Prayer Fuel

प्रार्थना गर्नु भएकोमा धन्यवाद।

तपाईंको प्रार्थना समयको अधिकतम उपयोग गर्न, हामी तलको प्रार्थना चक्रको प्रयोग गर्न सल्लाह दिन्छौं। यो मोडेल (नमूना) केवल टि टि आइको प्रार्थनाको समर्थनमा मात्र नभइ तपाईंको दैनिक प्रार्थनाको जीवनको लागि महत्वपुर्ण उपकरणको रुपमा तयार गरिएको हो। हामी आशा गर्छौं कि तपाईंलाई यो टेम्पलेट उपयोगी र अनुकूलनीय लाग्नेछ।

यस प्रार्थना चक्रको तल तपाईंले सम्बन्धित धर्मशास्त्र र प्रार्थनाका विषयहरू पाउनुहुनेछ।

प्रशंसा र धन्यवाद – 3 मिनेट

सधैँ आनन्दित रहो, निरन्तर प्रार्थना गरिरहो, हरेक परिस्थितिमा धन्यवाद देओ; किनकि ख्रीष्‍ट येशूमा तिमीहरूको लागि परमेश्‍वरको इच्छा यही हो।”- 1 थेसलोनिकी 5:16-18

केही समय लिनुहोस् र परमेश्‍वरलाई उहाँ को हुनुहुन्छ, उहाँले के गर्नुभयो र संसारमा उहाँले के गर्दै हुनुहुन्छ भनेर धन्यवाद दिनुहोस्।

दक्षिण एसियाको एक राष्ट्रमा भएको प्रशिक्षण कार्यक्रम (Training of Trainers) शान्ति पुर्वक सम्पन्न भएकोमा परमेश्वरलाई धन्यवाद। राजनीतिक र धार्मिक तनाव जस्ता डरको बीचमा पनि प्रशिक्षणको समयमा परमेश्वरको सुरक्षाको लागि धन्यवाद!
विश्वभर रहेका हाम्रा फिल्ड प्रतिनिधिहरू (Field Representatives) लाई धन्यवाद, जसले लगातार चर्चहरू अवलोकन गर्दै सेवा गरिरहेका छन्। परमेश्वरले उनीहरूलाई सुरक्षा र आवश्यक धैर्यता दिनु भएकोमा धन्यवाद!
विश्वभर निर्माण भइरहेको टिमको लागि र साथै महान आज्ञा पुरा गर्न धेरैलाई नयाँ दर्शन दिइरहनु भएकोमा परमेश्वरलाई धन्यवाद ।
दक्षिण पूर्वी एसियाको एक देशमा ५० जना चेला निर्माणकर्ताहरु (Disciple Makers) उठाउनु भएकोमा प्रभुलाई धन्यवाद । येशू ख्रीष्टलाई धन्यवाद भएको होस्, उहाँले तिनीहरूलाई ती ठाउँहरूमा सुसमाचार लैजान सक्षम पार्नु भयो जहाँ कहिल्यै सुसमाचार पुगेको थिएन।
दक्षिण एसियाको एक राष्ट्रमा विभिन्न सेवकाईहरु (Ministries) बीचको सहकार्यको लागि परमेश्वरलाई धन्यवाद। जब व्यक्तिहरू र सेवाहरूले आफ्ना भिन्नताहरू छोडेर येशू र महान आज्ञालाई पुरा गर्नमा एकता खोज्छन्, त्यो अत्यन्तै सुन्दर देखिन्छ।

पाप स्वीकारोक्‍ति र पश्‍चताप – 3 मिनेट

“सबै कुराभन्‍दा बढी, आफ्‍नो हृदयलाई सुरक्षित राख्, किनभने त्‍यो सारा जीवनको मूल हो।“ – हितोपदेश ४:२३

केही समय निकालेर आफ्ना विचार, कार्य, इच्छाहरू, व्यवहार, र जीवनशैलीको सुचीगत मूल्यांकन गर्नुहोस्। के तपाईंको जीवनमा कुनै नस्वीकारिएको वा अप्रायश्चित पाप छन्? परमेश्वरलाई तपाईंको हृदय जाँच्न दिनुहोस् र अगाडि बढ्नु अघि प्रतिक्रिया दिनुहोस्।

व्यक्तिगत नेवेदन – 3 मिनेट

”कुनै कुरामा चिन्‍तित नहोओ, तर हरेक कुरामा प्रार्थना र निवेदनद्वारा धन्‍यवादसहित तिमीहरूका बिन्‍ती परमेश्‍वरमा जाहेर होऊन्, र समझले नै भियाउन नसकिने परमेश्‍वरको शान्‍तिले तिमीहरूका हृदय र तिमीहरूका मनलाई येशूमा रक्षा गर्नेछ।“ – फिलिप्पी ४:६-७

आफ्ना व्यक्तिगत अर्जीहरू प्रभुको अगाडि ल्याउनको लागि केही समय खर्चिनुहोस्, यसो गर्दैगर्दा तपाईंले परमेश्‍वरलाई आफ्नो हृदयउहाँको हृदको नजिक हुन र उहाँले गहिरोसँग वास्ता गर्ने कुराहरूको बोझ तपाईंको हृदयमा राखिदिनुहुन विन्ति गर्नुहोस्।

मधयस्थताको लागि – 3 मिनेट

”सर्वप्रथम म आग्रह गर्दछु, कि सबै मानिसहरूका निम्‍ति नम्र-निवेदन, प्रार्थना र मध्‍यस्‍थ-बिन्‍ती र धन्‍यवाद चढ़ाइऊन्” – तिमोथी २:१
टि टि आइसँग विश्‍वभरि सेवाकाई गरिरहनुभएका हाम्रा दाजुभाइ तथा दिदीबहिनीहरूका तर्फबाट मधय्स्थता गर्नुहोस्:

दक्षिण एसियाको एक राष्ट्रमा शान्ति, स्थिरता र धर्मी नेतृत्वको लागि प्रार्थना गरौं। परमेश्वर आफैले हस्तक्षेप गर्नुभएको होस् र त्यहाँको मण्डलीलाई उठाउनुभएको होस्, जसले न्याय, प्रबन्ध र आशा ल्याउन सकोस्।
दक्षिण पूर्वी एसियाको एक देशमा नयाँ चाला निर्माणकर्ताहरु (Disciple Makers) चिन्न, छान्न र तयार पार्नका लागि परमेश्वरबाटाको अगुवाई र ज्ञानका लागि प्रार्थना गरौं। परमेश्वरले समर्पित हृदय भएका विश्वासयोग्य अगुवाहरू दिनुभएको होस्।
नाइजेरियाको उत्तरतिर रहेका सुसमाचार नपुगेका जातिहरू (Unreached People Groups) का लागि प्रार्थना गरौं। तीमध्ये धेरै मुस्लिम समुदायका छन्, जो सुसमाचारको विरोधी छन्। परमेश्वरको प्रेम ती क्षेत्रमा ओर्लियोस् र धेरैले येशू ख्रीष्टमा विश्वास गरून् भनेर प्राथना गरौ।
इन्डोनेशियाका २३३ वटा सुसमाचार नपुगेका जातिहरूका लागि प्रार्थना गरौं। करिब २० करोड मानिसहरूलाई सुसमाचारमाको पहुँच छैन। परमेश्वरले यी २३३ वोटा जातिहरू माझ काम गर्न मानिसहरु पठाउनुभएको होस्।
मालीमा रहेका एक चर्च स्थापनाकर्ताका लागि प्राथना गरौ जो मलेरिया र टाइफाइडबाट पीडित छन्, उहाँको पूर्ण स्वास्थ्य लाभका लागि प्रार्थना गरौं। परमेश्वरले उहाँलाई निको पार्नुभएको होस्।
दक्षिण एसियाको एक राष्ट्रमा रहेका सेवक र चर्च स्थापनाकर्ताहरुक लागि प्रार्थना गरौं जो स्थानीय र सरकारी अधिकारीहरूबाट सतावट भोगिरहेका छन्, । परमेश्वर आफैँ उनीहरूको साथमा उभिनु भएकोहोस् र बलियो बनाउनुभएको होस्।
यसै महिनाको अन्त्यतिर केन्यामा हुन लागेको प्रशिक्षण कार्यक्रम (Training of Trainers) का लागि प्रार्थना गरौं। ACHIEVE दर्शन पुरा भएको देख्न पाउनेछन् र सफलतापूर्वक कार्यान्वयन गर्न सक्नेछन् भन्ने कुरामा टिम उत्साहित छन्।
दक्षिण एसियाको एक राष्ट्रमा भइरहेको ACHIEVE सेवाको लागि प्रार्थना गरौं। हालै धेरै मानिसहरूले येशूमा विश्वास गरेका छन् र बप्तिस्मा लिन योजना बनाइरहेका छन्। यस राष्ट्रमा दिनुभएको फलका लागि परमेश्वरलाई धन्यवाद!

मनन् र चिन्तन

“अन्‍त्‍यमा भाइ हो, जे कुरो सत्‍य छ, जे कुरो आदरणीय छ, जे कुरो न्‍यायसङ्गत छ, जे कुरो शुद्ध छ, जे कुरो प्रेम-योग्‍य छ, जे कुरो कृपामय छ, यदि केही श्रेष्‍ठता, प्रशंसाको योग्‍य केही छ भने यी नै कुराका विचार गर।“ – फिलिप्पी ४:८

तपाईंले पाठ गर्नुभएको धर्मशास्त्रका वचन र प्रार्थनामा केही बेर चिन्तन् गर्नुहोस्। परमेश्‍वरको आवजमा आफ्नो हृदय र मनलाई खोल्नुहोस्। यसो गर्दैगर्दा, आफैलाई सोध्नुहोस्: तपाईंको प्रार्थना र वचनद्वारा परमेश्‍वरले तपाईंलाई के भन्दै हुनुहुन्छ? यस अवस्थामा उहाँले तपाईलाई कसरी अगुवाइ अथवा प्रोत्साहन दिंदै हुनुहुन्छ?

तपाईंको प्रार्थनाको समय सकिनै लाग्‍दा, पुनः विश्‍वभरि परमेश्‍वरले गर्नुभएका कामको लागि उहाँलाई धन्यवाद दिनुहोस्।

Prayer Timer

(Prayer time: 15 min)

"Prayer is the mighty engine that is to move the missionary work." – A.B. Simpson

तपाइँको प्रार्थनालाई ईन्धनको मद्दत गर्न यी स्रोतहरू प्रयोग गर्नुहोस्।

प्रार्थना गर्नुभएकोमा धन्यवाद

२०२६ अप्रिल १३

हामी तपाईंलाई क्षेत्रीय केन्द्रित नयाँ प्रार्थना यात्रामा आमन्त्रण गर्न पाउँदा उत्साहित छौं। प्रत्येक पटक दुई हप्ता सम्म, हामी काम गरिरहेको एउटा क्षेत्रमा ध्यान केन्द्रित गर्नेछौं ताकि तपाईंलाई त्यहाँ परमेश्वर के गरिरहनुभएको छ भन्ने कुरामा जोडिन सकियोस्। हामी प्रार्थनामा सँगै मिल्दा, हामी परमेश्वरले हामीले सोचेभन्दा वा मागेको भन्दा बढी गर्ने अपेक्षा राख्छौं। हरेक गाउँमा, जहाँसुकै चर्चको […]

Read