Prayer Fuel

प्रार्थना गर्नु भएकोमा धन्यवाद।

तपाईंको प्रार्थना समयको अधिकतम उपयोग गर्न, हामी तलको प्रार्थना चक्रको प्रयोग गर्न सल्लाह दिन्छौं। यो मोडेल (नमूना) केवल टि टि आइको प्रार्थनाको समर्थनमा मात्र नभइ तपाईंको दैनिक प्रार्थनाको जीवनको लागि महत्वपुर्ण उपकरणको रुपमा तयार गरिएको हो। हामी आशा गर्छौं कि तपाईंलाई यो टेम्पलेट उपयोगी र अनुकूलनीय लाग्नेछ।

यस प्रार्थना चक्रको तल तपाईंले सम्बन्धित धर्मशास्त्र र प्रार्थनाका विषयहरू पाउनुहुनेछ।

प्रशंसा र धन्यवाद – 3 मिनेट

सधैँ आनन्दित रहो, निरन्तर प्रार्थना गरिरहो, हरेक परिस्थितिमा धन्यवाद देओ; किनकि ख्रीष्‍ट येशूमा तिमीहरूको लागि परमेश्‍वरको इच्छा यही हो।”- 1 थेसलोनिकी 5:16-18

केही समय लिनुहोस् र परमेश्‍वरलाई उहाँ को हुनुहुन्छ, उहाँले के गर्नुभयो र संसारमा उहाँले के गर्दै हुनुहुन्छ भनेर धन्यवाद दिनुहोस्।

दक्षिण एसियाको एक देशमा सफल “ट्रेनिङ अफ ट्रेनर्स” (TOT) सम्पन्न भएकोमा परमेश्वरलाई धन्यवाद! परमेश्वरको अनुग्रहले यी चेला निर्माणकर्ताहरू बाइबलका बचन सिकाउन र येशूको कथा बाँड्न अझ सक्षम हुँदै गएका छन्।
दक्षिण पूर्वी एसियाको एक देशमा नयाँ मण्डलीहरू स्थापना भएकोमा प्रभु येशूलाई धन्यवाद । यी नयाँ विश्वासीहरूलाई परमेश्वरले बलियो र हिम्मतिलो बनाउनुभएको होस् र उहाँको निम्ति दृढ भएर उभिन सकून्।
तान्जानियामा एक जना सेवकाईका अगुवा मोटरसाइकल दुर्घटनामा पर्नु भएता पनि सुरक्षित हुनुभएको र निको हुँदै जानुभएकोमा परमेश्वरलाई धन्यवाद!
क्यामरूनमा रहेका वर्तमान चेला निर्माणकर्ताहरूको समूह र उनीहरूको प्रशिक्षण तथा चेलाहरुको प्रशिक्षण तर्फको प्रतिबद्धताका लागि परमेश्वरलाई धन्यवाद। उनीहरू एकता र हिम्मतमा बढन् सकुन् भनेर प्रार्थना गर्नुहोस्।
दक्षिण एसियाको एक क्षेत्रमा थप शान्ति र स्थिरता आएकोमा येशूलाई धन्यवाद। प्रभुका चेला निर्माणकर्ताहरू र मण्डली स्थापकहरुले प्रभावकारी रूपमा सेवा जारी राख्न पाएकोमा उहाँलाई धन्यवाद!

पाप स्वीकारोक्‍ति र पश्‍चताप – 3 मिनेट

“सबै कुराभन्‍दा बढी, आफ्‍नो हृदयलाई सुरक्षित राख्, किनभने त्‍यो सारा जीवनको मूल हो।“ – हितोपदेश ४:२३

केही समय निकालेर आफ्ना विचार, कार्य, इच्छाहरू, व्यवहार, र जीवनशैलीको सुचीगत मूल्यांकन गर्नुहोस्। के तपाईंको जीवनमा कुनै नस्वीकारिएको वा अप्रायश्चित पाप छन्? परमेश्वरलाई तपाईंको हृदय जाँच्न दिनुहोस् र अगाडि बढ्नु अघि प्रतिक्रिया दिनुहोस्।

व्यक्तिगत नेवेदन – 3 मिनेट

”कुनै कुरामा चिन्‍तित नहोओ, तर हरेक कुरामा प्रार्थना र निवेदनद्वारा धन्‍यवादसहित तिमीहरूका बिन्‍ती परमेश्‍वरमा जाहेर होऊन्, र समझले नै भियाउन नसकिने परमेश्‍वरको शान्‍तिले तिमीहरूका हृदय र तिमीहरूका मनलाई येशूमा रक्षा गर्नेछ।“ – फिलिप्पी ४:६-७

आफ्ना व्यक्तिगत अर्जीहरू प्रभुको अगाडि ल्याउनको लागि केही समय खर्चिनुहोस्, यसो गर्दैगर्दा तपाईंले परमेश्‍वरलाई आफ्नो हृदयउहाँको हृदको नजिक हुन र उहाँले गहिरोसँग वास्ता गर्ने कुराहरूको बोझ तपाईंको हृदयमा राखिदिनुहुन विन्ति गर्नुहोस्।

मधयस्थताको लागि – 3 मिनेट

”सर्वप्रथम म आग्रह गर्दछु, कि सबै मानिसहरूका निम्‍ति नम्र-निवेदन, प्रार्थना र मध्‍यस्‍थ-बिन्‍ती र धन्‍यवाद चढ़ाइऊन्” – तिमोथी २:१
टि टि आइसँग विश्‍वभरि सेवाकाई गरिरहनुभएका हाम्रा दाजुभाइ तथा दिदीबहिनीहरूका तर्फबाट मधय्स्थता गर्नुहोस्:

बुर्किना फासोमा नयाँ प्रशिक्षण चक्र सुरु भएको छ। देशका धेरै चेला निर्माणकर्ताहरूले स्वस्थ मण्डली स्थापना गरुन् र प्रभुले आवश्यकताहरु प्रशस्त मात्रामा पूरा गर्नुभएको होस् भनेर प्रार्थना गर्नुहोस्।
दक्षिण पूर्वी एसियाको एक देशमा चेला निर्माणकर्ताहरूको आध्यात्मिक गहिराइ र परिपक्वताका लागि प्रार्थना गर्नुहोस्। उनीहरू येशूमा गहिरो रूपमा जरा गाडून् र स्वस्थ, पुन: उत्पादन हुने मण्डलीहरू स्थापना होउन्, जसले परमेश्वरको महिमा फैलाउँछ। यी मण्डलीहरू सुसमाचार नपुगेका जातिहरूमा पुगून् र अध्यारो ठाउँहरूमा येशूको प्रकाश चम्कन सकुन्।
लाओसका १४६ वटा सुसमाचार नपुगेका जातिहरूका लागि प्रार्थना गर्नुहोस्। दक्षिण पूर्वी एसियाको यो देशमा करिब २२ लाख मानिसहरूमा अझै सुसमाचार पुगेको छैन। परमेश्वरले तिनीहरूलाई उद्धार गर्नुभएको होस् भनेर प्रार्थना गर्नुहोस्।
तान्जानियाको जाञ्जिबारी स्वाहिली जातिको लागि प्रार्थना गर्नुहोस्। यो मुस्लिम समुदायमा हाल कुनै पनि चिनिएका विश्वासीहरू छैनन् र धेरै जना सुसमाचारको विरोधी छन्। यी ८ लाख मानिसहरूको जीवनमा येशू आफैं प्रकट हुनुभएको होस् भनेर प्रार्थना गर्नुहोस्।
नाइजेरियाका विश्वासीहरूका लागि प्रार्थना गर्नुहोस्, जहाँ हाल सतावट बढ्दै गएको छ। प्रभुले तिनीहरूलाई सुरक्षा दिनुभएको होस् र पवित्र आत्माको सान्त्वना यी कठिन समयमा तिनीहरूमा रहोस्।
एक सानो दक्षिण एसियाली देशका विश्वासीहरूका लागि प्रार्थना गर्नुहोस्, जहाँ सरकारले दैनिक रूपमा तिनीहरूलाई सताइरहेको छ। प्रभुले तिनीहरूलाई सुसमाचारको विरोधीहरूबाट मुक्ति दिनुभएको होस् र धेरै मानिसहरूलाई विश्वासमा ल्याउनु भएको होस्।
दक्षिण एसियाका रातो र पहेंलो गाउँहरूमा मण्डलीहरू स्थापना हुदै गएकोमा परमेश्वरलाई धन्यवाद । यी मण्डलीहरू बलियो बनून् र येशूमा स्थिर रहून् भनेर प्रार्थना गर्नुहोस्।
टोगो/बेनीनको “अचिभ” परियोजनाका लागि निरन्तर प्रार्थना गर्नुहोस्, जुन हालै सुरु भएको छ। आगामी दुई वर्षमा चेला निर्माणकर्ताहरूले १२,५०० मण्डली स्थापना गर्ने लक्ष्यमा छन्। परमेश्वरले उनीहरूलाई साहस र धैर्य दिनुभएको होस् भनेर प्रार्थना गर्नुहोस्।

मनन् र चिन्तन – 3 मिनेट

“अन्‍त्‍यमा भाइ हो, जे कुरो सत्‍य छ, जे कुरो आदरणीय छ, जे कुरो न्‍यायसङ्गत छ, जे कुरो शुद्ध छ, जे कुरो प्रेम-योग्‍य छ, जे कुरो कृपामय छ, यदि केही श्रेष्‍ठता, प्रशंसाको योग्‍य केही छ भने यी नै कुराका विचार गर।“ – फिलिप्पी ४:८

तपाईंले पाठ गर्नुभएको धर्मशास्त्रका वचन र प्रार्थनामा केही बेर चिन्तन् गर्नुहोस्। परमेश्‍वरको आवजमा आफ्नो हृदय र मनलाई खोल्नुहोस्। यसो गर्दैगर्दा, आफैलाई सोध्नुहोस्: तपाईंको प्रार्थना र वचनद्वारा परमेश्‍वरले तपाईंलाई के भन्दै हुनुहुन्छ? यस अवस्थामा उहाँले तपाईलाई कसरी अगुवाइ अथवा प्रोत्साहन दिंदै हुनुहुन्छ?

तपाईंको प्रार्थनाको समय सकिनै लाग्‍दा, पुनः विश्‍वभरि परमेश्‍वरले गर्नुभएका कामको लागि उहाँलाई धन्यवाद दिनुहोस्।

Prayer Timer

(Prayer time: 15 min)

"Prayer is the mighty engine that is to move the missionary work." – A.B. Simpson

तपाइँको प्रार्थनालाई ईन्धनको मद्दत गर्न यी स्रोतहरू प्रयोग गर्नुहोस्।

प्रार्थना गर्नुभएकोमा धन्यवाद

२०२६ अप्रिल १३

हामी तपाईंलाई क्षेत्रीय केन्द्रित नयाँ प्रार्थना यात्रामा आमन्त्रण गर्न पाउँदा उत्साहित छौं। प्रत्येक पटक दुई हप्ता सम्म, हामी काम गरिरहेको एउटा क्षेत्रमा ध्यान केन्द्रित गर्नेछौं ताकि तपाईंलाई त्यहाँ परमेश्वर के गरिरहनुभएको छ भन्ने कुरामा जोडिन सकियोस्। हामी प्रार्थनामा सँगै मिल्दा, हामी परमेश्वरले हामीले सोचेभन्दा वा मागेको भन्दा बढी गर्ने अपेक्षा राख्छौं। हरेक गाउँमा, जहाँसुकै चर्चको […]

Read