Prayer Fuel

प्रार्थना गर्नु भएकोमा धन्यवाद।

तपाईंको प्रार्थना समयको अधिकतम उपयोग गर्न, हामी तलको प्रार्थना चक्रको प्रयोग गर्न सल्लाह दिन्छौं। यो मोडेल (नमूना) केवल टि टि आइको प्रार्थनाको समर्थनमा मात्र नभइ तपाईंको दैनिक प्रार्थनाको जीवनको लागि महत्वपुर्ण उपकरणको रुपमा तयार गरिएको हो। हामी आशा गर्छौं कि तपाईंलाई यो टेम्पलेट उपयोगी र अनुकूलनीय लाग्नेछ।

यस प्रार्थना चक्रको तल तपाईंले सम्बन्धित धर्मशास्त्र र प्रार्थनाका विषयहरू पाउनुहुनेछ।

प्रशंसा र धन्यवाद-3 मिनेट

सधैँ आनन्दित रहो, निरन्तर प्रार्थना गरिरहो, हरेक परिस्थितिमा धन्यवाद देओ; किनकि ख्रीष्‍ट येशूमा तिमीहरूको लागि परमेश्‍वरको इच्छा यही हो।”- 1 थेसलोनिकी 5:16-18

केही समय लिनुहोस् र परमेश्‍वरलाई उहाँ को हुनुहुन्छ, उहाँले के गर्नुभयो र संसारमा उहाँले के गर्दै हुनुहुन्छ भनेर धन्यवाद दिनुहोस्।

केन्यामा “ट्रेनिङ अफ ट्रेनर्स” (प्रशिक्षकहरूको प्रशिक्षण) भेला सफलतापुर्वक सम्पन्न भएको लागि परमेश्वरलाई धन्यवाद दिनुहोस्। प्रार्थना गरौं कि धेरै पावल र तिमोथीहरू प्रभुबाट अगुवाइ पाउँदै रातो र पहेँलो गाउँहरूमा मण्डली स्थापना गर्न अगाडि बढून्।
कम्बोडियाका रातो र पहेँलो गाउँहरूमा नवस्थापित मण्डलीहरूको लागि परमेश्वरलाई धन्यवाद दिनुहोस्। उनीहरुको निरन्तर वृद्धिका लागि प्रार्थना गरौं!
दक्षिण एशियाको एक देशमा नयाँ क्षेत्रीय अगुवाहरूलाई खडा गर्नु भएकोमा परमेश्वरलाई धन्यवाद, जसले चेलापन र मण्डली स्थापनामा गहिरो प्रतिबद्धता देखाएका छन्। उनीहरूले सेवकाईका नयाँ जिम्मेवारीहरु असल प्रकारले निभाउन सकून् भनेर प्रार्थना गरौं।

पाप स्वीकारोक्‍ति र पश्‍चताप- 3 मिनेट

“सबै कुराभन्‍दा बढी, आफ्‍नो हृदयलाई सुरक्षित राख्, किनभने त्‍यो सारा जीवनको मूल हो।“ – हितोपदेश ४:२३

केही समय निकालेर आफ्ना विचार, कार्य, इच्छाहरू, व्यवहार, र जीवनशैलीको सुचीगत मूल्यांकन गर्नुहोस्। के तपाईंको जीवनमा कुनै नस्वीकारिएको वा अप्रायश्चित पाप छन्? परमेश्वरलाई तपाईंको हृदय जाँच्न दिनुहोस् र अगाडि बढ्नु अघि प्रतिक्रिया दिनुहोस्।

व्यक्तिगत नेवेदन- 3 मिनेट

”कुनै कुरामा चिन्‍तित नहोओ, तर हरेक कुरामा प्रार्थना र निवेदनद्वारा धन्‍यवादसहित तिमीहरूका बिन्‍ती परमेश्‍वरमा जाहेर होऊन्, र समझले नै भियाउन नसकिने परमेश्‍वरको शान्‍तिले तिमीहरूका हृदय र तिमीहरूका मनलाई येशूमा रक्षा गर्नेछ।“ – फिलिप्पी ४:६-७

आफ्ना व्यक्तिगत अर्जीहरू प्रभुको अगाडि ल्याउनको लागि केही समय खर्चिनुहोस्, यसो गर्दैगर्दा तपाईंले परमेश्‍वरलाई आफ्नो हृदयउहाँको हृदको नजिक हुन र उहाँले गहिरोसँग वास्ता गर्ने कुराहरूको बोझ तपाईंको हृदयमा राखिदिनुहुन विन्ति गर्नुहोस्।

मधयस्थताको लागि – 3 मिनेट

”सर्वप्रथम म आग्रह गर्दछु, कि सबै मानिसहरूका निम्‍ति नम्र-निवेदन, प्रार्थना र मध्‍यस्‍थ-बिन्‍ती र धन्‍यवाद चढ़ाइऊन्” – तिमोथी २:१
टि टि आइसँग विश्‍वभरि सेवाकाई गरिरहनुभएका हाम्रा दाजुभाइ तथा दिदीबहिनीहरूका तर्फबाट मधय्स्थता गर्नुहोस्:

दक्षिण एशियाको एक विवादित क्षेत्रमा हालैको आतंकवादी आक्रमणले तनावपूर्ण अवस्था बनाएको छ। प्रार्थना गरौं कि यस क्षेत्रमा सुसमाचारका लागि ढोका खुलोस् र अन्धकारमा ज्योति चम्कोस्! डर र अनिश्चितताको बीचमा पनि मण्डली स्थापकहरु साहसी बनून् भनेर प्रार्थना गरौं।
एक दक्षिणपूर्वी एसियाली देशमा सतावट र कानुनी प्रतिबन्धको बीचमा पनि मण्डलीहरु बढिरहेकोमा प्रार्थना गरौं। विश्वासीहरूले पवित्र आत्माद्वारा सान्त्वना पाउन् र सुसमाचार प्रचारमा सामर्थ पाउन सकून् भनेर प्रार्थना गरौं।
केन्या र युगाण्डाको सिमानामा रहेका एक अप्राप्त समुदायमा सुसमाचार सुनाउने योजना बनाइरहेका TTI का मण्डली स्थापक एक सेवक र उनका शिष्यहरूका लागि प्रार्थना गरौं।
लाइबेरियाको ग्रामीण क्षेत्रमा रहेका मण्डली स्थापकहरु एक पन्थद्वारा लक्षित भइरहेका छन्। नयाँ विश्वासीहरूलाई गलत शिक्षामा फसाउने प्रयास भइरहेको छ। तिनीहरूको सुरक्षा र परमेश्वरको वचन नै उनीहरूको दृढ आधार होस् भनेर प्रार्थना गरौं।
दक्षिण एशियाको एक देशमा गत साता रातो र पहेँलो गाउँहरूमा रोपिएका २२ मण्डलीहरूको लागि प्रार्थना गरौं। यी नयाँ विश्वासीहरूले आफ्ना जीवनमा पवित्र आत्माको सामर्थ र उपस्थितिको अनुभव गरून् भनेर प्रार्थना गरौं।

मनन् र चिन्तन

“अन्‍त्‍यमा भाइ हो, जे कुरो सत्‍य छ, जे कुरो आदरणीय छ, जे कुरो न्‍यायसङ्गत छ, जे कुरो शुद्ध छ, जे कुरो प्रेम-योग्‍य छ, जे कुरो कृपामय छ, यदि केही श्रेष्‍ठता, प्रशंसाको योग्‍य केही छ भने यी नै कुराका विचार गर।“ – फिलिप्पी ४:८

तपाईंले पाठ गर्नुभएको धर्मशास्त्रका वचन र प्रार्थनामा केही बेर चिन्तन् गर्नुहोस्। परमेश्‍वरको आवजमा आफ्नो हृदय र मनलाई खोल्नुहोस्। यसो गर्दैगर्दा, आफैलाई सोध्नुहोस्: तपाईंको प्रार्थना र वचनद्वारा परमेश्‍वरले तपाईंलाई के भन्दै हुनुहुन्छ? यस अवस्थामा उहाँले तपाईलाई कसरी अगुवाइ अथवा प्रोत्साहन दिंदै हुनुहुन्छ?

तपाईंको प्रार्थनाको समय सकिनै लाग्‍दा, पुनः विश्‍वभरि परमेश्‍वरले गर्नुभएका कामको लागि उहाँलाई धन्यवाद दिनुहोस्।

Prayer Timer

(Prayer time: 15 min)

"Prayer is the mighty engine that is to move the missionary work." – A.B. Simpson

तपाइँको प्रार्थनालाई ईन्धनको मद्दत गर्न यी स्रोतहरू प्रयोग गर्नुहोस्।

प्रार्थना गर्नुभएकोमा धन्यवाद

२०२६ अप्रिल १३

हामी तपाईंलाई क्षेत्रीय केन्द्रित नयाँ प्रार्थना यात्रामा आमन्त्रण गर्न पाउँदा उत्साहित छौं। प्रत्येक पटक दुई हप्ता सम्म, हामी काम गरिरहेको एउटा क्षेत्रमा ध्यान केन्द्रित गर्नेछौं ताकि तपाईंलाई त्यहाँ परमेश्वर के गरिरहनुभएको छ भन्ने कुरामा जोडिन सकियोस्। हामी प्रार्थनामा सँगै मिल्दा, हामी परमेश्वरले हामीले सोचेभन्दा वा मागेको भन्दा बढी गर्ने अपेक्षा राख्छौं। हरेक गाउँमा, जहाँसुकै चर्चको […]

Read