Prayer Fuel

प्रार्थना गर्नु भएकोमा धन्यवाद।

तपाईंको प्रार्थना समयको अधिकतम उपयोग गर्न, हामी तलको प्रार्थना चक्रको प्रयोग गर्न सल्लाह दिन्छौं। यो मोडेल (नमूना) केवल टि टि आइको प्रार्थनाको समर्थनमा मात्र नभइ तपाईंको दैनिक प्रार्थनाको जीवनको लागि महत्वपुर्ण उपकरणको रुपमा तयार गरिएको हो। हामी आशा गर्छौं कि तपाईंलाई यो टेम्पलेट उपयोगी र अनुकूलनीय लाग्नेछ।

यस प्रार्थना चक्रको तल तपाईंले सम्बन्धित धर्मशास्त्र र प्रार्थनाका विषयहरू पाउनुहुनेछ।

प्रशंसा र धन्यवाद

सधैँ आनन्दित रहो, निरन्तर प्रार्थना गरिरहो, हरेक परिस्थितिमा धन्यवाद देओ; किनकि ख्रीष्‍ट येशूमा तिमीहरूको लागि परमेश्‍वरको इच्छा यही हो।”- 1 थेसलोनिकी 5:16-18

केही समय लिनुहोस् र परमेश्‍वरलाई उहाँ को हुनुहुन्छ, उहाँले के गर्नुभयो र संसारमा उहाँले के गर्दै हुनुहुन्छ भनेर धन्यवाद दिनुहोस्।

दक्षिण एशियाका रातो र पहेंलो गाउँहरूमा धेरै मण्डलीहरू स्थापना भएकोमा परमेश्वरको स्तुति गरौं।
दक्षिणपूर्वी एशियामा सुसमाचार सुनाउँदै र “चेलाले चेला बनाउने” दृष्टिकोण अरू पास्टरहरूलाई सुनाउने मण्डली स्थापनाकर्ताहरूको निष्ठा र प्रतिवद्धताको लागि येशू ख्रीष्टलाई धन्यवाद भएको होस् ।
संसारभरका चेला बनाउनेहरूलाई साथै जो ख्रीष्टियनहरू सतावटमा परिरहेका ठाउँहरूमा सेवा गर्दैछन्, उनीहरुको संरक्षणका लागि परमेश्वरको स्तुति गरौं।
पश्चिम अफ्रिकामा मण्डली स्थापना भएकोमा परमेश्वरको स्तुति गरौं। सबै “पावल”, “तिमोथी” र “तीतस” हरूलाई बुद्धि र साहससहित अगुवाइ गर्नुभएकोमा प्रभुलाई धन्यवाद।
पूर्वी अफ्रिकामा सुसमाचारको सत्यतालाई बङ्ग्याउने खतरनाक शिक्षाबाट मण्डलीलाई निरन्तर जोगाइरहनुभएकोमा येशू ख्रीष्टलाई धन्यवाद।

पाप स्वीकारोक्‍ति र पश्‍चताप

“सबै कुराभन्‍दा बढी, आफ्‍नो हृदयलाई सुरक्षित राख्, किनभने त्‍यो सारा जीवनको मूल हो।“ – हितोपदेश ४:२३

केही समय निकालेर आफ्ना विचार, कार्य, इच्छाहरू, व्यवहार, र जीवनशैलीको सुचीगत मूल्यांकन गर्नुहोस्। के तपाईंको जीवनमा कुनै नस्वीकारिएको वा अप्रायश्चित पाप छन्? परमेश्वरलाई तपाईंको हृदय जाँच्न दिनुहोस् र अगाडि बढ्नु अघि प्रतिक्रिया दिनुहोस्।

व्यक्तिगत नेवेदन

”कुनै कुरामा चिन्‍तित नहोओ, तर हरेक कुरामा प्रार्थना र निवेदनद्वारा धन्‍यवादसहित तिमीहरूका बिन्‍ती परमेश्‍वरमा जाहेर होऊन्, र समझले नै भियाउन नसकिने परमेश्‍वरको शान्‍तिले तिमीहरूका हृदय र तिमीहरूका मनलाई येशूमा रक्षा गर्नेछ।“ – फिलिप्पी ४:६-७

आफ्ना व्यक्तिगत अर्जीहरू प्रभुको अगाडि ल्याउनको लागि केही समय खर्चिनुहोस्, यसो गर्दैगर्दा तपाईंले परमेश्‍वरलाई आफ्नो हृदयउहाँको हृदको नजिक हुन र उहाँले गहिरोसँग वास्ता गर्ने कुराहरूको बोझ तपाईंको हृदयमा राखिदिनुहुन विन्ति गर्नुहोस्।

मधयस्थताको लागि

”सर्वप्रथम म आग्रह गर्दछु, कि सबै मानिसहरूका निम्‍ति नम्र-निवेदन, प्रार्थना र मध्‍यस्‍थ-बिन्‍ती र धन्‍यवाद चढ़ाइऊन्” – तिमोथी २:१
टि टि आइसँग विश्‍वभरि सेवाकाई गरिरहनुभएका हाम्रा दाजुभाइ तथा दिदीबहिनीहरूका तर्फबाट मधय्स्थता गर्नुहोस्:

यस महिना मेक्सिकोभर भइरहेका धेरै “प्रशिक्षकहरूको प्रशिक्षण” (Training of Trainers) बैठकहरूको लागि प्रार्थना गरौं। प्रार्थना गरौं कि मण्डली स्थापनाकर्ताहरूलाई पवित्र आत्माको मद्दतले हौसला, चुनौती, र अझ धेरै मण्डली स्थापनाकर्तारूलाई उठाउने दृढ संकल्प मिलोस्।
दक्षिण एशियाको एउटा मण्डलीमा हालै पाँच नयाँ परिवारहरू थपिएकोमा प्रार्थना गरौं। उनीहरू ख्रीष्टमा रहून् र फलदायी रहून्।
बंगलादेशका २७६ वोटा सुसमाचार नपुगेका जातिहरूको लागि प्रार्थना गरौं। यी १७२ मिलियन (१७.२ करोड) मानिसहरूलाई सुसमाचारको सन्देशमा कम वा कुनै पहुँच छैन। प्रभुले आफ्नो मण्डलीलाई यी समूहहरूमा पुग्न अगुवाइ गर्नु भएको होस्।
श्रीलङ्काका ६४ वोटा सुसमाचार नपुगेका जातिहरूको लागि प्रार्थना गरौं। यी ३.५ मिलियन (३५ लाख) मानिसहरूलाई सुसमाचारमा कम वा कुनै पहुँच छैन। राष्ट्रभरका चेला बनाउनेहरू यी समुदायहरूमा सुसमाचार सुनाउन प्रेरित हुन् भनेर प्रार्थना गरौं।
केन्द्रीय अफ्रिकामा मुस्लिम चरमपन्थीहरूको विरोधको सामना गर्दै कठोर परिश्रम गरिरहेका मण्डली स्थापनाकर्ताहरुको लागि प्रार्थना गरौं। पवित्र आत्माले तिनीहरूलाई बलियो पप्र्नु भएकोहोस् र “नरकका ढोकाले मण्डलीमाथि जित्ने छैनन्” भन्ने वचन सम्झाइराखून्।
पश्चिम अफ्रिकाका आतंकवाद धेरै हुने क्षेत्रमा शान्ति र सुरक्षाको लागि प्रार्थना गरौं। यी क्षेत्रमा मण्डली स्थापकहरुले काम गरिरहेका छन् र तपाईंको प्रार्थनाको आवश्यकता छ।
पूर्वी अफ्रिकामा हरेक गाउँमा मण्डली स्थापना गर्ने लक्ष्य बोकेर सेवा गरिरहेका मण्डली स्थापकहरुको लागि प्रार्थना गरौं। उनीहरू गाउँहरूको सर्वेक्षण गर्दै र रातो र पहेंलो गाउँहरूमा सुसमाचार लैजानका लागि चेला बनाउनेहरूलाई उठाइरहेका छन्।
परमेश्‍वरले पश्चिम अफ्रिकाभर अद्भुत रूपमा काम गरिरहनुभएको छ। यो क्षेत्रमा अझ धेरै राष्ट्रहरूले ACHIEVE रणनीति अंगाल्ने क्रममा प्रार्थना गरौं। मण्डली स्थापकहरु र चेला बनाउनेहरू हरेक गाउँमा, जहाँपनि, मण्डली स्थापना गर्ने दृष्टिकोणले भरून् भनेर प्रार्थना गरौं।

मनन् र चिन्तन

“अन्‍त्‍यमा भाइ हो, जे कुरो सत्‍य छ, जे कुरो आदरणीय छ, जे कुरो न्‍यायसङ्गत छ, जे कुरो शुद्ध छ, जे कुरो प्रेम-योग्‍य छ, जे कुरो कृपामय छ, यदि केही श्रेष्‍ठता, प्रशंसाको योग्‍य केही छ भने यी नै कुराका विचार गर।“ – फिलिप्पी ४:८

तपाईंले पाठ गर्नुभएको धर्मशास्त्रका वचन र प्रार्थनामा केही बेर चिन्तन् गर्नुहोस्। परमेश्‍वरको आवजमा आफ्नो हृदय र मनलाई खोल्नुहोस्। यसो गर्दैगर्दा, आफैलाई सोध्नुहोस्: तपाईंको प्रार्थना र वचनद्वारा परमेश्‍वरले तपाईंलाई के भन्दै हुनुहुन्छ? यस अवस्थामा उहाँले तपाईलाई कसरी अगुवाइ अथवा प्रोत्साहन दिंदै हुनुहुन्छ?

तपाईंको प्रार्थनाको समय सकिनै लाग्‍दा, पुनः विश्‍वभरि परमेश्‍वरले गर्नुभएका कामको लागि उहाँलाई धन्यवाद दिनुहोस्।

Prayer Timer

(Prayer time: 15 min)

"Prayer is the mighty engine that is to move the missionary work." – A.B. Simpson

तपाइँको प्रार्थनालाई ईन्धनको मद्दत गर्न यी स्रोतहरू प्रयोग गर्नुहोस्।

प्रार्थना गर्नुभएकोमा धन्यवाद

२०२६ अप्रिल १३

हामी तपाईंलाई क्षेत्रीय केन्द्रित नयाँ प्रार्थना यात्रामा आमन्त्रण गर्न पाउँदा उत्साहित छौं। प्रत्येक पटक दुई हप्ता सम्म, हामी काम गरिरहेको एउटा क्षेत्रमा ध्यान केन्द्रित गर्नेछौं ताकि तपाईंलाई त्यहाँ परमेश्वर के गरिरहनुभएको छ भन्ने कुरामा जोडिन सकियोस्। हामी प्रार्थनामा सँगै मिल्दा, हामी परमेश्वरले हामीले सोचेभन्दा वा मागेको भन्दा बढी गर्ने अपेक्षा राख्छौं। हरेक गाउँमा, जहाँसुकै चर्चको […]

Read