Prayer Fuel

प्रार्थना गर्नु भएकोमा धन्यवाद।

तपाईंको प्रार्थना समयको अधिकतम उपयोग गर्न, हामी तलको प्रार्थना चक्रको प्रयोग गर्न सल्लाह दिन्छौं। यो मोडेल (नमूना) केवल टि टि आइको प्रार्थनाको समर्थनमा मात्र नभइ तपाईंको दैनिक प्रार्थनाको जीवनको लागि महत्वपुर्ण उपकरणको रुपमा तयार गरिएको हो। हामी आशा गर्छौं कि तपाईंलाई यो टेम्पलेट उपयोगी र अनुकूलनीय लाग्नेछ।

यस प्रार्थना चक्रको तल तपाईंले सम्बन्धित धर्मशास्त्र र प्रार्थनाका विषयहरू पाउनुहुनेछ।

प्रशंसा र धन्यवाद

सधैँ आनन्दित रहो, निरन्तर प्रार्थना गरिरहो, हरेक परिस्थितिमा धन्यवाद देओ; किनकि ख्रीष्‍ट येशूमा तिमीहरूको लागि परमेश्‍वरको इच्छा यही हो।”- 1 थेसलोनिकी 5:16-18

केही समय लिनुहोस् र परमेश्‍वरलाई उहाँ को हुनुहुन्छ, उहाँले के गर्नुभयो र संसारमा उहाँले के गर्दै हुनुहुन्छ भनेर धन्यवाद दिनुहोस्।

सिएर्रालिओनभरि स्थापना भएका चर्चहरू र उहाँको नेतृत्वका लागि येशूलाई धन्यवाद भएको होस्!
भियतनाममा हालै ख्रीष्टलाई ग्रहण गरेका ८ जना नयाँ विश्वासिहरूका लागि परमेश्वरलाई स्तुति भएको होस् । आत्माहरू बचाउनुभएकोमा र टाढा भएकाहरूलाई आफ्नो बनाउनु भएकोमा येशूलाई धन्यवाद!
पाकिस्तानमा मुस्लिम पृष्ठभूमिबाट आएका नयाँ अगुवाहरूका लागि येशूलाई धन्यवाद दिनुहोस्। उनीहरूलाई बचाउनु भएकोमा र हराएकाहरू लाइ खोज्ने उत्साह दिनुभएकोमा धन्यवाद!
प्रभुलाई स्तुति भएको होस्, केन्यामा नयाँ गाउँहरू पहिचान गरी सर्वेक्षण गरिएको छ। यी रातो र पहेंलो गाउँहरूमा साहसी सन्देशवाहकहरूको नेतृत्व गर्नुभएकोमा, येशूलाई धन्यवाद!
हैटीमा सफल “ट्रेनिङ अफ ट्रेनर्स” मिटिङ भएकोमा परमेश्वरलाई स्तुति भएको होस्। उहाँले आफ्ना राज्यको कामको लागि उचित समयमा उचित मानिसहरू ल्याउनुभएकोमा प्रभु धन्यवाद!

पाप स्वीकारोक्‍ति र पश्‍चताप

“सबै कुराभन्‍दा बढी, आफ्‍नो हृदयलाई सुरक्षित राख्, किनभने त्‍यो सारा जीवनको मूल हो।“ – हितोपदेश ४:२३

केही समय निकालेर आफ्ना विचार, कार्य, इच्छाहरू, व्यवहार, र जीवनशैलीको सुचीगत मूल्यांकन गर्नुहोस्। के तपाईंको जीवनमा कुनै नस्वीकारिएको वा अप्रायश्चित पाप छन्? परमेश्वरलाई तपाईंको हृदय जाँच्न दिनुहोस् र अगाडि बढ्नु अघि प्रतिक्रिया दिनुहोस्।

व्यक्तिगत नेवेदन

”कुनै कुरामा चिन्‍तित नहोओ, तर हरेक कुरामा प्रार्थना र निवेदनद्वारा धन्‍यवादसहित तिमीहरूका बिन्‍ती परमेश्‍वरमा जाहेर होऊन्, र समझले नै भियाउन नसकिने परमेश्‍वरको शान्‍तिले तिमीहरूका हृदय र तिमीहरूका मनलाई येशूमा रक्षा गर्नेछ।“ – फिलिप्पी ४:६-७

आफ्ना व्यक्तिगत अर्जीहरू प्रभुको अगाडि ल्याउनको लागि केही समय खर्चिनुहोस्, यसो गर्दैगर्दा तपाईंले परमेश्‍वरलाई आफ्नो हृदयउहाँको हृदको नजिक हुन र उहाँले गहिरोसँग वास्ता गर्ने कुराहरूको बोझ तपाईंको हृदयमा राखिदिनुहुन विन्ति गर्नुहोस्।

मधयस्थताको लागि

”सर्वप्रथम म आग्रह गर्दछु, कि सबै मानिसहरूका निम्‍ति नम्र-निवेदन, प्रार्थना र मध्‍यस्‍थ-बिन्‍ती र धन्‍यवाद चढ़ाइऊन्” – तिमोथी २:१
टि टि आइसँग विश्‍वभरि सेवाकाई गरिरहनुभएका हाम्रा दाजुभाइ तथा दिदीबहिनीहरूका तर्फबाट मधय्स्थता गर्नुहोस्:

मेक्सिकोका युआन नामका एक चेला निर्माणकर्ता जसले हालै प्रभुमा विश्वास गरेका छन्, बप्तिस्मा लिएका छन् र पूर्ण रूपमा विश्वासमा रुपान्तरण भएका छन्, उहाँका लागि प्रार्थना गर्नुहोस्। उहाँले उत्साहका साथ सुसमाचार सुनाउन र आफ्नै घरमा संगति सुरु गर्ने दिशामा अगाडि बढिरहनुभएको छ।
लाओसमा सुसमाचारको कामका लागि प्रार्थना गर्नुहोस्। धेरै चर्चहरू स्थापना भइरहेका छन्, ती चर्चहरू ख्रीष्टमा रहून् र येशूको पुनरुत्थानको शक्तिको घोषणा गरिरहून्।
बुर्किना फासोका सुसमाचार नपुगेका जातिहरूका लागि प्रार्थना गर्नुहोस्। त्यहाँ २७ वटा सुसमाचार नसुनेका जनजातिहरू छन्, जसमा करिब ५५ लाख मानिसहरूलाई सुसमाचारको सन्देशको पहुँच छैन। यस राष्ट्रमा ख्रीष्टको प्रकाश चम्कियोस् भनी प्रार्थना गर्नुहोस्।
सुडानका लागि प्रार्थना गर्नुहोस्। त्यहाँ १७० वटा सुसमाचार नसुनेका जातिहरू छन्। ४.८ करोड भन्दा बढी मानिसहरूले सुसमाचारको साक्षी बिना नै जीवन बिताइरहेका छन्। त्यस ठाउँमा प्रभुले खेतालाहरु खटाउनु भएको होस् भनेर प्राथना गर्नुहोस्।
नेपालको चर्चका लागि प्रार्थना गर्नुहोस्। राजनीतिक हिंसा र अस्थिरताबीच चर्चहरू ख्रीष्टको प्रेममा स्थिर रहोस्। देशमा शान्ति रहोस् र व्यवस्था पुनःस्थापित होस्।
पाकिस्तानका चेला निर्माणकर्ताहरूका लागि प्रार्थना गर्नुहोस्। उनीहरूले मुस्लिम समुदायहरूमा सुसमाचारको बीउ रोपिरहेका छन्। प्रभुले उनीहरूलाई राख्नु भएको होस् र धेरै मुस्लिमहरूलाई ख्रीष्टको विश्वासमा ल्याउन सकुन्।
श्रीलंकाका अगुवाहरूको लागि प्रार्थना गर्नुहोस्। उनीहरू आफ्नो राष्ट्रमा ACHIEVE दर्शनमा उत्साह र समर्पणले भरिपूर्ण हुन सकुन्। आगामी केही महिनामा धेरै चर्चहरू पहेँलो र रातो गाउँहरूमा स्थापना भएको होस्।
क्युबाका लागि प्रार्थना गर्नुहोस्। परमेश्वर यस द्वीप राष्ट्रभरि शक्तिशाली रूपमा काम गरिरहनुभएको छ। धेरै शिष्य निर्माताहरू विश्वस्त छन् कि प्रत्येक गाउँमा चर्च रोपिनेछ। येशूका बाटोहरूमा निरन्तर अघि बढ्न धैर्य र साहस पाउन भनी प्रार्थना गर्नुहोस्।

मनन् र चिन्तन

“अन्‍त्‍यमा भाइ हो, जे कुरो सत्‍य छ, जे कुरो आदरणीय छ, जे कुरो न्‍यायसङ्गत छ, जे कुरो शुद्ध छ, जे कुरो प्रेम-योग्‍य छ, जे कुरो कृपामय छ, यदि केही श्रेष्‍ठता, प्रशंसाको योग्‍य केही छ भने यी नै कुराका विचार गर।“ – फिलिप्पी ४:८

तपाईंले पाठ गर्नुभएको धर्मशास्त्रका वचन र प्रार्थनामा केही बेर चिन्तन् गर्नुहोस्। परमेश्‍वरको आवजमा आफ्नो हृदय र मनलाई खोल्नुहोस्। यसो गर्दैगर्दा, आफैलाई सोध्नुहोस्: तपाईंको प्रार्थना र वचनद्वारा परमेश्‍वरले तपाईंलाई के भन्दै हुनुहुन्छ? यस अवस्थामा उहाँले तपाईलाई कसरी अगुवाइ अथवा प्रोत्साहन दिंदै हुनुहुन्छ?

तपाईंको प्रार्थनाको समय सकिनै लाग्‍दा, पुनः विश्‍वभरि परमेश्‍वरले गर्नुभएका कामको लागि उहाँलाई धन्यवाद दिनुहोस्।

Prayer Timer

(Prayer time: 15 min)

"Prayer is the mighty engine that is to move the missionary work." – A.B. Simpson

तपाइँको प्रार्थनालाई ईन्धनको मद्दत गर्न यी स्रोतहरू प्रयोग गर्नुहोस्।

प्रार्थना गर्नुभएकोमा धन्यवाद

२०२६ अप्रिल १३

हामी तपाईंलाई क्षेत्रीय केन्द्रित नयाँ प्रार्थना यात्रामा आमन्त्रण गर्न पाउँदा उत्साहित छौं। प्रत्येक पटक दुई हप्ता सम्म, हामी काम गरिरहेको एउटा क्षेत्रमा ध्यान केन्द्रित गर्नेछौं ताकि तपाईंलाई त्यहाँ परमेश्वर के गरिरहनुभएको छ भन्ने कुरामा जोडिन सकियोस्। हामी प्रार्थनामा सँगै मिल्दा, हामी परमेश्वरले हामीले सोचेभन्दा वा मागेको भन्दा बढी गर्ने अपेक्षा राख्छौं। हरेक गाउँमा, जहाँसुकै चर्चको […]

Read