Prayer Fuel

प्रार्थना गर्नु भएकोमा धन्यवाद।

तपाईंको प्रार्थना समयको अधिकतम उपयोग गर्न, हामी तलको प्रार्थना चक्रको प्रयोग गर्न सल्लाह दिन्छौं। यो मोडेल (नमूना) केवल टि टि आइको प्रार्थनाको समर्थनमा मात्र नभइ तपाईंको दैनिक प्रार्थनाको जीवनको लागि महत्वपुर्ण उपकरणको रुपमा तयार गरिएको हो। हामी आशा गर्छौं कि तपाईंलाई यो टेम्पलेट उपयोगी र अनुकूलनीय लाग्नेछ।

यस प्रार्थना चक्रको तल तपाईंले सम्बन्धित धर्मशास्त्र र प्रार्थनाका विषयहरू पाउनुहुनेछ।

प्रशंसा र धन्यवाद

सधैँ आनन्दित रहो, निरन्तर प्रार्थना गरिरहो, हरेक परिस्थितिमा धन्यवाद देओ; किनकि ख्रीष्‍ट येशूमा तिमीहरूको लागि परमेश्‍वरको इच्छा यही हो।”- 1 थेसलोनिकी 5:16-18

केही समय लिनुहोस् र परमेश्‍वरलाई उहाँ को हुनुहुन्छ, उहाँले के गर्नुभयो र संसारमा उहाँले के गर्दै हुनुहुन्छ भनेर धन्यवाद दिनुहोस्।

मलेसियाका केही क्षेत्रहरूमा सफल भिजन कास्टिङको लागि परमेश्वरको प्रशंसा गरौं। पास्टरहरू र नेताहरू चेलाहरू र चर्चहरूको संख्या बढाउने दृष्टिमा संलग्न छन्। खुला हृदयको लागि प्रभुलाई धन्यवाद दिऔं र दिगो साझेदारीको लागि प्रार्थना गरौं।
म्यानमारमा, देशभरि चुनौतीहरूको बाबजुद १५ स्थानहरूमा प्रशिक्षकहरूको प्रशिक्षण सम्पन्न भयो। यो सम्भव गराउने प्रशिक्षक र कर्मचारीहरूको प्रतिबद्धताको लागि परमेश्वरको प्रशंसा गरौं। प्रक्रियाभरि सुरक्षा र एकताको लागि उहाँलाई धन्यवाद दिऔं।
लाओसमा, स्थानीय नेताहरूको बलियो सहयोगमा पाँच प्रान्तहरूमा भिजन कास्टिङ सम्पन्न भएको छ। ईश्वरीय सम्बन्ध र सुरक्षित यात्राको लागि परमेश्वरको प्रशंसा गरौं। टोली नयाँ क्षेत्रहरूमा सर्दै जाँदा निरन्तर अनुग्रहको लागि प्रार्थना गरौं।
धेरै चुनौतीहरूको बाबजुद, भुटानका नेताहरूले आगामी प्रशिक्षण चक्रको लागि लगभग हरेक प्रस्तावित प्रशिक्षण केन्द्रको भ्रमण गरेका छन्। उनीहरूको दृढता र यस दक्षिण एसियाली देशमा चेलाहरू र चर्चहरूको बढ्दो आवागमनको लागि परमेश्वरको प्रशंसा गरौं।
सुडानमा विगत दुई वर्षको कामको लागि परमेश्वरलाई धन्यवाद दिऔं। अस्थिरता र आध्यात्मिक आवश्यकताले चिह्नित क्षेत्रमा फलेको फलको लागि प्रभुको प्रशंसा गरौं।

पाप स्वीकारोक्‍ति र पश्‍चताप

“सबै कुराभन्‍दा बढी, आफ्‍नो हृदयलाई सुरक्षित राख्, किनभने त्‍यो सारा जीवनको मूल हो।“ – हितोपदेश ४:२३

केही समय निकालेर आफ्ना विचार, कार्य, इच्छाहरू, व्यवहार, र जीवनशैलीको सुचीगत मूल्यांकन गर्नुहोस्। के तपाईंको जीवनमा कुनै नस्वीकारिएको वा अप्रायश्चित पाप छन्? परमेश्वरलाई तपाईंको हृदय जाँच्न दिनुहोस् र अगाडि बढ्नु अघि प्रतिक्रिया दिनुहोस्।

व्यक्तिगत नेवेदन

”कुनै कुरामा चिन्‍तित नहोओ, तर हरेक कुरामा प्रार्थना र निवेदनद्वारा धन्‍यवादसहित तिमीहरूका बिन्‍ती परमेश्‍वरमा जाहेर होऊन्, र समझले नै भियाउन नसकिने परमेश्‍वरको शान्‍तिले तिमीहरूका हृदय र तिमीहरूका मनलाई येशूमा रक्षा गर्नेछ।“ – फिलिप्पी ४:६-७

आफ्ना व्यक्तिगत अर्जीहरू प्रभुको अगाडि ल्याउनको लागि केही समय खर्चिनुहोस्, यसो गर्दैगर्दा तपाईंले परमेश्‍वरलाई आफ्नो हृदयउहाँको हृदको नजिक हुन र उहाँले गहिरोसँग वास्ता गर्ने कुराहरूको बोझ तपाईंको हृदयमा राखिदिनुहुन विन्ति गर्नुहोस्।

मधयस्थताको लागि

”सर्वप्रथम म आग्रह गर्दछु, कि सबै मानिसहरूका निम्‍ति नम्र-निवेदन, प्रार्थना र मध्‍यस्‍थ-बिन्‍ती र धन्‍यवाद चढ़ाइऊन्” – तिमोथी २:१
टि टि आइसँग विश्‍वभरि सेवाकाई गरिरहनुभएका हाम्रा दाजुभाइ तथा दिदीबहिनीहरूका तर्फबाट मधय्स्थता गर्नुहोस्:

बंगलादेशका एक TTI पल अजगर अली, जसको तिमोथी हालै बित्नुभयो, उहाँको चेलापन र चर्च स्थापनाको काममा निरन्तर लाग्दा हामी सान्त्वना, शक्ति र नयाँ आशाको लागि प्रार्थना गरौं। परमेश्वरले तिनीहरूको परिवारसँग रहून् भनेर प्रार्थना गर्नुहोस्।
थाइल्याण्डका एक TTI पल, नुनथाकोर्नलाई गत महिना स्ट्रोक भयो। पूर्ण स्वास्थ्यलाभ, उहाँको परिवारको शान्ति र परमेश्वरले उहाँलाई सुम्पनुभएको मिसनमा फर्कन शक्तिको लागि प्रार्थना गर्नुहोस्।
गाम्बियाका पल, तिमोथी र नयाँ विश्वासीहरूको लागि प्रार्थना गर्नुहोस् कि उनीहरू नपुगेका मानिसहरूका समूह र ठाउँहरू पहिचान गर्न सकून्। जहाँ कुनै पनि चर्चहरू छैनन् त्यहाँ चर्चहरू स्थापना गर्दा उनीहरूको हृदयलाई तत्कालै उत्तेजित गर्न परमेश्वरलाई अनुरोध गर्नुहोस्।
धेरै पहुँच नभएका गाउँहरू भएको नेपालको क्षेत्रमा सुरु हुँदै गरेको बहु-सेवा लक्षित क्षेत्रको लागि प्रार्थना गर्नुहोस्। परमेश्वरलाई माटो तयार गर्न र यी आध्यात्मिक रूपमा सुख्खा ठाउँहरूमा सुसमाचार पुर्‍याउने नेताहरू खडा गर्न अनुरोध गर्नुहोस्।
चर्चहरू जबरजस्ती बन्द गरिँदै छन्, र पास्टरहरूलाई उत्तरी भारतका गाउँहरूमा प्रवेश गर्न प्रतिबन्ध लगाइएको छ। सतावटबाट पीडित यस क्षेत्रमा साहस, सुरक्षा र सफलताको लागि प्रार्थना गर्नुहोस्।
गिनी-बिसाउमा चर्च स्थापनाकर्ताहरू र नयाँ विश्वासीहरूले परिवार-आधारित सतावटको सामना गरिरहेका छन्। विरोधको बीचमा अनुग्रह, सहनशीलता र स्वस्थ चर्चहरूको स्थापनाको लागि प्रार्थना गर्नुहोस्।
म्यानमारभरि ACHIEVE को पूर्ण कार्यान्वयनको लागि प्रार्थना गर्नुहोस्। पावल, तिमोथी र नेताहरूले प्रत्येक क्षेत्रमा सुसमाचार संतृप्तितर्फ काम गर्दा उनीहरूको श्रमलाई आशीर्वाद दिन परमेश्वरलाई प्रार्थना गर्नुहोस्।
मेडागास्करभरि ACHIEVE प्रयासहरूमा संलग्नहरूको सुरक्षाको लागि प्रार्थना गर्नुहोस्। अस्थिरताको सामना गर्दा पनि उनीहरूलाई सुरक्षित र सशक्त बनाउन चर्चहरू स्थापना गर्न र चेला बनाउन जारी राख्नको लागि प्रार्थना गर्नुहोस्।

मनन् र चिन्तन

“अन्‍त्‍यमा भाइ हो, जे कुरो सत्‍य छ, जे कुरो आदरणीय छ, जे कुरो न्‍यायसङ्गत छ, जे कुरो शुद्ध छ, जे कुरो प्रेम-योग्‍य छ, जे कुरो कृपामय छ, यदि केही श्रेष्‍ठता, प्रशंसाको योग्‍य केही छ भने यी नै कुराका विचार गर।“ – फिलिप्पी ४:८

तपाईंले पाठ गर्नुभएको धर्मशास्त्रका वचन र प्रार्थनामा केही बेर चिन्तन् गर्नुहोस्। परमेश्‍वरको आवजमा आफ्नो हृदय र मनलाई खोल्नुहोस्। यसो गर्दैगर्दा, आफैलाई सोध्नुहोस्: तपाईंको प्रार्थना र वचनद्वारा परमेश्‍वरले तपाईंलाई के भन्दै हुनुहुन्छ? यस अवस्थामा उहाँले तपाईलाई कसरी अगुवाइ अथवा प्रोत्साहन दिंदै हुनुहुन्छ?

तपाईंको प्रार्थनाको समय सकिनै लाग्‍दा, पुनः विश्‍वभरि परमेश्‍वरले गर्नुभएका कामको लागि उहाँलाई धन्यवाद दिनुहोस्।

Prayer Timer

(Prayer time: 15 min)

"Prayer is the mighty engine that is to move the missionary work." – A.B. Simpson

तपाइँको प्रार्थनालाई ईन्धनको मद्दत गर्न यी स्रोतहरू प्रयोग गर्नुहोस्।

प्रार्थना गर्नुभएकोमा धन्यवाद

२०२६ अप्रिल १३

हामी तपाईंलाई क्षेत्रीय केन्द्रित नयाँ प्रार्थना यात्रामा आमन्त्रण गर्न पाउँदा उत्साहित छौं। प्रत्येक पटक दुई हप्ता सम्म, हामी काम गरिरहेको एउटा क्षेत्रमा ध्यान केन्द्रित गर्नेछौं ताकि तपाईंलाई त्यहाँ परमेश्वर के गरिरहनुभएको छ भन्ने कुरामा जोडिन सकियोस्। हामी प्रार्थनामा सँगै मिल्दा, हामी परमेश्वरले हामीले सोचेभन्दा वा मागेको भन्दा बढी गर्ने अपेक्षा राख्छौं। हरेक गाउँमा, जहाँसुकै चर्चको […]

Read