Prayer Fuel

प्रार्थना गर्नु भएकोमा धन्यवाद।

तपाईंको प्रार्थना समयको अधिकतम उपयोग गर्न, हामी तलको प्रार्थना चक्रको प्रयोग गर्न सल्लाह दिन्छौं। यो मोडेल (नमूना) केवल टि टि आइको प्रार्थनाको समर्थनमा मात्र नभइ तपाईंको दैनिक प्रार्थनाको जीवनको लागि महत्वपुर्ण उपकरणको रुपमा तयार गरिएको हो। हामी आशा गर्छौं कि तपाईंलाई यो टेम्पलेट उपयोगी र अनुकूलनीय लाग्नेछ।

यस प्रार्थना चक्रको तल तपाईंले सम्बन्धित धर्मशास्त्र र प्रार्थनाका विषयहरू पाउनुहुनेछ।

प्रशंसा र धन्यवाद

सधैँ आनन्दित रहो, निरन्तर प्रार्थना गरिरहो, हरेक परिस्थितिमा धन्यवाद देओ; किनकि ख्रीष्‍ट येशूमा तिमीहरूको लागि परमेश्‍वरको इच्छा यही हो।”- 1 थेसलोनिकी 5:16-18

केही समय लिनुहोस् र परमेश्‍वरलाई उहाँ को हुनुहुन्छ, उहाँले के गर्नुभयो र संसारमा उहाँले के गर्दै हुनुहुन्छ भनेर धन्यवाद दिनुहोस्।

नयाँ देशहरूमा नयाँ कामहरू भइरहेकोमा परमेश्वरको स्तुति गरौं। संसारभरि टि टि आइ द्वारा मण्डली स्थापनाको काम विस्तार भइरहेको छ!
विश्वासयोग्य अगुवाहरूलाई धन्यवाद दिऔं, जसले निरन्तर आफ्नो जीवन अर्पण गर्दै चेला बनाउने र चर्च स्थापना गर्ने अभियानलाई अघि बढाइरहनु भएको छ।
पहेँलो र रातो गाउँहरूमा स्थापना भएका नयाँ मण्डलीहरूको लागि परमेश्वरलाई स्तुति गरौं। उनीहरू ख्रीष्टमा स्थिर रहन र धेरै फलदायी हुन सकुन् भनेर प्रार्थना गरौं।
अगुवाहरूलाई भिजन बाँड्न र सहकार्य गर्न एकत्रित हुने अवसर पाएकोमा प्रभु येशूलाई धन्यवाद। महान् आज्ञा पूरा गर्न र प्रत्येक गाउँमा चर्च स्थापना भएको देख्न हामी सबैले आफ्नो जिम्मेवारी बमोजिम काम गर्न आवश्यक छ।
टि टि आइको कामको लागि विश्वासपूर्वक प्रार्थना गर्ने थप हृदयहरूलाई जोड्नु भएकोमा परमेश्वरको स्तुति गरौं। संसारभर प्रार्थना गर्ने योधाहरू उठाउनुभएकोमा प्रभु येशूलाई धन्यवाद भएको होस्।

पाप स्वीकारोक्‍ति र पश्‍चताप

“सबै कुराभन्‍दा बढी, आफ्‍नो हृदयलाई सुरक्षित राख्, किनभने त्‍यो सारा जीवनको मूल हो।“ – हितोपदेश ४:२३

केही समय निकालेर आफ्ना विचार, कार्य, इच्छाहरू, व्यवहार, र जीवनशैलीको सुचीगत मूल्यांकन गर्नुहोस्। के तपाईंको जीवनमा कुनै नस्वीकारिएको वा अप्रायश्चित पाप छन्? परमेश्वरलाई तपाईंको हृदय जाँच्न दिनुहोस् र अगाडि बढ्नु अघि प्रतिक्रिया दिनुहोस्।

व्यक्तिगत नेवेदन

”कुनै कुरामा चिन्‍तित नहोओ, तर हरेक कुरामा प्रार्थना र निवेदनद्वारा धन्‍यवादसहित तिमीहरूका बिन्‍ती परमेश्‍वरमा जाहेर होऊन्, र समझले नै भियाउन नसकिने परमेश्‍वरको शान्‍तिले तिमीहरूका हृदय र तिमीहरूका मनलाई येशूमा रक्षा गर्नेछ।“ – फिलिप्पी ४:६-७

आफ्ना व्यक्तिगत अर्जीहरू प्रभुको अगाडि ल्याउनको लागि केही समय खर्चिनुहोस्, यसो गर्दैगर्दा तपाईंले परमेश्‍वरलाई आफ्नो हृदयउहाँको हृदको नजिक हुन र उहाँले गहिरोसँग वास्ता गर्ने कुराहरूको बोझ तपाईंको हृदयमा राखिदिनुहुन विन्ति गर्नुहोस्।

मधयस्थताको लागि

”सर्वप्रथम म आग्रह गर्दछु, कि सबै मानिसहरूका निम्‍ति नम्र-निवेदन, प्रार्थना र मध्‍यस्‍थ-बिन्‍ती र धन्‍यवाद चढ़ाइऊन्” – तिमोथी २:१
टि टि आइसँग विश्‍वभरि सेवाकाई गरिरहनुभएका हाम्रा दाजुभाइ तथा दिदीबहिनीहरूका तर्फबाट मधय्स्थता गर्नुहोस्:

तान्जानियाका अगुवाहरूबीच गहिरो एकता होस् भनेर प्रार्थना गरौं। परमेश्वरले यस राष्ट्रमा अद्भुत काम गर्नुभइरहेको छ। यहाँको काम निरन्तर आशीषित होस् भनेर प्रार्थना गरौं।
लाइबेरियामा चर्च स्थापना गर्नेहरूलाई रातो गाउँहरूमा सुसमाचार बाँड्न परमेश्‍वरले सशक्त बनाउनु भएको होस् भनेर प्रार्थना गरौं। त्यहाँका चर्चहरू आत्मिक स्वास्थ्यमा बढून् र परमेश्वरको प्रेममा परिपक्व हुन सकुन्।
भुटानमा ९९% मानिसहरूमा अझै पनि सुसमाचार पुग्न नसकेको अवस्था छ, करिब ७८ लाख जनाले सुसमाचार सुन्ने पहुँच पाएका छैनन्। दक्षिण एशियाको यस भू–आवेष्ठित राष्ट्रलाई सरकारको दमन र आत्मिक अन्धकारबाट मुक्त गरिदिनुहोस् भनेर प्रार्थना गरौं। सुसमाचारको प्रकाश त्यस ठाउँमा चम्कियोस्।
श्रीलंकाका करिब ३.५ मिलियन मानिसलाई अझै सुसमाचार सुन्ने पहुँच छैन। पवित्र आत्माको शक्तिशाली काम हुन सकोस् र चेला बनाउनेहरूले प्रत्येक गाउँमा चर्च स्थापना गर्ने दर्शनलाई आत्मसात् गरून् भनेर प्रार्थना गरौं।
नाइजेरियाका विश्वासीहरूलाई सतावट र आतङ्कवादको बीचमा दृढ भएर उभिन परमेश्वरले बल दिनु भएको होस् भनेर प्रार्थना गरौं। चर्चहरू सुरक्षित रहून् र घाइते तथा पीडितहरूलाई प्रभुले सान्त्वना दिनु भएको होस्।
चाड देशका लागि र उत्तरतर्फ बसोबास गर्ने धेरै मुस्लिमहरूका लागि प्रार्थना गरौं। दक्षिणका ख्रीष्टियनहरूलाई खतरनाक क्षेत्रमा समेत सुसमाचार लैजान परमेश्वरले उनीहरुलाई सशक्त बनाउनु भएको होस्।
हिमाली क्षेत्रमा ACHIEVE दर्शन बाड्दै गर्दा जागृति आउन सकेको होस् भनेर प्रार्थना गरौं। अझ बढी चेला निर्माणकर्ताहरु प्रत्येक गाउँमा चर्च रोपिएको देख्ने अटल उत्साहले भरिपूर्ण होऊन् भनेर प्राथना गरौ।
दक्षिणपूर्व एशियाका अगुवाहरूका लागि प्रार्थना गरौं, जसले ACHIEVE परियोजनामा काम गरिरहेका छन्। विभिन्न विभागहरूबीच समन्वय रहोस् र राष्ट्रभर गाउँहरूको सर्वेक्षण गर्दा प्रभुबाट बुद्धि प्राप्त होस्।

मनन् र चिन्तन

“अन्‍त्‍यमा भाइ हो, जे कुरो सत्‍य छ, जे कुरो आदरणीय छ, जे कुरो न्‍यायसङ्गत छ, जे कुरो शुद्ध छ, जे कुरो प्रेम-योग्‍य छ, जे कुरो कृपामय छ, यदि केही श्रेष्‍ठता, प्रशंसाको योग्‍य केही छ भने यी नै कुराका विचार गर।“ – फिलिप्पी ४:८

तपाईंले पाठ गर्नुभएको धर्मशास्त्रका वचन र प्रार्थनामा केही बेर चिन्तन् गर्नुहोस्। परमेश्‍वरको आवजमा आफ्नो हृदय र मनलाई खोल्नुहोस्। यसो गर्दैगर्दा, आफैलाई सोध्नुहोस्: तपाईंको प्रार्थना र वचनद्वारा परमेश्‍वरले तपाईंलाई के भन्दै हुनुहुन्छ? यस अवस्थामा उहाँले तपाईलाई कसरी अगुवाइ अथवा प्रोत्साहन दिंदै हुनुहुन्छ?

तपाईंको प्रार्थनाको समय सकिनै लाग्‍दा, पुनः विश्‍वभरि परमेश्‍वरले गर्नुभएका कामको लागि उहाँलाई धन्यवाद दिनुहोस्।

Prayer Timer

(Prayer time: 15 min)

"Prayer is the mighty engine that is to move the missionary work." – A.B. Simpson

तपाइँको प्रार्थनालाई ईन्धनको मद्दत गर्न यी स्रोतहरू प्रयोग गर्नुहोस्।

प्रार्थना गर्नुभएकोमा धन्यवाद

२०२६ अप्रिल १३

हामी तपाईंलाई क्षेत्रीय केन्द्रित नयाँ प्रार्थना यात्रामा आमन्त्रण गर्न पाउँदा उत्साहित छौं। प्रत्येक पटक दुई हप्ता सम्म, हामी काम गरिरहेको एउटा क्षेत्रमा ध्यान केन्द्रित गर्नेछौं ताकि तपाईंलाई त्यहाँ परमेश्वर के गरिरहनुभएको छ भन्ने कुरामा जोडिन सकियोस्। हामी प्रार्थनामा सँगै मिल्दा, हामी परमेश्वरले हामीले सोचेभन्दा वा मागेको भन्दा बढी गर्ने अपेक्षा राख्छौं। हरेक गाउँमा, जहाँसुकै चर्चको […]

Read