Prayer Fuel

प्रार्थना गर्नु भएकोमा धन्यवाद।

तपाईंको प्रार्थना समयको अधिकतम उपयोग गर्न, हामी तलको प्रार्थना चक्रको प्रयोग गर्न सल्लाह दिन्छौं। यो मोडेल (नमूना) केवल टि टि आइको प्रार्थनाको समर्थनमा मात्र नभइ तपाईंको दैनिक प्रार्थनाको जीवनको लागि महत्वपुर्ण उपकरणको रुपमा तयार गरिएको हो। हामी आशा गर्छौं कि तपाईंलाई यो टेम्पलेट उपयोगी र अनुकूलनीय लाग्नेछ।

यस प्रार्थना चक्रको तल तपाईंले सम्बन्धित धर्मशास्त्र र प्रार्थनाका विषयहरू पाउनुहुनेछ।

प्रशंसा र धन्यवाद

सधैँ आनन्दित रहो, निरन्तर प्रार्थना गरिरहो, हरेक परिस्थितिमा धन्यवाद देओ; किनकि ख्रीष्‍ट येशूमा तिमीहरूको लागि परमेश्‍वरको इच्छा यही हो।”- 1 थेसलोनिकी 5:16-18

केही समय लिनुहोस् र परमेश्‍वरलाई उहाँ को हुनुहुन्छ, उहाँले के गर्नुभयो र संसारमा उहाँले के गर्दै हुनुहुन्छ भनेर धन्यवाद दिनुहोस्।

मलेसियामा भएको टिमको लागि प्रभुलाई धन्यवाद। परमेश्वरले दक्षिणपूर्व एशियामा अभियानलाई अगाडि बढाउन अद्भुत अगुवाहरु प्रदान गर्नुभएको छ।
परमेश्वरको स्तुति होस्, कम्बोडियामा नयाँ बप्तिस्मा लिएका विश्वासीहरूलाई ३०० वटा बाइबल वितरण गरिएको छ। येशू ख्रीष्टलाई धन्यवाद, यी नयाँ विश्वासीहरूले आफ्नै भाषामा परमेश्वरको वचन (बाइबल) प्राप्त गर्दै आफ्नो ख्रीष्टियन जीवनको यात्रा सुरु गरेका छन्।
गत महिनामा श्रीलङ्कामा सम्पन्न भएको क्षेत्रीय नेतृत्व बैठकको लागि येशूलाई धन्यवाद। दक्षिण एशिया र दक्षिणपूर्व एशियाका अगुवाहरु दर्शनलाई प्रखर रुपमा जान्न र परमेश्वरबाट ज्ञान प्राप्त भेला भए। हामी उत्साहित छौँ कि परमेश्वरले यी बैठकहरू प्रयोग गरेर आफ्नो राज्यलाई अझै फैलाउनुहुनेछ।
परमेश्वरको स्तुति होस्, गत महिनामा भूटानमा दुई जना नयाँ विश्वासीहरूले प्रभुलाई ग्रहण गरेका छन्!
पूर्वी अफ्रिकामा सुरु भएको नयाँ सेवाको लागि प्रभुलाई धन्यवाद। यस क्षेत्रमा रहेका राष्ट्रिय नेतृत्व टोलीहरू कुनै पनि चर्च नभएको ठाउँहरूमा चर्च स्थापना गर्ने विश्वासले भरिएका छन्।

पाप स्वीकारोक्‍ति र पश्‍चताप

“सबै कुराभन्‍दा बढी, आफ्‍नो हृदयलाई सुरक्षित राख्, किनभने त्‍यो सारा जीवनको मूल हो।“ – हितोपदेश ४:२३

केही समय निकालेर आफ्ना विचार, कार्य, इच्छाहरू, व्यवहार, र जीवनशैलीको सुचीगत मूल्यांकन गर्नुहोस्। के तपाईंको जीवनमा कुनै नस्वीकारिएको वा अप्रायश्चित पाप छन्? परमेश्वरलाई तपाईंको हृदय जाँच्न दिनुहोस् र अगाडि बढ्नु अघि प्रतिक्रिया दिनुहोस्।

व्यक्तिगत नेवेदन

”कुनै कुरामा चिन्‍तित नहोओ, तर हरेक कुरामा प्रार्थना र निवेदनद्वारा धन्‍यवादसहित तिमीहरूका बिन्‍ती परमेश्‍वरमा जाहेर होऊन्, र समझले नै भियाउन नसकिने परमेश्‍वरको शान्‍तिले तिमीहरूका हृदय र तिमीहरूका मनलाई येशूमा रक्षा गर्नेछ।“ – फिलिप्पी ४:६-७

आफ्ना व्यक्तिगत अर्जीहरू प्रभुको अगाडि ल्याउनको लागि केही समय खर्चिनुहोस्, यसो गर्दैगर्दा तपाईंले परमेश्‍वरलाई आफ्नो हृदयउहाँको हृदको नजिक हुन र उहाँले गहिरोसँग वास्ता गर्ने कुराहरूको बोझ तपाईंको हृदयमा राखिदिनुहुन विन्ति गर्नुहोस्।

मधयस्थताको लागि

”सर्वप्रथम म आग्रह गर्दछु, कि सबै मानिसहरूका निम्‍ति नम्र-निवेदन, प्रार्थना र मध्‍यस्‍थ-बिन्‍ती र धन्‍यवाद चढ़ाइऊन्” – तिमोथी २:१
टि टि आइसँग विश्‍वभरि सेवाकाई गरिरहनुभएका हाम्रा दाजुभाइ तथा दिदीबहिनीहरूका तर्फबाट मधय्स्थता गर्नुहोस्:

तान्जानियामा सेवकाई गरिरहनु भएका अगुवाहरु चुनौतीहरूका बीचमा पनि दृढ र अडिग रहनुभएको होस् भनेर प्रार्थना गर्नुहोस्। हालसालै केहीले विपत्ति र अप्रत्याशित मृत्यु भोगेका छन्, उनीहरूको हृदयमा पवित्र आत्माको सान्त्वना र शान्ति भरियोस् भनेर प्रार्थना गर्नुहोस्।
प्रभुले उत्तरी बेनिनका मानिसहरूको हृदयलाई सुसमाचार ग्रहण गर्न खोल्नु भएको होस् भनेर प्रार्थना गर्नुहोस्। येशूको सन्देशलाई यी कठिन ठाउँहरूमा पुर्‍याउन पवित्र आत्माले टि टि आइका चेला बनाउनेहरुलाई साहस र रणनीतिले सुसज्जित गर्नुभएको होस् भनेर प्रार्थना गरौ।
मालीका ४४ वटा सुसमाचार नपुगेका समूहहरूको लागि प्रार्थना गर्नुहोस्, जसलाई सुसमाचारको पहुँच छैन वा निकै सीमित छ। २ करोड २५ लाखभन्दा बढी मानिसहरूलाई सुसमाचार सुनाउन धेरै प्रभुका जनहरु उनीहरूको गाउँमा पठाउन आवश्यक छ।
भियतनामका ७० वटा सुसमाचार नपुगेका समूहहरूको लागि प्रार्थना गर्नुहोस्, जसलाई सुसमाचारको पहुँच छैन वा निकै सीमित छ। यीमध्ये धेरै समूहहरू उत्तरी भियतनाममा छन् र येशूको सन्देशको विरोध गर्छन्। सुसमाचारको प्रकाश यी अन्धकारपूर्ण ठाउँहरूमा छिरोस् भनेर प्रार्थना गर्नुहोस्।
नेपालको चर्चको लागि प्रार्थना गर्नुहोस्, जहाँ राजनीतिक हिंसाले देशलाई हल्लाइरहेको छ। चर्चका अगुवाहरु दृढ रहून् र कठिन समयमा चर्च आशाको प्रकाशस्तम्भ बनोस् भनेर प्रार्थना गर्नुहोस्।
सुडानका चेला बनाउनेहरूको लागि प्रार्थना गर्नुहोस्, जसले सतावट र धम्कीको सामना गरिरहेका छन्। धेरैजना अझै पनि एक अस्थिर र युवा राष्ट्रको बीचमा पनि विश्वासमा स्थिर रहिरहेका छन्।
बंगलादेशका चेला बनाउनेहरूले अचिभको दर्शन साहसपूर्वक अगाडि बढाउन सकून् भनेर प्रार्थना गर्नुहोस्। बंगलादेशका चर्चका अगुवाहरु प्रत्येक गाउँमा एउटा चर्च स्थापना गर्ने परमेश्वरको इच्छामा पूर्णरूपमा विश्वस्त हुन सकुन्।
अचिभको दर्शन सम्पूर्ण अमेरिकामा निरन्तर फैलिरहोस् भनेर प्रार्थना गर्नुहोस्। मेक्सिको, हैटी, क्युबा, र अन्य राष्ट्रहरूमा चेला बनाउनेहरूलाई परमेश्वरले अझै साहसी बनाइदिनुहोस् भनेर प्रार्थना गर्नुहोस्।

मनन् र चिन्तन

“अन्‍त्‍यमा भाइ हो, जे कुरो सत्‍य छ, जे कुरो आदरणीय छ, जे कुरो न्‍यायसङ्गत छ, जे कुरो शुद्ध छ, जे कुरो प्रेम-योग्‍य छ, जे कुरो कृपामय छ, यदि केही श्रेष्‍ठता, प्रशंसाको योग्‍य केही छ भने यी नै कुराका विचार गर।“ – फिलिप्पी ४:८

तपाईंले पाठ गर्नुभएको धर्मशास्त्रका वचन र प्रार्थनामा केही बेर चिन्तन् गर्नुहोस्। परमेश्‍वरको आवजमा आफ्नो हृदय र मनलाई खोल्नुहोस्। यसो गर्दैगर्दा, आफैलाई सोध्नुहोस्: तपाईंको प्रार्थना र वचनद्वारा परमेश्‍वरले तपाईंलाई के भन्दै हुनुहुन्छ? यस अवस्थामा उहाँले तपाईलाई कसरी अगुवाइ अथवा प्रोत्साहन दिंदै हुनुहुन्छ?

तपाईंको प्रार्थनाको समय सकिनै लाग्‍दा, पुनः विश्‍वभरि परमेश्‍वरले गर्नुभएका कामको लागि उहाँलाई धन्यवाद दिनुहोस्।

Prayer Timer

(Prayer time: 15 min)

"Prayer is the mighty engine that is to move the missionary work." – A.B. Simpson

तपाइँको प्रार्थनालाई ईन्धनको मद्दत गर्न यी स्रोतहरू प्रयोग गर्नुहोस्।

प्रार्थना गर्नुभएकोमा धन्यवाद

२०२६ अप्रिल १३

हामी तपाईंलाई क्षेत्रीय केन्द्रित नयाँ प्रार्थना यात्रामा आमन्त्रण गर्न पाउँदा उत्साहित छौं। प्रत्येक पटक दुई हप्ता सम्म, हामी काम गरिरहेको एउटा क्षेत्रमा ध्यान केन्द्रित गर्नेछौं ताकि तपाईंलाई त्यहाँ परमेश्वर के गरिरहनुभएको छ भन्ने कुरामा जोडिन सकियोस्। हामी प्रार्थनामा सँगै मिल्दा, हामी परमेश्वरले हामीले सोचेभन्दा वा मागेको भन्दा बढी गर्ने अपेक्षा राख्छौं। हरेक गाउँमा, जहाँसुकै चर्चको […]

Read