Prayer Fuel

प्रार्थना गर्नु भएकोमा धन्यवाद।

तपाईंको प्रार्थना समयको अधिकतम उपयोग गर्न, हामी तलको प्रार्थना चक्रको प्रयोग गर्न सल्लाह दिन्छौं। यो मोडेल (नमूना) केवल टि टि आइको प्रार्थनाको समर्थनमा मात्र नभइ तपाईंको दैनिक प्रार्थनाको जीवनको लागि महत्वपुर्ण उपकरणको रुपमा तयार गरिएको हो। हामी आशा गर्छौं कि तपाईंलाई यो टेम्पलेट उपयोगी र अनुकूलनीय लाग्नेछ।

यस प्रार्थना चक्रको तल तपाईंले सम्बन्धित धर्मशास्त्र र प्रार्थनाका विषयहरू पाउनुहुनेछ।

प्रशंसा र धन्यवाद

सधैँ आनन्दित रहो, निरन्तर प्रार्थना गरिरहो, हरेक परिस्थितिमा धन्यवाद देओ; किनकि ख्रीष्‍ट येशूमा तिमीहरूको लागि परमेश्‍वरको इच्छा यही हो।”- 1 थेसलोनिकी 5:16-18

केही समय लिनुहोस् र परमेश्‍वरलाई उहाँ को हुनुहुन्छ, उहाँले के गर्नुभयो र संसारमा उहाँले के गर्दै हुनुहुन्छ भनेर धन्यवाद दिनुहोस्।

परमेश्वरको स्तुति गरौं, किनभने TTI हाल ४५ वटा देशहरूमा सक्रिय रूपमा कार्यरत छ र ती प्रत्येक राष्ट्रहरूमा परमेश्वरको राज्यको फल उत्पन्न हुँदैछ।
प्रभु, धन्यवाद छ ती नयाँ देशहरूका लागि जहाँ TTI छिटै विस्तार हुँदैछ। धेरै मानिसहरू उहाँको सुसमाचारलाई अघि बढाउन तयार होऊन् भनेर प्रार्थना गरौं ।
अमेरिकाका क्षेत्रहरूमा सशक्त नेतृत्वका लागि येशूलाइ धन्यवाद भएको होस् , जसले पृथ्वीका प्रत्येक गाउँमा, हरेक ठाउँमा मण्डली स्थापना गर्ने दर्शन बोकेका छन्।
परमेश्वरको स्तुति गरौं, उहाँले पृथ्वीभरि आफ्नो मण्डली निर्माण गर्दै हुनुहुन्छ, र नरका ढोकाहरूले त्यसको विरोध गर्न सक्दैनन्।
प्रभु, तपाइको दयाको लागि धन्यवाद, जसले पश्चात्तापतर्फ डोर्याउँछ, र तपाइका करुणाहरू प्रत्येक बिहान नयाँ हुन्छन्। संसारभरका चेला बनाउनेहरू उहाँमा स्थिर रहून् भनेर प्रार्थना गरौं।

पाप स्वीकारोक्‍ति र पश्‍चताप

“सबै कुराभन्‍दा बढी, आफ्‍नो हृदयलाई सुरक्षित राख्, किनभने त्‍यो सारा जीवनको मूल हो।“ – हितोपदेश ४:२३

केही समय निकालेर आफ्ना विचार, कार्य, इच्छाहरू, व्यवहार, र जीवनशैलीको सुचीगत मूल्यांकन गर्नुहोस्। के तपाईंको जीवनमा कुनै नस्वीकारिएको वा अप्रायश्चित पाप छन्? परमेश्वरलाई तपाईंको हृदय जाँच्न दिनुहोस् र अगाडि बढ्नु अघि प्रतिक्रिया दिनुहोस्।

व्यक्तिगत नेवेदन

”कुनै कुरामा चिन्‍तित नहोओ, तर हरेक कुरामा प्रार्थना र निवेदनद्वारा धन्‍यवादसहित तिमीहरूका बिन्‍ती परमेश्‍वरमा जाहेर होऊन्, र समझले नै भियाउन नसकिने परमेश्‍वरको शान्‍तिले तिमीहरूका हृदय र तिमीहरूका मनलाई येशूमा रक्षा गर्नेछ।“ – फिलिप्पी ४:६-७

आफ्ना व्यक्तिगत अर्जीहरू प्रभुको अगाडि ल्याउनको लागि केही समय खर्चिनुहोस्, यसो गर्दैगर्दा तपाईंले परमेश्‍वरलाई आफ्नो हृदयउहाँको हृदको नजिक हुन र उहाँले गहिरोसँग वास्ता गर्ने कुराहरूको बोझ तपाईंको हृदयमा राखिदिनुहुन विन्ति गर्नुहोस्।

मधयस्थताको लागि

”सर्वप्रथम म आग्रह गर्दछु, कि सबै मानिसहरूका निम्‍ति नम्र-निवेदन, प्रार्थना र मध्‍यस्‍थ-बिन्‍ती र धन्‍यवाद चढ़ाइऊन्” – तिमोथी २:१
टि टि आइसँग विश्‍वभरि सेवाकाई गरिरहनुभएका हाम्रा दाजुभाइ तथा दिदीबहिनीहरूका तर्फबाट मधय्स्थता गर्नुहोस्:

कृपया नेपालका लागि निरन्तर प्रार्थना गर्नुहोस्, किनभने देश राजनीतिक अशान्ति र हिंसाको प्रभावबाट पुनःस्थापना हुँदैछ। प्रार्थना गरौं नयाँ नेताहरूले नागरिकहरूको हितका लागि काम गरून् र सबै नेपालीहरूको समृद्धिको लागि काम गरून्। प्रार्थना गरौं कि आगामी महिनाहरू र वर्षहरूमा नेपालभर मण्डली फस्टाओस्।
दक्षिणपूर्व एशियाका नयाँ पुस्ताका अगुवाहरूका लागि प्रार्थना गरौं। प्रार्थना गरौं कि “तीमथीहरू” “पावल” बनून्, “पावलहरू” “मुख्य प्रशिक्षक (Master Trainers)” बनून्, र नेतृत्वको शृङ्खला (pipeline) यस क्षेत्रमा निरन्तर फस्टाउँदै जाओस्।
गाम्बियाका १४ वटा सुसमाचार नपुगेका जनसमूहहरूका लागि प्रार्थना गरौं, जसले सुसमाचारको सन्देश सुन्न वा पाउन सकेका छैनन्। यो पश्चिम अफ्रिकी राष्ट्रका २३ लाख मानिसहरू यदि विस्वासीहरूले उहाँको बोलावटमा प्रतिक्रिया जनाएनन् भने येशू बिना नै ती मानिसहरु बाँच्ने र मर्ने छन्।
डिबौटीका ९७ प्रतिशत जनसंख्या “सुसमाचार नपुगेका” भनेर मानिन्छन्। ती १० लाखभन्दा बढी व्यक्तिहरूका लागि प्रार्थना गरौं, जसले येशूको सन्देश सुन्न वा पाउन सकेका छैनन्। प्रार्थना गरौं कि मण्डलीहरू स्थापना होऊन्, र धेरै मानिसहरू अन्धकारबाट मुक्त भई परमेश्वरको राज्यमा प्रवेश गरून्।
नाइजेरियाको मण्डलीका लागि प्रार्थना गरौं। अहिलेसम्म सन् २०२५ मा ७,००० ख्रीष्टियनहरू मारिएका छन् भन्ने रिपोर्ट छ। प्रार्थना गरौं कि शत्रुको योजनाहरू असफल होऊन् र मण्डली दृढ रहोस्। उनीहरूको सुरक्षाको लागि र पवित्र आत्माको सान्त्वनाको लागि पनि प्रार्थना गरौं।
मेक्सिकोको मण्डलीका लागि प्रार्थना गरौं, जसले सुसमाचार बाँडिरहेका छन् ती क्षेत्रहरूमा जहाँ बलियो क्याथोलिक प्रभाव र बढ्दो हिंसात्मक अपराधहरू छन्। यी क्षेत्रहरू सुसमाचार सन्देशप्रति विरोधी छन्, त्यसैले शिष्य निर्माता (disciple makers) हरू प्रार्थनाद्वारा सुरक्षित रहून्।
भारतमा ACHIEVEको दर्शन निरन्तर अगाडि बढोस् भनेर प्रार्थना गरौं, किनभने हामी केही क्षेत्रहरूमा परमेश्वरको राज्यको विस्तारको अर्को चरणतर्फ जाँदैछौं। प्रार्थना गरौं कि चेला बनाउनेहरु “हरेक गाउँमा, हरेक ठाउँमा मण्डली सम्भव छ” भन्ने कुरामा अझ दृढ बनून्।
श्रीलंकाको सर्वेक्षण र नक्शा तयार गर्ने टोलीका लागि प्रार्थना गरौं, जसले गाउँहरू भ्रमण गर्दै, प्रमुख तथ्याङ्कहरू अपलोड गरी लक्षित मण्डली स्थापना अभियानलाई सशक्त पारिरहेका छन्। प्रार्थना गरौं कि रातो र पहेंलो गाउँहरू (अर्थात् जहाँ सुसमाचार पुगेको छैन) पहिचान होऊन् र जसले कहिल्यै येशूको नाम सुनेका छैनन्, तिनीहरूमा सुसमाचार पुगून्।

मनन् र चिन्तन

“अन्‍त्‍यमा भाइ हो, जे कुरो सत्‍य छ, जे कुरो आदरणीय छ, जे कुरो न्‍यायसङ्गत छ, जे कुरो शुद्ध छ, जे कुरो प्रेम-योग्‍य छ, जे कुरो कृपामय छ, यदि केही श्रेष्‍ठता, प्रशंसाको योग्‍य केही छ भने यी नै कुराका विचार गर।“ – फिलिप्पी ४:८

तपाईंले पाठ गर्नुभएको धर्मशास्त्रका वचन र प्रार्थनामा केही बेर चिन्तन् गर्नुहोस्। परमेश्‍वरको आवजमा आफ्नो हृदय र मनलाई खोल्नुहोस्। यसो गर्दैगर्दा, आफैलाई सोध्नुहोस्: तपाईंको प्रार्थना र वचनद्वारा परमेश्‍वरले तपाईंलाई के भन्दै हुनुहुन्छ? यस अवस्थामा उहाँले तपाईलाई कसरी अगुवाइ अथवा प्रोत्साहन दिंदै हुनुहुन्छ?

तपाईंको प्रार्थनाको समय सकिनै लाग्‍दा, पुनः विश्‍वभरि परमेश्‍वरले गर्नुभएका कामको लागि उहाँलाई धन्यवाद दिनुहोस्।

Prayer Timer

(Prayer time: 15 min)

"Prayer is the mighty engine that is to move the missionary work." – A.B. Simpson

तपाइँको प्रार्थनालाई ईन्धनको मद्दत गर्न यी स्रोतहरू प्रयोग गर्नुहोस्।

प्रार्थना गर्नुभएकोमा धन्यवाद

२०२६ अप्रिल १३

हामी तपाईंलाई क्षेत्रीय केन्द्रित नयाँ प्रार्थना यात्रामा आमन्त्रण गर्न पाउँदा उत्साहित छौं। प्रत्येक पटक दुई हप्ता सम्म, हामी काम गरिरहेको एउटा क्षेत्रमा ध्यान केन्द्रित गर्नेछौं ताकि तपाईंलाई त्यहाँ परमेश्वर के गरिरहनुभएको छ भन्ने कुरामा जोडिन सकियोस्। हामी प्रार्थनामा सँगै मिल्दा, हामी परमेश्वरले हामीले सोचेभन्दा वा मागेको भन्दा बढी गर्ने अपेक्षा राख्छौं। हरेक गाउँमा, जहाँसुकै चर्चको […]

Read

प्रार्थना गर्नुभएकोमा धन्यवाद

२०२६ अप्रिल ६

Read

Prayer Fuel

प्रार्थना गर्नु भएकोमा धन्यवाद।

प्रार्थना गर्नु भएकोमा धन्यवाद।

प्रशंसा र धन्यवाद

पाप स्वीकारोक्‍ति र पश्‍चताप

व्यक्तिगत नेवेदन

मधयस्थताको लागि

मनन् र चिन्तन

Praying as a group?

Prayer Timer

"Prayer is the mighty engine that is to move the missionary work." – A.B. Simpson