Prayer Fuel

प्रार्थनागर्नुभएकोमाधन्यवाद।

तपाईंको प्रार्थना समयको अधिकतम उपयोग गर्न, हामी तलको प्रार्थना चक्रको प्रयोग गर्न सल्लाह दिन्छौं। यो मोडेल (नमूना) केवल टि टि आइको प्रार्थनाको समर्थनमा मात्र नभइ तपाईंको दैनिक प्रार्थनाको जीवनको लागि महत्वपुर्ण उपकरणको रुपमा तयार गरिएको हो। हामी आशा गर्छौं कि तपाईंलाई यो टेम्पलेट उपयोगी र अनुकूलनीय लाग्नेछ।

यस प्रार्थना चक्रको तल तपाईंले सम्बन्धित धर्मशास्त्र र प्रार्थनाका विषयहरू पाउनुहुनेछ।

प्रशंसा र धन्यवाद-3 मिनेट

सधैँ आनन्दित रहो, निरन्तर प्रार्थना गरिरहो, हरेक परिस्थितिमा धन्यवाद देओ; किनकि ख्रीष्‍ट येशूमा तिमीहरूको लागि परमेश्‍वरको इच्छा यही हो।”- 1 थेसलोनिकी 5:16-18

केही समय लिनुहोस् र परमेश्‍वरलाई उहाँ को हुनुहुन्छ, उहाँले के गर्नुभयो र संसारमा उहाँले के गर्दै हुनुहुन्छ भनेर धन्यवाद दिनुहोस्।

गाबोन, क्यामरुन, माली, चाड र सिएरा लिओनमा सम्पन्न भएको पावलहरू प्रशिक्षणका लागि परमेश्वरलाई धन्यवाद दिनुहोस्। प्रार्थना गर्नुहोस् कि पावलहरूले प्राप्त गरेका सबै ज्ञान र अन्तर्दृष्टि तिनका चेलाहरूमा हस्तान्तरण होस्, जसले स्वस्थ चेलाहरू, चर्चहरू र नेताहरूको निर्माण गराउन सकोस्।
दक्षिणपूर्वी एसियाको सुरक्षा संवेदनशील देशमा हालैको सेवाकर्म समूहबाट स्थापना गरिएका पहिलो र दोस्रो पुस्ताका चर्चहरूको लागि परमेश्वरलाई प्रशंसा गर्नुहोस्।
संयुक्त राज्य अमेरिकामा नयाँ प्रशिक्षण केन्द्रको लागि धन्यवाद दिनुहोस्, जहाँ सबै २५ तिमोथीहरूले आफ्नो पहिलो केहि हप्तामा कम्तीमा एक व्यक्तिलाई ख्रीष्टमा ल्याएका छन्। यी नयाँ विश्वासिहरू चाँडै गुणात्मक रूपमा वृद्धि होस् र नयाँ चर्चहरू सुरु गरून् भन्ने प्रार्थना गर्नुहोस्। कृपया ती पावलहरूको स्थायित्वको लागि पनि प्रार्थना गर्नुहोस्, जो यस प्रक्रियामा प्रतिबद्ध छन्।

पाप स्वीकारोक्‍ति र पश्‍चताप- 3 मिनेट

केही समय निकालेर आफ्ना विचार, कार्य, इच्छाहरू, व्यवहार, र जीवनशैलीको सुचीगत मूल्यांकन गर्नुहोस्। के तपाईंको जीवनमा कुनै नस्वीकारिएको वा अप्रायश्चित पाप छन्? परमेश्वरलाई तपाईंको हृदय जाँच्न दिनुहोस् र अगाडि बढ्नु अघि प्रतिक्रिया दिनुहोस्।

व्यक्तिगत नेवेदन- 3 मिनेट

“माग, त तिमीहरूलाई दिइनेछ, खोज त तिमीहरूले भेट्टाउनेछौ, ढकढक्याओ त तिमीहरूका निम्ति उघारिनेछ। किनकि जसले माग्छ, त्यसले पाँउछ जसले खोज्छ, त्यसले भेट्टाउँछ, अनि जसले ढकढक्याउँछ, त्यसका निम्ति ढोका उघारिनेछ।”

आफ्ना व्यक्तिगत अर्जीहरू प्रभुको अगाडि ल्याउनको लागि केही समय खर्चिनुहोस्, यसो गर्दैगर्दा तपाईंले परमेश्‍वरलाई आफ्नो हृदयउहाँको हृदको नजिक हुन र उहाँले गहिरोसँग वास्ता गर्ने कुराहरूको बोझ तपाईंको हृदयमा राखिदिनुहुन विन्ति गर्नुहोस्।

मधयस्थताको लागि – 3 मिनेट

टि टि आइसँग विश्‍वभरि सेवाकाई गरिरहनुभएका हाम्रा दाजुभाइ तथा दिदीबहिनीहरूका तर्फबाट मधय्स्थता गर्नुहोस्:

कृपया मेक्सिकोमा सर्कल अफ साइलेंस क्षेत्रको नयाँ कार्यको लागि प्रार्थना गर्नुहोस्, जुन देशको सबैभन्दा अप्राप्त मानिसहरूको क्षेत्र हो।
गाम्बियामा हाम्रा सेवाकर्म नेताहरूका लागि प्रार्थना गर्नुहोस्, जसले ७० नयाँ प्रशिक्षण केन्द्रहरूको सुरु गर्ने तयारी गर्दैछन्।
जापानमा १२०,००,००० भन्दा बढी मानिसहरू अप्राप्त छन्। यो जनसंख्याको ९७.९% हो।
कृपया एक जोनल नेताका लागि प्रार्थना गर्नुहोस्, जसको परिवार दक्षिण एसियाको सुरक्षा संवेदनशील देशमा विभिन्न अत्याचारहरूको सामना गर्दैछ।
एथियोपियामा प्रत्येक गाउँमा एक चर्च स्थापना गर्ने लक्ष्यको साथ हामी देशमा कठिनाइहरूको सामना गर्दैछौं। कृपया ती क्षेत्रहरूको लागि प्रार्थना गर्नुहोस् जहाँ विद्रोहीहरूले आतंक मच्चाइरहेका छन्, सम्पत्ति लुटिरहेका छन्, अपहरण गर्दैछन्, र घरहरू जलाइरहेका छन् जसमा मानिसहरू भित्र छन्। तिमोथीहरू यस्ता तीन क्षेत्रहरूमा काम गर्दैछन्, कतिपयले आक्रमणबाट बच्नका लागि झाडीहरूमा लुकेका छन्। कृपया प्रार्थना गर्नुहोस् कि परमेश्वर तिनीहरुमा दया गर्नुहोस् र यी अस्थिर क्षेत्रहरूमा शान्ति फर्कियोस्।

मनन् र चिन्तन

तपाईंले पाठ गर्नुभएको धर्मशास्त्रका वचन र प्रार्थनामा केही बेर चिन्तन् गर्नुहोस्। परमेश्‍वरको आवजमा आफ्नो हृदय र मनलाई खोल्नुहोस्। यसो गर्दैगर्दा, आफैलाई सोध्नुहोस्: तपाईंको प्रार्थना र वचनद्वारा परमेश्‍वरले तपाईंलाई के भन्दै हुनुहुन्छ? यस अवस्थामा उहाँले तपाईलाई कसरी अगुवाइ अथवा प्रोत्साहन दिंदै हुनुहुन्छ?

तपाईंको प्रार्थनाको समय सकिनै लाग्‍दा, पुनः विश्‍वभरि परमेश्‍वरले गर्नुभएका कामको लागि उहाँलाई धन्यवाद दिनुहोस्।

Prayer Timer

(Prayer time: 15 min)

"Prayer is the mighty engine that is to move the missionary work." – A.B. Simpson

तपाइँको प्रार्थनालाई ईन्धनको मद्दत गर्न यी स्रोतहरू प्रयोग गर्नुहोस्।

प्रार्थना गर्नुभएकोमा धन्यवाद

२०२६ अप्रिल १३

हामी तपाईंलाई क्षेत्रीय केन्द्रित नयाँ प्रार्थना यात्रामा आमन्त्रण गर्न पाउँदा उत्साहित छौं। प्रत्येक पटक दुई हप्ता सम्म, हामी काम गरिरहेको एउटा क्षेत्रमा ध्यान केन्द्रित गर्नेछौं ताकि तपाईंलाई त्यहाँ परमेश्वर के गरिरहनुभएको छ भन्ने कुरामा जोडिन सकियोस्। हामी प्रार्थनामा सँगै मिल्दा, हामी परमेश्वरले हामीले सोचेभन्दा वा मागेको भन्दा बढी गर्ने अपेक्षा राख्छौं। हरेक गाउँमा, जहाँसुकै चर्चको […]

Read