Prayer Fuel

प्रार्थना गर्नु भएकोमा धन्यवाद।

तपाईंको प्रार्थना समयको अधिकतम उपयोग गर्न, हामी तलको प्रार्थना चक्रको प्रयोग गर्न सल्लाह दिन्छौं। यो मोडेल (नमूना) केवल टि टि आइको प्रार्थनाको समर्थनमा मात्र नभइ तपाईंको दैनिक प्रार्थनाको जीवनको लागि महत्वपुर्ण उपकरणको रुपमा तयार गरिएको हो। हामी आशा गर्छौं कि तपाईंलाई यो टेम्पलेट उपयोगी र अनुकूलनीय लाग्नेछ।

यस प्रार्थना चक्रको तल तपाईंले सम्बन्धित धर्मशास्त्र र प्रार्थनाका विषयहरू पाउनुहुनेछ।

प्रशंसा र धन्यवाद

सधैँ आनन्दित रहो, निरन्तर प्रार्थना गरिरहो, हरेक परिस्थितिमा धन्यवाद देओ; किनकि ख्रीष्‍ट येशूमा तिमीहरूको लागि परमेश्‍वरको इच्छा यही हो।”- 1 थेसलोनिकी 5:16-18

केही समय लिनुहोस् र परमेश्‍वरलाई उहाँ को हुनुहुन्छ, उहाँले के गर्नुभयो र संसारमा उहाँले के गर्दै हुनुहुन्छ भनेर धन्यवाद दिनुहोस्।

परमेश्वरको स्तुति गरौं, उहाँले लाओसमा मार्ग देखाउँदै हुनुहुन्छ र देशभरका पास्टरहरूलाई सफलतापूर्वक दर्शन(vision) प्रस्तुत गरिएको छ।
येशू ख्रीष्टलाई धन्यवाद भएको होस्, पाकिस्तानमा मुक्ति पाउनेहरू (salvations) र बप्तिस्मा लिनेहरूको संख्या बढ्दै गएको छ, र चेलापन तथा मण्डली सुदृढीकरणका उपकरणहरूको प्रभावकारी प्रयोग भइरहेको छ। प्रभुले आफ्नो मण्डली निर्माण गर्दै र सशक्त पार्दै हुनुहुन्छ!
परमेश्वरलाई धन्यवाद, इथियोपियामा धेरै सुसमाचारीय संप्रदायहरूसँग साझेदारी गर्ने अवसरका लागि र त्यहाँ फैलिँदो सुसमाचारको कार्यका लागि। परमेश्वरको राज्यका निम्ति भइरहेको सहकार्यको लागि उहाँको स्तुति गरौं।
येशूलाई धन्यवाद भएको होस्, उहाँले क्यूबामा युवा र जोशीला अगुवाहरूलाई उठाइरहनुभएको छ, जो आफ्नो शहर र समुदायहरूमा सुसमाचार प्रचार गर्न उत्साहित छन्।
परमेश्वरको स्तुति गरौं श्रीलंकामा गत महिना “Training of Trainers” बैठक सफलता पुर्वक सम्पन्न भएको छ। सहभागीहरू टापु राष्ट्रका सबै भागहरूबाट आएका थिए, र परमेश्वरले ती अगुवाहरूलाई बुद्धि, बल, र उत्साह दिनुभयो।

पाप स्वीकारोक्‍ति र पश्‍चताप

“सबै कुराभन्‍दा बढी, आफ्‍नो हृदयलाई सुरक्षित राख्, किनभने त्‍यो सारा जीवनको मूल हो।“ – हितोपदेश ४:२३

केही समय निकालेर आफ्ना विचार, कार्य, इच्छाहरू, व्यवहार, र जीवनशैलीको सुचीगत मूल्यांकन गर्नुहोस्। के तपाईंको जीवनमा कुनै नस्वीकारिएको वा अप्रायश्चित पाप छन्? परमेश्वरलाई तपाईंको हृदय जाँच्न दिनुहोस् र अगाडि बढ्नु अघि प्रतिक्रिया दिनुहोस्।

व्यक्तिगत नेवेदन

”कुनै कुरामा चिन्‍तित नहोओ, तर हरेक कुरामा प्रार्थना र निवेदनद्वारा धन्‍यवादसहित तिमीहरूका बिन्‍ती परमेश्‍वरमा जाहेर होऊन्, र समझले नै भियाउन नसकिने परमेश्‍वरको शान्‍तिले तिमीहरूका हृदय र तिमीहरूका मनलाई येशूमा रक्षा गर्नेछ।“ – फिलिप्पी ४:६-७

आफ्ना व्यक्तिगत अर्जीहरू प्रभुको अगाडि ल्याउनको लागि केही समय खर्चिनुहोस्, यसो गर्दैगर्दा तपाईंले परमेश्‍वरलाई आफ्नो हृदयउहाँको हृदको नजिक हुन र उहाँले गहिरोसँग वास्ता गर्ने कुराहरूको बोझ तपाईंको हृदयमा राखिदिनुहुन विन्ति गर्नुहोस्।

मधयस्थताको लागि

”सर्वप्रथम म आग्रह गर्दछु, कि सबै मानिसहरूका निम्‍ति नम्र-निवेदन, प्रार्थना र मध्‍यस्‍थ-बिन्‍ती र धन्‍यवाद चढ़ाइऊन्” – तिमोथी २:१
टि टि आइसँग विश्‍वभरि सेवाकाई गरिरहनुभएका हाम्रा दाजुभाइ तथा दिदीबहिनीहरूका तर्फबाट मधय्स्थता गर्नुहोस्:

भूटानका सेवकाईका अगुवाहरू र मण्डली स्थापनाकर्ताहरू (church planters) परमेश्वरको वचनमा गहिरो रूपमा जरा गाडिएका होऊन् भनेर प्रार्थना गरौं। यो सुसमाचारका लागि कठिन स्थान हो, त्यसैले त्यहाँका मण्डलीहरूलाई परमेश्वरको वचन र पवित्र आत्माबाट आउने बल र धैर्य आवश्यक छ।
पूर्वी अफ्रिकाका नयाँ देशहरू — डिबौटी, मलावी, मोजाम्बिक, रवाण्डा र बुरुन्डी, र युगान्डामा सेवाकार्य सफलतापूर्वक सुरु होस् भनेर प्रार्थना गरौं। ती देशहरूमा परमेश्वरले समर्पित र दृष्टिवान नेताहरू उठाउनू भएको होस् भनेर प्रार्थना गरौं।
इन्डोनेशियाका २३८ वटा सुसमाचार नपुगेका जनसमूहहरूको लागि प्रार्थना गरौं। यी समूहहरूमा २० करोडभन्दा बढी मानिसहरू छन्, जसले सुसमाचार सुन्न वा पाउन सकेका छैनन्। प्रार्थना गरौं “कटनीका प्रभु” सँग, कि उहाँले ती समुदायहरूमा काम गर्नका लागि थप खेतालाहरु खटाउनु भएको होस्।
मलेसियाका ८० वटा सुसमाचार नपुगेका जनसमूहहरूको लागि प्रार्थना गरौं। यदि परिवर्तन भएन भने १ करोड ८० लाखभन्दा बढी मानिसहरू सुसमाचारको साक्षी बिना नै बाँच्ने र मर्नेछन् । प्रार्थना गरौं कि परमेश्वरको राज्य ती गाउँ र मानिसहरूको जीवनमा फैलियोस्।
पश्चिम अफ्रिकाका इस्लामिक देशहरूमा सातवटबाट चेलाहरू सुरक्षित रहून् भनेर प्रार्थना गरौं। ख्रीष्टियनहरूलाई लक्षित गर्ने हिंसा वर्षभर बढ्दै गएको छ, त्यसैले त्यहाँका पीडित मण्डलीहरूको लागि निरन्तर प्रार्थना आवश्यक छ।
टान्जानियाको किनारमा रहेको जान्जिबार टापुको लागि प्रार्थना गरौं। यो अत्यन्तै मुस्लिम क्षेत्र हो र त्यहाँ ख्रीष्टियन हुनु कठिन छ। प्रार्थना गरौं कि चेला बनाउनेहरू विश्वास र साहसले भरिपूर्ण होऊन् ताकि उनीहरूले त्यहाँ सुसमाचार साहसपूर्वक बाँड्न सकून्।
प्रार्थना गरौं कि अमेरिकाका धेरै मानिसहरू चेलाहरुले चेला बनाउने, मण्डलीहरुले मण्डली स्थापना गर्ने, र अगुवाहरू तयार गर्न सक्ने अगुवाहरू उठाउन प्रेरित होऊन्। मेक्सिको, क्यूबा, र हेटीका प्रत्येक गाउँ र स्थानमा मण्डली स्थापना होस् भनेर प्रार्थना गरौं।
संसारभर भइरहेका नक्साङ्कन गर्ने प्रयासहरूका लागि प्रार्थना गरौं। धेरै मानिसहरू गम्भीरतापूर्वक काम गर्दै छन्, कुन गाउँमा मण्डली छ र कुनमा छैन भनेर बुझ्न। यो चुनौतीपूर्ण काम हो, तर महान आज्ञा पूरा गर्नका लागि साथै “हरेक गाउँमा, हरेक ठाउँमा मण्डली स्थापना” को लक्ष्य पुरा गर्न अत्यन्तै महत्वपूर्ण छ।

मनन् र चिन्तन

“अन्‍त्‍यमा भाइ हो, जे कुरो सत्‍य छ, जे कुरो आदरणीय छ, जे कुरो न्‍यायसङ्गत छ, जे कुरो शुद्ध छ, जे कुरो प्रेम-योग्‍य छ, जे कुरो कृपामय छ, यदि केही श्रेष्‍ठता, प्रशंसाको योग्‍य केही छ भने यी नै कुराका विचार गर।“ – फिलिप्पी ४:८

तपाईंले पाठ गर्नुभएको धर्मशास्त्रका वचन र प्रार्थनामा केही बेर चिन्तन् गर्नुहोस्। परमेश्‍वरको आवजमा आफ्नो हृदय र मनलाई खोल्नुहोस्। यसो गर्दैगर्दा, आफैलाई सोध्नुहोस्: तपाईंको प्रार्थना र वचनद्वारा परमेश्‍वरले तपाईंलाई के भन्दै हुनुहुन्छ? यस अवस्थामा उहाँले तपाईलाई कसरी अगुवाइ अथवा प्रोत्साहन दिंदै हुनुहुन्छ?

तपाईंको प्रार्थनाको समय सकिनै लाग्‍दा, पुनः विश्‍वभरि परमेश्‍वरले गर्नुभएका कामको लागि उहाँलाई धन्यवाद दिनुहोस्।

Prayer Timer

(Prayer time: 15 min)

"Prayer is the mighty engine that is to move the missionary work." – A.B. Simpson

तपाइँको प्रार्थनालाई ईन्धनको मद्दत गर्न यी स्रोतहरू प्रयोग गर्नुहोस्।

प्रार्थना गर्नुभएकोमा धन्यवाद

२०२६ अप्रिल १३

हामी तपाईंलाई क्षेत्रीय केन्द्रित नयाँ प्रार्थना यात्रामा आमन्त्रण गर्न पाउँदा उत्साहित छौं। प्रत्येक पटक दुई हप्ता सम्म, हामी काम गरिरहेको एउटा क्षेत्रमा ध्यान केन्द्रित गर्नेछौं ताकि तपाईंलाई त्यहाँ परमेश्वर के गरिरहनुभएको छ भन्ने कुरामा जोडिन सकियोस्। हामी प्रार्थनामा सँगै मिल्दा, हामी परमेश्वरले हामीले सोचेभन्दा वा मागेको भन्दा बढी गर्ने अपेक्षा राख्छौं। हरेक गाउँमा, जहाँसुकै चर्चको […]

Read