुसमाचार पुर्‍याउन सकून् भनी प्रार्थना गरौं।
TTI पाकिस्तानको सम्पूर्ण टोलीका लागि परमेश्वरको मार्गदर्शन, आत्मामा स्थिर एकता र नयाँ शक्ति प्राप्त होस् भनी प्रार्थना गरौं। उनीहरू स्वर्ग राज्य केन्द्रित रहून् र देशका मुस्लिम समुदायहरू बीच सुसमाचार प्रशस्त रूपमा फैलियोस् भनी प्रार्थना गरौ।
दक्षिण एसियामा सरकारी विरोधका कारण प्रवेश गर्न कठिन भएका गाउँहरू पुन खुल्न सकेको होस् भनी प्रार्थना गरौं। प्रभुले अधिकारी व्यक्तिहरूका हृदय नरम बनाउनु भएको होस् र डर वा धम्कीको बीचमा पनि चेला बनाउनेहरू अटल रहन सकुन्।
हैटिको मण्डलीका लागि प्रार्थना गरौं, जहाँ डरले धेरै मानिसहरूलाई घेरेको छ। चेला बनाउनेहरू साहस, बुद्धि र सुरक्षाले भरिपूर्ण हुन सकेको होस्। सुसमाचारको आशाले त्यहाँका हजारौँ मानिसहरूको हृदय रूपान्तरण हुन सकोस्।
क्युबामा चेला बनाउनेहरूले परमेश्वरको कथा र आफ्नो व्यक्तिगत गवाही प्रभावकारी रूपमा बाँडिरन सकुन्। हप्तामा कम्तीमा सात पटक सुसमाचार बाँड्ने दर्शन अघि सारिएको छ—यसमा उनीहरू प्रतिबद्ध रहून्। पहिलो पटक सुसमाचार सुन्नेहरूले पश्चात्ताप गरी विश्वास गर्न सकेको होस् भनी प्रार्थना गरौ।
टोगोमा अगस्ट महिनामा हुने ACHIEVE सम्मेलनका लागि निरन्तर प्रार्थना गर्नुहोस्। आयोजक टोलीलाई परमेश्वरबाट मार्गदर्शन मिलोस्, सबै चुनौतीहरू पार गरी प्रभुले सबै आवश्यक्ताको व्यवस्था गरीदिनु भएको होस् । प्रभुले हाम्रो माग वा समझभन्दा धेरै काम गर्नु भएको होस् ।

मनन् र चिन्तन

“अन्‍त्‍यमा भाइ हो, जे कुरो सत्‍य छ, जे कुरो आदरणीय छ, जे कुरो न्‍यायसङ्गत छ, जे कुरो शुद्ध छ, जे कुरो प्रेम-योग्‍य छ, जे कुरो कृपामय छ, यदि केही श्रेष्‍ठता, प्रशंसाको योग्‍य केही छ भने यी नै कुराका विचार गर।“ – फिलिप्पी ४:८

तपाईंले पाठ गर्नुभएको धर्मशास्त्रका वचन र प्रार्थनामा केही बेर चिन्तन् गर्नुहोस्। परमेश्‍वरको आवजमा आफ्नो हृदय र मनलाई खोल्नुहोस्। यसो गर्दैगर्दा, आफैलाई सोध्नुहोस्: तपाईंको प्रार्थना र वचनद्वारा परमेश्‍वरले तपाईंलाई के भन्दै हुनुहुन्छ? यस अवस्थामा उहाँले तपाईलाई कसरी अगुवाइ अथवा प्रोत्साहन दिंदै हुनुहुन्छ?

तपाईंको प्रार्थनाको समय सकिनै लाग्‍दा, पुनः विश्‍वभरि परमेश्‍वरले गर्नुभएका कामको लागि उहाँलाई धन्यवाद दिनुहोस्।

Prayer Timer

(Prayer time: 15 min)

"Prayer is the mighty engine that is to move the missionary work." – A.B. Simpson

तपाइँको प्रार्थनालाई ईन्धनको मद्दत गर्न यी स्रोतहरू प्रयोग गर्नुहोस्।

प्रार्थना गर्नुभएकोमा धन्यवाद

२०२६ अप्रिल १३

हामी तपाईंलाई क्षेत्रीय केन्द्रित नयाँ प्रार्थना यात्रामा आमन्त्रण गर्न पाउँदा उत्साहित छौं। प्रत्येक पटक दुई हप्ता सम्म, हामी काम गरिरहेको एउटा क्षेत्रमा ध्यान केन्द्रित गर्नेछौं ताकि तपाईंलाई त्यहाँ परमेश्वर के गरिरहनुभएको छ भन्ने कुरामा जोडिन सकियोस्। हामी प्रार्थनामा सँगै मिल्दा, हामी परमेश्वरले हामीले सोचेभन्दा वा मागेको भन्दा बढी गर्ने अपेक्षा राख्छौं। हरेक गाउँमा, जहाँसुकै चर्चको […]

Read